Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Nako koge'ena, de ngone 'okia pongose? Salingou ngone kaposigila? podiai 'o sowono la ma Jo'oungu ma Dutu 'ifoloiosi wonasibosono de kaiamoko monga wonakula 'o co-catu?

² Ma raiokau ko'uwa! 'O sowono koinaparetawau ngoneka, so koidadiwa ngone kopomaogoruwa podiai 'o sowono nanga 'ahu ma sigoronaka!

³ Ngini ma rai nianakokau gee ma 'orasi ngone 'ina'osiki de 'o go-gosiki 'itebi-tebini, ge'ena ma no-nako 'ato ngone pomarimoiokau de ma Kristus Yesus. Ne'ena ma ngale ngone mita matero kapomasidosongenokau de ma Kristus.

⁴ De 'o go-gosiki ge'ena, ngone matero kapomasidosongenokau de ma Kristus de 'inasidobo'osukokau de de 'una. La 'isoka kokia naga ma Kristus wosongenuku de wisiwangokau de nanga Dea 'awi kuasa gee ma batingi koi'iwa, koge'enali mita ngone 'idadi pamake 'o 'ahu ma sungi.

⁵ Nako ngone pomarimoiokau de ma Kristus sababu ngone matero kapomasidosongenokau de de 'una, ngone 'asa pomarimoi mita de de 'una sababu ngone mita 'inasiwangoli kaimatero de de 'una.

⁶ Ngone panako to ngone nanga 'ahu ma sira gee 'iisangokau 'imasituono de ma Kristus wosongene 'o salipoka la nanga 'ahu ma sira 'isowo-sowono gee koinaparetanowau. De ma ngekomo ge'ena ngone kopoyongosuawau 'o sowonoka.

⁷ Sababu nako moi yosongenokau, 'ona ge'ena yakisipidilokau 'o sowono ma paretaka.

⁸ Nako ngone pomasidosongenokau de ma Kristus ma ngale nanga 'ahu ma sira 'iisangokau, ngone pongakuokau 'ato ngone mita 'asa po'ahu de de 'una.

⁹ Sababu ngone panakokau ma Kristus wosongenokau de wisiwangodeli, 'una 'asa kowosongenuawau, 'o songene kowiparetawau 'unaka.

¹⁰ Sababu 'una wosongene ge'ena ma ngale waisanga 'o sowono ma pareta, ge'ena 'idadi ka ma moi duga ma ngale kaisi'ado-'adonika. De ne'ena 'una wo'ahu ma ngale wisitedene ma Jo'oungu ma Dutu.

¹¹ Ngini mita salingou niosi-singina, ngini koniamotekuawau nia 'ahu ma sira gee 'ito-torou, ma 'ania 'ahu 'imarimoiokau de ma Jo'oungu ma Dutu ma ngekomo ma Kristus Yesus.

¹² 'Uwau niosidabi 'o sowono yaparetano 'ania roese gee koika-kakaliwa la 'uwa niamoteke nia nyafisuu 'ito-torou.

¹³ Mita 'ania roese ma kia sonaa 'uwa niodukula 'o sowono ma paretaka ma ngale yapake ma dumutu 'ito-torou. Ma niosisarakani nia roese ma Jo'oungu ma Dutuka 'isoka 'o nyawa gee yosongenokau ma yakisiwangokau. Niokula nia roese 'iodumu ma Jo'oungu ma Dutuka la 'una 'asa winipake ma ngale niadiai to 'una 'awi mau.

¹⁴ 'O sowono 'uwa nipareta nginika, sababu ngini konio'ahuwau 'o besesongoka gee 'o Musa wositota-totara ma 'ena nio'ahu ma Jo'oungu ma Dutu 'awi co-catuoka.

¹⁵ So kokia ne'ena? Ngone koinaparetanowau 'o besesongo gee 'o Musa wositota-totara, ma 'ena ma Jo'oungu ma Dutu 'awi co-catu 'inaparetano. Nako koge'ena de kaidadiosi posowono? Ma gou-goungu 'uwau!

¹⁶ Ngini ma rai nianakokau, nako ngini niomasisarakani wimoika la niamoteke 'awi mau, ge'ena ngini niodadi to 'una 'awi yongosi. Nako ngini niosingounu 'o sowono, ngini niodadi 'o sowono ma yongosi, ma duanguku ngini niosongene. Ma nako ngini winisingounu ma Jo'oungu ma Dutu, ngini niodadi ma Jo'oungu ma Dutu 'awi yongosi, ma duanguku ngini niomarimoi de de 'una.

¹⁷ Ma po'amalaha ma Jo'oungu ma Dutuka! Sababu ma sira ngini niodadi 'o sowono ma gilaongo, ma ne'ena ngini de nia singina ma gou-goungu niamoteke 'o Habari ma Owa gee nikulakau nginika.

¹⁸ Ngini nisipidilokau 'o sowonoka, de ma 'orasi ne'ena niogilaongokau ma Jo'oungu ma Dutu 'awi mauoka.

¹⁹ Sababu 'isusa niasahe, so tosi'ade-'ade de 'o gilaongo la 'igapangi niasahe. Ma sira ngini 'ania roese 'iodumu niodukula 'idadi gilaongo 'okia sonaa 'imedi-medirika de 'ito-torouka ma ngale kaniodemeki monga 'o dorou niodi-diai. Koge'enali mita ma 'orasi ne'ena, salingou 'ania roese 'iodumu niosisarakani 'igilaongo ma Jo'oungu ma Dutu 'awi mauka ma ngale duga ka gee 'itebi-tebinika.

²⁰ Ma 'orasi ngini 'o sowono niparetano, ngini koniadiaiwa ma Jo'oungu ma Dutu 'awi mau.

²¹ Ka ma eta ma koi'iwa ma faedaa 'o sagala moi-moi gee niadi-diaiokau, gee ma 'orasi ne'ena nimaeke niadiai! 'O manarama ge'ena duga kaisi'asa 'o songenika!

²² Ma ne'ena ngini nisipidilokau 'o sowonoka, de niodadiokau ma Jo'oungu ma Dutu 'awi gilaongo. Ma faedaa ge'ena la ngini nio'ahu duga kawinileleani ma Jo'oungu ma Dutu, de ge'ena ma duanguku 'o 'ahu 'ika-kakali.

²³ Sababu 'o nyawa gee 'o sowono yodiai ge'ena ma duanguku 'o songene. Ma 'o 'ahu 'ika-kakali ma ngekomo ma Yesus Kristus to ngone nanga Jou, ge'ena la 'o co-catu ma Jo'oungu ma Dutuno gee kawokula.

Roma

Video Roma 6

Ikuti Kami:

KONTAK | PARTISIPASI | DONASI