Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 O senina-seninangku, nginget perkuah ate Dibata si mbelin si IsehkenNa man banta, kupindo man bandu: Endeskenlah kulandu man Dibata saja selaku persembahen si nggeluh rikutken si ngena AteNa. Sabap bage me arusna kam ersembah man Dibata sue ras biakndu selaku mahluk si rukur.
2 Ula pelepas dirindu jadi seri ras doni enda, tapi berelah maka perukurenndu ipelimbarui Dibata. Alu bage banci idatndu kai sura-sura Dibata, kai si mehuli, kai si ngena AteNa, janah kai si sempurna.
3 Janah erpalasken lias ate Dibata si nggo IberekenNa man bangku, kukataken man bandu kerina: Ula iakapndu ganjangen bandu asa patutna. Tapi arus maka rembang tengah pengukurindu kerna dirindu sue ras belinna kiniteken si nggo ibagi-bagiken Dibata man bandu sekalak-sekalak.
4 I bas kulanta si sada enda melala ringringna, janah kerina ringring e lit gunana.
5 Bage pe, amin nterem gia kita, tapi sada kula kap kita i bas persadanta ras Kristus, janah kita ipersada kerina bagi ringring i bas sada kula.
6 Emaka sipergunakenlah kengasupenta si pelai-lain e si nggo ibereken Dibata man banta rikutken lias AteNa. Adi man banta ibereken Dibata kengasupen ernubuat, silakokenlah e sue ras ajaren kiniteken.
7 Adi man banta ibereken Dibata kengasupen guna nampati kalak, sisampatilah ia. Adi man banta ibereken Dibata kengasupen ngajar, ngajarlah kita.
8 Adi man banta ibereken Dibata kengasupen petetap ukur kalak, silakokenlah e. Kalak si ngasup mere man kalak si deban arus iberekenna e alu ukur menahang; kalak si lit kengasupenna jadi peminpin, arus ia tutus erdahin; kalak si ngasup encidahken perkuah ate man kalak si deban, arus ibahanna e alu ukur meriah.
9 Keleng ate ula min alu pekulah-kulah. Cigalah atendu si jahat janah persadalah dirindu ras si mehuli.
10 Sikeleng-kelengenlah kam bagi si ersenina. Silebe-lebenlah kam i bas mpehaga teman.
11 Ula kam mekisat, tapi tutuslah erdahin. Ergiah-giahlah ukurndu i bas ndahiken dahin Tuhan.
12 Meriahlah atendu i bas kam erpengarapen, megenggenglah kam i bas kiniseranndu, janah ertotolah kam man Dibata la erngadi-ngadi.
13 Raskenlah kinilitenndu ras temanndu si sada kiniteken, janah alokenlah kalak si reh kesilang ku rumahndu.
14 Pasu-pasulah kalak si niksa kam, pasu-pasulah, ula sumpahi.
15 Meriahlah ukurndu ras kalak si ermeriah ukur, tangislah kam ras kalak si tangis.
16 Sekalak-sekalak kam arus mperdiateken keperlun kalak si deban. Ula meganjang ukurndu, tapi pertemanilah kalak si meteruk pe. Ula beluh iakapndu bandu.
17 Adi lit kalak erbahan jahat man bandu, ula balas alu kejahaten. Bahanlah si mehuli rikutken pengakap jelma si nterem.
18 Asa ngasupndu usahakenndulah gelah meriah kam ras kerina kalak.
19 O teman, ula kal kam erbalas, tapi berelah dalan man Dibata guna nehken RawaNa. Sabap nina Tuhan i bas Pustaka Si Badia, "Kuukum me pagi! Kubalas me pagi!"
20 Tapi lit ka pe tersurat i bas Pustaka Si Badia, "Adi melihe imbangndu, bere manlah ia; adi muas ia, bere minemlah. Sabap adi bage perbahanenndu, mela dingen melas me iakapna."
21 Ula pelepas kam talu ibahan si jahat, tapi talukenlah si jahat e alu perbahanen si mehuli.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA