Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Laguq side, Titus, side harus ngajahang pengajahan saq kenaq.

² Bẽng nasẽhat dengan-dengan mame saq lingsir, adẽq ie pade tao nahen diriqne, bijaksane, idup jari dengan saq patut tehormatin, idup dalem iman, kasih dait dalem ketekunan.

³ Maraq nike ẽndah dengan-dengan nine saq lingsir, ie pade harus idup jari dengan-dengan saq beribadah, ndẽqne kanggo pitnah dengan lain, ndẽqne kanggo ketagihan ineman keras, laguq ie pade harus tao ngajahang hal-hal saq solah,

⁴ adẽq siq care nike ie pade bau didik dengan-dengan nine saq masih bajang jari ngasihin semame dait bije-bijene,

⁵ jari bijaksane, idup suci dait jari senine saq solah saq taat lẽq semamene. Siq care nike ndẽq araq dengan saq bau ngewade Manik Allah.

⁶ Maraq nike ẽndah, bẽng nasẽhat dengan-dengan bajang adẽq ie pade nguasein diriqne dalem selapuq hal,

⁷ dait side mẽsaq harus jari teladan kelakuan saq solah. Side harus jujur dait pacu-pacu ngajahang.

⁸ Kadu base saq bijaksane, saq ndẽq bau tecele siq dengan, adẽq musuh-musuhde jari ilaq, sẽngaq ndẽq araq hal-hal saq lengẽ saq bau ie pade raosang mengenai ite.

⁹ Hambe-hambe harus taat lẽq majikanne, dait nyenengang majikanne lẽq dalem selapuq hal. Ie pade ndẽq kanggo ngelawan,

¹⁰ atao memaling. Ie pade harus nyatayang bahwe ie pade tetep tulus ihlas dait setie, adẽq dengan gen muji pengajahan mengenai Allah, Juruselamet ite.

¹¹ Sẽngaq rahmat Allah saq nyelametang selapuq manusie sampun nyate.

¹² Rahmat Allah nike didik ite adẽq ndẽq malik idup betentangan kance pekayunan Allah dait ndẽq turut kemẽlẽq duniawi. Ite tedidik jari idup bijaksane, adil dait beribadah lẽq dalem dunie niki.

¹³ Mangkin niki ite ngantih pengharepan saq miaq bahagie serte berembẽ Allah dait Juruselamette Deside Isa Almasih nyatayang kemuliean-Ne saq Maheagung.

¹⁴ Ie sampun ngurbanang diriq-Ne umaq ite jari bẽbasang ite lẽman selapuq kejahatan, dait nyuciang dengan-dengan saq jari dowẽ-Ne mẽsaq, dait saq rajin ngelaksaneang saq solah.

¹⁵ Ajahang selapuqne nike, dait bẽng nasẽhat dait yakinang dengan-dengan saq dengahang side siq wibawe. Ndaq alurang sopoq dengan juaq ngerẽmẽhang side.

Titus

Video Titus 2

Ikuti Kami:

KONTAK | PARTISIPASI | DONASI