Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Lõ tola lõ mihaogõ wanema ba gotaluami niha sambõ famati. Bõi mifakaraisi ia ba lala gera'erania.
2 So zanguma'õ tola i'a gofu hadia ia. Ba so niha bõ'õ sambõ famati; iw̃a'õ tõdõnia wa gulegule bulu ndru'u zi tola i'a.
3 Bõi ya mu'aohasi zi tola manga gofu hadia ia niha si ha mato ha'uga ngawalõ gõ si tola i'a, ba niha si manga ha'uga ngawalõ gõ i'a bõi mube'e sala niha si tola manga fefu hadia ia, bõrõ me no Itema ia Lowalangi.
4 Haniha ndra'ugõ talifusõ wa tola õ'etu'õ huku zawuyu niha bõ'õ? Ha na alau ma zui maoso zawuyu andrõ no noro dõdõ zokhõ ya'ia. Ba musindro zawuyu andrõ, bõrõ me Lowalangi zi tola mamesindro ya'ia.
5 So niha sanguma'õ tõdõnia, so ngaluo sebua moroi ba ngaluo tanõ bõ'õ, ba so niha bõ'õ zui sanguma'õ tõdõnia fagõlõ manõ ngaluo andrõ. Akha ihonogõi samõsa lala gera'erania zamõsana.
6 Niha sanguma'õ tõdõnia abõlõ ebua ngaluo õsa, ilau zi manõ ba wamosumange Lowalangi. Niha si tola manga fefu hadia ia, ilau zi manõ ba wamosumange So'aya, bõrõ me i'andrõ saohagõlõ khõ Lowalangi ba gõ andrõ. Si manõ gõi zi manga gõ õsa; ifosumange Zo'aya gõi niha andrõ ba i'andrõ saohagõlõ khõ Lowalangi.
7 Samõsa lõ ba gotaluada sauri khõnia samõsa; ba samõsa lõ si mate khõnia samõsa.
8 Na auri ita, ba khõ Zo'aya wa'aurida. Ba na mate ita, mate ita gõi khõ Zo'aya. Bõrõ da'õ, he sauri ba he si mate, no okhõta Lowalangi ita.
9 No mate Keriso ba no ifuli auri mangawuli. Da'õ mbõrõ wa tobali So'aya Ia ba niha sauri awõ ba niha si no mate gõi.
10 Tobali, he ya'ami ira talifusõ! Hadia guna wa mibe'e sala dalifusõmi si faoma faduhu tõdõ khõ Yesu So'aya? Ba hana wa mi'aohasi ia? Fefu ita mõi fõna Lowalangi ena'õ te'etu'õ huku.
11 No tesura bakha ba Mbuku Ni'amoni'õ, Imane So'aya, "Sindruhundruhu wa dozi niha dania latuhi danõ wangalulu fõna-Gu; ba la'akui dozi niha dania wa Ya'o Lowalangi."
12 Tobali dozi ita ta'ohulugõ ngawalõ gamuatada khõ Lowalangi.
13 Bõrõ da'õ bõi tabe'e sala nawõda. Ena'õ na'i mi'osindruhugõ ba bõi milau zi tobali bõrõ wa te'ala awõ wa ifazõkhi horõ talifusõ si faoma faduhu tõdõ khõ Yesu So'aya.
14 Bõrõ me ha sambua ndra'aga Yesu, wa faduhu sibai dõdõgu wa ma'ifu lõ hadõi si ra'iõ; ba hiza ra'iõ ia ba zi samõsa niha bõrõ me imane tõdõnia ra'iõ da'õ.
15 Ba hiza, na tetutu dõdõ zi samõsa talifusõ si faduhu tõdõ khõ Yesu So'aya ba ni'ami, no tenga modanedane fa'omasi sa'ae nilaumi. Na no mate Keriso ba zi samõsa niha, bõi mitehegõ tekiko niha andrõ bõrõ ni'ami.
16 Da'õ mbõrõ wa bõi mitehegõ hadia zi sõkhi khõmi, tobali lõ sõkhi ba niha bõ'õ.
17 Bõrõ me ba gamatõrõw̃a Lowalangi, hadia zi tola i'a niha, ma hadia zi tola ibadu niha, tenga sa'ae da'õ zabõlõ moguna. Hadia zabõlõ moguna ya'ia da'õ wa i'o'õ niha zomasi Lowalangi, isõndra wa'ohahau dõdõ niha ba isõndra wa'owuawua dõdõ nibe'e Geheha Lowalangi.
18 Niha si mõi enoni Keriso zi manõ, sangomusoi'õ tõdõ Lowalangi ba ni'ata'ufi niha bõ'õ.
19 Bõrõ da'õ ohitõ dõdõda ena'õ gofu hadia ia lõ tola lõ aekhu ba wame'e fa ha sara dõdõ ba fa'atedoudou.
20 Bõi ha bõrõ gõ mifakiko hadia zi no I'ohalõw̃õgõi Lowalangi. Tola mu'a fefu ngawalõ gõ ba hiza na bõrõ ni'ami ifalua horõ si samõsa niha, ba no ya'ami zi sala.
21 Abõlõ sõkhi bõi mi'a nagole gurifõ ma zui mibadu nagu ma zui hadia ia nilaumi tanõ bõ'õ na bõrõ da'õ samõsa ba gotalua ndra talifusõ si faoma faduhu tõdõ khõ Yesu So'aya, tobali ilau horõ.
22 Akha fõna Lowalangi samõsa milau, hadia nifaduhusimi tõdõ andrõ ba khõmi. Owuawua dõdõ niha si lõ mosala ba dõdõnia ba ngawalõ hadia zatulõ iw̃a'õ.
23 Ba niha sanufa tõdõ wemanga hadia ia, ba i'a sa'atõ gõ andrõ, niha da'õ nibali'õ Lowalangi mosala, bõrõ me lõ ilau molo'õ fa'afaduhu dõdõnia khõ Lowalangi. Ba gofu hadia ia manõ nilau na tenga bõrõ wa'aro dõdõ no horõ.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA