Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Titus utatku! Tunduíbií onu inta no'itutui.
2 Tonggina'ai ing guyanga mita ḷoḷaki, simbaí mokotahang kong gina im mosia, mobijaksana bo mobiag saḷaku guyanga inta patus hormaton. Umuran doman kumadai kon totunduí inta no'itutui nongkon i Allah bo totu-totu'u doman motabi bo mosabar aka koaíntugan in roriga.
3 Tonggina'ai doman ing guyanga mita bobay, simbaí oaíid monia mo'idudui kon aid in intau mita inta nonota'au ko'i Allah. Tunduí doman simbaí mosia diaí mo'ibog moponapud in soaáḷ mita inta diaí totu'u kon intau ibanea. Dika doman ogoi monginum kon o'inumon inta mokoḷoḷangu. mosia musti mota'au motunduí kon inta mopia,
4 simbaí mota'audon mosia modidik kom bobay mita inta bagu pinobuḷoi baí motabi ko'i buḷoi bo ko'i adií monia.
5 Musti mobiag mobijaksana, motulid in raian bo mobalií buḷoi inta mota'au moḷukad kon tonibuḷoi monia ( mota'au monompia kon tombonu im baḷoinya). Mopia ing gina bo motabi ko'i buḷoinya. Aka natua in oaíid monia, yo diaíbií im moningkule kon Habar Mopia inta nongkon i Allah.
6 Naí doman tua, tonggina'ai intau mita inta nongogu'odpa simbaí mobalajar i mosia monahang kong gina kom bayongan rupa-rupa.
7 Bo kom bayongan yagi-yagi, oaíidmu musti mobalií dodayanan inta mopia ko'i monia. Aka motunduí in ikow yo mustibií mokopojujur bo totu-totu'u motunduí.
8 Kopia'an im mosingog, dika mongonguman kon uboḷ, simbaí saturumu mita mo'oyak sin diaí in soaáḷ mita inta diaí mopia im mota'au monia posingog ko'i naton.
9 Aka inta nobiag saḷaku ata yo mustibií umuran dumudui kom bayongan inta pinoki aid i tuangnya ko'inia, dika tantuí momaḷawang,
10 bo dika monakow. Umuranbií po'ontong in aid inta mopia inta mota'au pirisaya'an, simbaí monyatadon kon aid mita naton tatua in totunduíbií mita i Allah, sahingga ki Allah Mopoposaḷamat naton umuran dayowon monia lantaran aid naton inta mopia.
11 Sing ki Allah ain nopo'ontong in totabi-Nya sim moposaḷamat kom bayongan umat kon dunia na'a.
12 Totabi Allah tatua motunduí ko'i naton baí diaídon tongaí umuran dumudui kon ibog in dunia na'a, ta'e tantuídon dumudui kon ibog i Allah. Kita pinoaíngoi in dunia na'a, dinidikbií simbaí mota'au monahang kon ibog in awak, umuran motulid ing gina bo umuran doman dumudui kon inta pinarentah i Allah.
13 Tana'a makow, kita mogoḷatpa makow kon singgai inta iharap makow naton tua. Kon singgai tatua, dunia na'a moko'ontongdon kong kamulia'an i Yesus Kristus, Sia tuata ing ki Allah Inta Totok Momulia bo Raja Mopoposaḷamat naton.
14 Sia tuata inta ain noposarakan in awak-Nya sim mopoḷuai ko'i naton nongkon bayongan inta mora'at, bo kita baliíon-Nya tobatuí umat inta nobebasdon nongkon kawasa in dosa bo tongaídon mobalií umat-Nya inta morajing mogaid kon inta mopia.
15 Tunduídon ko'i monia intua komintan, tonggina'ai bo poḷat togur kopia'an i mosia inta mokidongog ko'inimu. Dika ikow mo'ibog tomongoaídiíon in tobatuímai intau.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA