Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Semeton-semeton senamian! Siq kemurahan Allah lẽq ite, sanget siq tiang tunas adẽq side pade serahang diriqde jari kurban saq idup, saq suci dait nyenengang Allah. Seharusne maraq niki ibadah side pade tipaq Allah.

² Ndaq turut kebiasean dunie niki, laguq robah diriqde mẽsaq siq pembaruan budi side pade, adẽq bau bẽdeang pekayunan Allah: Saq solah, saq nyenengang Allah, dait saq sempurne.

³ Allah sampun ngicanin tiang rahmat, keranaq nike tiang nasẽhatin side pade selapuq: Ndaq side pade merase atasan lẽman saq setetune. Sebalikne side pade harus anggep diriq sewajarne. Sebilang dengan harus serioq diriqne menurut iman saq teicanin siq Allah.

⁴ Awakte bedowẽ luwẽq bagian, sopoq-sopoq bagian bedowẽ tugas mẽsaq.

⁵ Maraq nike ẽndah ite dalem Deside Isa Almasih. Timaqne luwẽq, setetune ite maraq sopoq awak. Dait ite sopoq kance saq lainne saling berubungan jari bagian-bagian lẽq dalem sopoq awak.

⁶ Ite sopoq-sopoq bedowẽ paice saq belainan. Paice nike teicanin siq Allah tipaq ite menurut rahmat-Ne. Lamun sopoq dengan bedowẽ paice jari benubuat, alurang ie benubuat menurut imanne.

⁷ Lamun bedowẽ paice jari ngelayanin dengan lain, harus ngelayanin dengan lain. Lamun bedowẽ paice jari ngajahang, harus pacu-pacu ngajahang.

⁸ Lamun bedowẽ paice jari ngebẽng nasẽhat, alurang ie nasẽhatin dengan lain. Dengan saq ngebẽng, ngebẽng secare ihlas. Dengan saq mimpin, harus mimpin pacu-pacu, dengan saq nyatayang belas kasihan lẽq dengan lain harus ngelaksaneang siq sukecite.

⁹ Kasihde nike harus ndẽq puraq-puraq. Jaoqin selapuq hal saq jahat, dait laksaneang saq solah.

¹⁰ Side pade harus saling kasihin sopoq kance saq lain maraq dengan besemetonan dait side pade harus saling senjuluq ngebẽng hormat.

¹¹ Pade begawẽan rajin-rajin, ndaq mayus. Besemanget ngelayanin Tuhan.

¹² Pade besukecite dalem pengharepan, pade sabar lẽq segale macem kesusahan dait tetep bedo'e.

¹³ Pade tulung semeton-semetonde saq kekurangan dait bẽng nyodoq lẽq balẽ side pade!

¹⁴ Pade tunas berkah lẽman Allah umaq dengan-dengan saq nganiaye side pade. Ndaq side pade kutuk ie.

¹⁵ Milu begembire kance dengan-dengan saq gembire, dait nangis kance dengan saq nangis.

¹⁶ Pade idup secare rukun sopoq kance saq lainne. Ndaq kajuman, laguq jauq diriqde lẽq hal-hal saq sederhane. Ndaq anggep diriqde pinteran lẽman saq setetune.

¹⁷ Ndaq bales kejahatan siq kejahatan, laksaneang napi saq kenaq tipaq selapuq dengan.

¹⁸ Usaheang lẽq pihak side pade adẽqne idup damẽ kance selapuq dengan.

¹⁹ Semeton senamian saq tiang kasihin, ndaq gati bales dendem, alurang Allah saq ngukum. Sẽngaq araq tetulis lẽq Kitab Suci: "Pembalesan nike hak Tiang. Tiang gen nuntut pembalesan, manik Allah."

²⁰ Sebalikne lamun musuh side pade lapah, bẽng ie ngelor; dait lamun ie bedak bẽng ie nginem, sẽngaq siq piaq hal nike side pade miaq ie ilaq.

²¹ Ndaq tekalahang siq kejahatan. Laguq side pade harus kalahang kejahatan nike siq hal saq solah.

Roma

Video Roma 12

Ikuti Kami:

KONTAK | PARTISIPASI | DONASI