Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Tiang beketuan: Napi Allah sampun nolaq Israel, umat-Ne mẽsaq? Pasti ndẽq! Tiang mẽsaq dengan Israel, keturunan Ibrahim dait lẽman suku Benyamin.

² Allah nẽnten nolaq Israel saq sampun Ie pilẽq lẽman semule. Side pade nenaoq napi saq tetulis lẽq Kitab Suci mengenai Elia sewaktu ie tunasang tipaq Allah mengenai Israel. Elia matur,

³ "Tuhan, selapuq nabi Deside sampun ie pade matẽq, selapuq mẽje-mẽje taoq kurban Deside sampun teancurang. Mangkin karing tiang doang saq masih idup, laguq ie pade gen matẽq tiang ẽndah."

⁴ Napi jawaban Allah tipaq Elia? Manik Allah, "Sampun Tiang adẽqang pituq iyu dengan umaq Tiang mẽsaq. Ie pade ndẽq uwah nyembah Dẽwe Baal."

⁵ Maraq nike ẽndah mangkin niki: Araq sise dengan saq tepilẽq siq Allah lantaran rahmat-Ne.

⁶ Allah milẽq lantaran rahmat-Ne, dait ndẽq lantaran perbuatan manusie; sẽngaq lamun Allah milẽq lantaran perbuatan manusie, make rahmat Allah nike ndẽqne rahmat saq sejati.

⁷ Jari, berembẽ? Israel ndẽq mauq napi saq ie pade boyaq. Saq mauq cume dengan-dengan saq sampun tepilẽq siq Allah, saq lain selapuq jari pagah.

⁸ Sẽngaq dalem Kitab Suci tetulis maraq niki, "Allah miaq atẽ dait pikiran ie pade jari bebel; dait dateng mangkin penenteng ie pade ndẽq tao nyerioq dait kentok ie pade ndẽq tao dedengah."

⁹ Basen Daud ẽndah, "Alurang jamuan-jamuan saq ie pade piaq jari jeret dait perangkep, penghalang dait balesan tipaq diriqne mẽsaq.

¹⁰ Alurang penenteng ie pade jari peteng adẽq ie pade ndaq nyerioq; dait alurang ie pade jari bongkok selaẽq-laẽqne."

¹¹ Tiang beketuan malik: Sewaktu ie pade kedampes, napi ie pade harus geriq? Pasti ndẽq! Laguq lantaran ie pade bedose, make bangse-bangse lain malahan teselametang, sehingge ie pade jari talon atẽ tipaq bangse-bangse lain nike.

¹² Lantaran pelanggaran ie pade berarti kesugihan umaq dunie, dait kegagalan ie pade berarti kesugihan umaq bangse-bangse lain; pasti belẽqan malik kesempurnean ie pade.

¹³ Laguq mangkin tiang sampẽang tipaq side pade, dengan bangse-bangse lain! Sengonẽq tiang jari rasul umaq dengan bangse-bangse lain, tiang anggep pegawẽan tiang nike sopoq hal saq mulie.

¹⁴ Tiang harep pegawẽan tiang niki bau nimbulang talon atẽ lẽq bangse tiang mẽsaq, adẽq siq hal nike tiang bau nyelametang pire dengan lẽman ie pade.

¹⁵ Sẽngaq lamun ie pade tetolaq siq Allah, hubungan dunie kance Allah tedamẽang; lebih-lebih lamun lantaran ie pade teterimaq! Pasti nike maraq dengan ninggal saq idup malik!

¹⁶ Lamun sepeleng ruti sebagẽ hasil saq penembẽq nike suci, selapuq ruti nike ẽndah suci. Dait lamun akah lolo nike suci, make pẽmpang-pẽmpangne ẽndah suci.

¹⁷ Separo lẽman pẽmpang-pẽmpang lolo zaitun sampun tepeleng. Dait lẽq onos pelengan nike tedekung pẽmpang lolo zaitun saq tiwoq lẽq taoq saq ndẽq keruan. Dait mangkin side pade tedekung ojok derike adẽq side pade mauq keloran saq pade lẽman akah dait kesuburan lolo zaitun nike.

¹⁸ Ndaq side pade nyombongang diriq tipaq ie pade saq sampun peleng nike. Side pade harus tetep inget, ndẽqne pẽmpang saq jauq keloran ojok akah, laguq akah saq nungke pẽmpang.

¹⁹ Laguq side pade gen bebase, "Pasti, pẽmpang-pẽmpang nike tepeleng adẽq tiang pade tedekung lẽq lolone!"

²⁰ Nike mule kenaq. Laguq ie pade tetetẽh lantaran ie pade ndẽq percaye, sebalikne side pade teterimaq lantaran iman side pade. Keranaq nike ndaq side pade jari sombong lantaran hal nike; sebalikne side pade harus merase takut.

²¹ Sẽngaq lamun Allah ndẽq merase sayang jari netẽh pẽmpang-pẽmpang saq asli nike, ndaq paran Allah ndẽq gen merase sayang jari netẽh side pade ẽndah!

²² Keranaq nike, ite nyaksiang berembẽ solahne dait berembẽ ẽndah tegesne Allah. Allah berlaku teges tipaq dengan-dengan saq gawẽq dose, laguq Ie ngasihin side pade -- asal side pade tetep idup lẽq dalem kasih-Ne. Lamun ndẽq maraq nike, make side pade ẽndah gen tepeleng.

²³ Dait mengenai pẽmpang-pẽmpang saq tepeleng nike, lamun ie pade sadar dait percaye, make ie pade gen teterimaq malik; sẽngaq Allah bedowẽ kuase jari dekung ie malik.

²⁴ Sẽngaq lamun side pade sebagẽ pẽmpang lolo zaitun saq ndẽq keruan taoqne tiwoq sampun tepeleng, dait betentangan kance keadaan side nike, side sampun tedekung lẽq lolo zaitun saq asli. Pasti solahan malik pẽmpang-pẽmpang saq asli, ie pade gen tedekung lẽq lolone saq mule.

²⁵ Semeton-semeton senamian! Tiang harep side pade ndẽq anggep diriqde ceket. Tiang melẽt side pade nenaoq sopoq rahasie: Separo lẽman dengan Yahudi keras atẽ laguq hal nike gen tahen cume jangke penoq jumlah dengan bangse-bangse lain saq dateng.

²⁶ Siq care saq pade dengan Yahudi gen teselametang. Sẽngaq araq tetulis lẽq dalem Kitab Suci, "Pembẽbas gen rauh lẽman Sion; Ie gen netẽh selapuq kejahatan lẽman keturunan Yakub.

²⁷ Tiang piaq perjanjian nike kance ie pade lẽq waktu Tiang ngapus dose-dose ie pade."

²⁸ Mengenai Kabar Solah, dengan Yahudi ndẽq nerimaq hal nike, make ie pade jari musuh Allah lantaran side pade; mengenai pilẽqan Allah, Allah tetep ngasihin ie pade demi leluhur ie pade.

²⁹ Sẽngaq Allah ndẽq nyesel lẽq paice dait pilẽqan-Ne.

³⁰ Laẽq, side pade ndẽq taat tipaq Allah. Laguq mangkin, Allah sampun nyatayang rahmat-Ne lantaran dengan Yahudi ndẽq taat.

³¹ Maraq nike ẽndah mangkin dengan Yahudi ndẽq taat tipaq Allah adẽq siq rahmat saq side pade terimaq lẽman Allah, ie pade nerimaq rahmat Allah.

³² Sẽngaq Allah menengang selapuq umat manusie tekuasein siq ndẽq taat, adẽq Allah bau nyatayang rahmat-Ne tipaq selapuq manusie.

³³ Luar biase gati kesugihan Allah, kebijaksanean dait pewikanan-Ne! Sai saq bau selidik keputusan-keputusan Allah? Sai saq bau ngerti langan-langan Allah?

³⁴ Dalem Kitab Suci tetulis maraq niki, "Sai saq nenaoq pikiran Tuhan? Sai saq bau nasẽhatin Tuhan?

³⁵ Sai saq sampun ngaturin tipaq Tuhan sehingge ie bau nuntut balesan-Ne?"

³⁶ Allah saq cipteang selapuqne. Selapuqne asalne lẽman Allah, dait selapuqne nike bagi Allah. Pade mulieang Allah selaẽq-laẽqne! Amin.

Roma

Video Roma 11

Ikuti Kami:

KONTAK | PARTISIPASI | DONASI