Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ase, aha ma hatahononta? Nunutonta ma mardousa, ase lambin tambah idop ni uhur?
2 Seng sonai! Hita, na dob matei bani dousa in, sonaha tarbahen hita be manggoluh ibagas in?
3 Na so ibotoh nasiam do, haganup hita, na tardidi ibagas Kristus Jesus, hubagas hamatean-Ni do hita tardidi?
4 Jadi na dob rap tartanom do hita rap pakon-Si marhitei pandidion in, ase songon Kristus Jesus, na dob pinapuho humbani na matei marhitei hasangapon ni Bapa-Ni, sonai homa hita mardalan ibagas goluh na baru.
5 Ai anggo domma sangkabona hita pakon-Si ibagas na songon parmatei-Ni ai, sada do homa hita pakon-Si ibagas parpuho-Ni ai.
6 Ai ibotoh hita, na dob tarsilang do hajolmaonta na buruk in rap pakon-Si, ase iparseda badan pardousaon, ase ulang ra be hita parjabolonan ni dousa,
7 ai barang ise na dob matei, maluah do ia humbani dousa.
8 Tapi, anggo domma matei hita rap pakon Kristus ihaporsayai uhurta, rap manggoluh ma hita homa pakon-Si.
9 Ibotoh hita, ia Kristus, dob puho Ia humbani na matei, seng matei be; seng irajai hamatean in be Ia.
10 Ia matei pe Ia, sahali ai do matei halani dousa; ia manggoluh nuan, manggoluh bani Naibata do.
11 Sonai ma hira nasiam diri nasiam: Matei bani dousa, tapi manggoluh bani Naibata ibagas Kristus Jesus.
12 Ase, ulang be dousa ai manrajai ibagas badan nasiam na ra matei in, laho mambalosi hisap-hisapni.
13 Anjaha ulang ma ondoskon nasiam pagori nasiam bani dousa in, gabe sinjata ni hajahaton, tapi ondoskon nasiam ma diri nasiam bani Naibata, songon na dob pinagoluh humbani na matei, anjaha pagori nasiam pe, bani Naibata ma in, gabe sinjata ni hapintoron.
14 Ai seng rajaan ni dousa in be nasiam, ai seng titah be manggomgomi nasiam, tapi idop ni uhur do.
15 Ase, sonaha do? Mardousai ma hita, halani seng be titah manggomgomi hita, tapi idop ni uhur do? Seng sonai!
16 Ai lang ibotoh nasiam, bani ise iondoskon nasiam diri nasiam gabe jabolon pambalosi, jabolon ma nasiam bani na binalosan nasiam ai, atap jabolon ni dousa hu hamatean, barang pambalosi bani hapintoron.
17 Tapi tarima kasih ma bani Naibata, ai age pe jabolon ni dousa hinan nasiam, tapi gabe pambalosi do nasiam sonari hun bani gok ni uhur nasiam bani ruhut ni pangajarion, na dob das bani nasiam.
18 Ai dob lopas nasiam humbani dousa in, gabe pambalosi do nasiam bani hapintoron.
19 Ruhut ni jolma ma huhatahon halani hagalekon ni daging nasiam. Ai songon na dob niondoskon nasiam pagori nasiam pambalosi bani habutakon ampa na so uhum, laho mangkorjahon na so uhum in, sonai ma nuan ondoskon nasiam pagori nasiam bani hapintoron, laho papansingkonsi.
20 Tongon sanggah jabolon ni dousa nasiam, bebas do nasiam humbani hapintoron.
21 Tapi aha do buahni jumpah nasiam? Sihailaonkon anggo sonari bani nasiam, ai hamatean do ujungni.
22 Tapi sonari, dob bebas nasiam humbani dousa, dob gabe pambalosi nasiam bani Naibata, adong do buah nasiam hu hapansingon; anjaha ujungni ai ma hagoluhan na sadokah ni dokahni.
23 Ai upah halani dousa, ai ma hamatean, tapi silayak-layak ni Naibata do hagoluhan na sadokah ni dokahni marhitei Kristus Jesus Tuhanta in.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA