Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Bae kojo kanoto i mPue Allah resi kita. Wali wimba, bara matao ane kita kanjo’u-njo’u ojo mangadugadugang dosa to taika see tidugadugang seja kanoto i mPue Allah mangalapas dosa ngkita etu?
2 Gete taa! Tamo masipato kita mangika dosa apa kita nato’o i mPue Allah mate sindara-ndara pei i Kerisitu see dosa tamo maya mangkuasang kita.
3 Wali a’i-a’i, ne’e rakalingan anu to nawali tempo kita rabaptis rapasimba’a resi i Kerisitu Yesu. Tempo etu kita mawali samba’a pei Ia wali batuanginya kita seja room mate yau sindara-ndara pei Ia.
4 Wali tempo kita rabaptis mawali samba’a pei i Kerisitu ri raya ngkapateNya etu, tempo etu kita seja nato’o i mPue Allah rapongkeli sindara-ndara pei i Kerisitu. Wali ojo karoonya i Kerisitu rapongkeli yau Ia rawangu muni saba yako kuasa i mPue Allah to bae kojo. Wali see naka kita takurang mampolengkoka lengko ngkatuwu to bou.
5 Apa ane kita rapasimba’a resi i Kerisitu pasi resi kapateNya etu, ane ewa see matantu kojo kita seja darawangu muni yako ri kapatenta sewaju ewa Ia rawangu muni.
6 Wali kita tansani tau to masae ngkita mate yau seja rapaku ri kaju pasape sindara-ndara pei i Kerisitu. Naka pei mate yau tau to masae ngkita etu see dosa to mangkuasang koronta si’i rapakaja’a yau kuasanya. Wali dosa etu tamo re’e kuasanya mamporentang wo’u kita.
7 Apa tau to room mate yau, tau etu tamo maya mangika dosa.
8 Wali ane kita room namate yau sindara-ndara pei Kerisitu, ane ewa see kita tansani kita seja datuwu sindara pei Ia.
9 Apa tansani i Kerisitu rawangu muni yako ri kapateNya wali see naka Ia tamo damate wo’u apa kapate tamo re’e kuasa mangamporentang Ia.
10 Ia sangkanija mate manganangi kuasa nu dosa rataka ri singkasaenya. Pei si’i-si’i Ia tuwu muni pasi Ia tuwu sindara-ndara pei i Pue Allah.
11 Wali ewa see seja matao kita mampobuuka, “Aku roomo mate yau sindara pei i Kerisitu wali aku tamo ri ara ngkuasa nu dosa. Pasi aku seja tuwu sindara-ndara pei i Pue Allah apa aku samba’a pei i Kerisitu Yesu.” Ewa wetu matao kita mampobuuka.
12 Wali dosa tamo kojo re’e kuasa mamporentang kita. Wali ne’e kita mangabiaka dosa mamporentang koro ngkita to damate si’i see kita tamo ojo mangaluluka yau pamporani ndayanta to maja’a.
13 Ne’e kita mangabiaka pasi sangaya saga ngkoro ngkita rapake damangika anu to maja’a. Kita ewa tau to room mate pei nawangu muni i mPue Allah. Wali to tao-tao kita mangawaika koronta resi i Pue Allah see Ia maya mangampake kita damangika anu to singkonong pei Ia.
14 Apa dosa tamo re’e kuasa mamporentang kita apa kita si’amo ri ara mporenta. Si’i-si’i kita re’emo ri ara ngkanoto i mPue Allah.
15 Wali monso pu’u kita tamo ri ara mporenta, kita ri ara ngkanoto i mPue Allah. Wali wimba, bara maya kita mangika dosa? Gete taa!
16 Wali a’i-a’i, komi mangansani ane kita mangawaika koronta resi tau damangika pamporani ntau etu, batuanginya kita mawali to papolaong ntau to kita mampalaika etu. Pasi ewa see seja ane kita sangkani mangawaika koronta mangika dosa, kita mawali to papolaong nu dosa, panewa yako palaong etu kita mangarata kapate. Pei ane kita mampolaika i Pue Allah, kita mawali to papolaong to si Ia, wali see naka kita mangika lengko to singkonong pei Ia.
17 Tempo ruyu, tempo komi tawa mangaya, tempo etu komi mawali to papolaong nu dosa. Pei aku manganto’oka i Pue Allah tarima matao apa si’i-si’i buya raya ngkomi mampalaika anu to rapatundeka to raporata resi komi.
18 Wali si’i-si’i komi tilapamo yako ri kuasa nu dosa pei mawali wo’u to papolaong to mangika lengko to singkonong pei i Pue Allah.
19 Wali naka pei aku mamporapaka resi komi mangkonong to papolaong etu see komi majoli manasa ngkomi mangkonong batuanginya, apa anu etu masuli kojo resi komi. Wali tempo ruyu, komi mawali to papolaong nu dosa apa komi mangawaika koro ngkomi mangika palaong to makarika. Pasi kanjo’u-njo’u ojo tiduga-dugang kaja’a nu lengko to nuika ngkomi. Wali ewa nuika ngkomi seore mangawaika koro ngkomi mangika palaong to maja’a etu, ewa see seja si’i-si’i waika koro ngkomi mangika palaong to singkonong pei i Pue Allah pasi to masipato naika ntau to ojo i Pue Allah Puenya.
20 Wali tempo komi to papolaong nu dosa seore, tempo etu si’a anu to singkonong pei i Pue Allah to mangkuasang komi, dosa semo.
21 Wali rasi kesaa to nurata ngkomi ri katuwumu tempo ruyu etu? Tare. Komi ojo mea mampobuuka palaong to nuika ngkomi tempo etu. Wali yako palaong to maja’a etu see naka tau mate yau.
22 Pei si’i-si’i komi tilapamo yako ri ara ngkuasa nu dosa pei mawali wo’u to papolaong i mPue Allah. Wali bae rasi ngkomi apa komi room mawali tau to ojo i Pue Allah Puenya pasi komi mangarata katuwu to singkasaenya.
23 Apa ntanapa ntau mangika dosa, etu semo kapate. Pei sora to yako resi i Pue Allah, etu semo katuwu to singkasaenya. Wali kita maya mangarata sora etu apa saba kita samba’a pei i Kerisitu Yesu, Pue ngkita.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA