Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Wali aku mangkita wo’u anu to taa rapobiasa ndate yangi. Anu etu mampakaipu raya ntau pasi mawali tondong resi sira. Anu to aku mangkita etu semo pitu pomakau i mPue Allah. Pomakau to pitu etu sira mangkeni pitu ngaya soba, soba to kapuranya. Apa ojo kapuranya soba etu, roomo seja kaja’a ndaya i mPue Allah.
2 Wali ojo karoonya aku mangkita pomakau to mangkeni soba to pitu etu, aku mangkita wo’u anu to ewa tasi. Anu to ewa tasi etu ewa raika yako kasa to sigalo apu. Wali ri wii ntasi etu aku mangkita tau to room manganangi binatang to maja’a pasi tau-tau binatang pasi nomor to tondongi nsanganya. Tau to menang etu, sira mangangkongko gambus to nawaika i mPue Allah sira.
3 Wali tau to makore ri wii ntasi etu, sira mamponyanika nyanyi i Musa, to papolaong i mPue Allah, pasi nyanyi nu Ana Domba. Nyanyi etu manganto’o, “O Pue Allah anu Makuasa, palaong ngKomi maroso pasi mampakaipu raya ntau! O Makole to singkasaenya, palaong ngKomi monso pasi singkonong pei anu to Komi room manganto’o!
4 Samparia tau dameka resi Komi i Pue, pasi samparia tau mangabarong keyawa nsangaMu. Apa ojo Komi semo to tare dosaMu. Wali samparia to lino dama’i damampue mampakabae Komi apa roomo rapaponsanika resi kami samparia palaong ngKomi paka singkonong kojo ewa anu to Komi room manganto’o.”
5 Wali ojo karoonya sira menyanyi etu, aku mangkita wo’u Banua i mPue Allah, pasi aku mangkita songi to mapasing kojo to nakanja’u peti to la’u parajanji i mPue Allah la’u rayanya, songi etu tiloka.
6 Wali yako etu aku mangkita pitu pomakau i mPue Allah to mangkeni soba pitu ngaya, sira masuwu yako ri raya Banua etu. Sira mangampake kain lena to mayongo pasi to makilo. Pasi dadanya re’e seja kain kambaja to naposada.
7 Wali ojo pasuwu mpomakau to pitu etu panewa samba’a ri oyo anu to tuwu to opo, ia mangawaika sira yama weyawa samba’a pei samba’a. Yama pitu etu bananginya huku yako resi i Pue Allah anu to tuwu singkasaenya.
8 Wali Banua i mPue Allah buke kumbu nu apu to yako kayawa pasi yako kuasa i mPue Allah. Wali tare to maya masua ri raya Banua etu ane tawa pura soba to pitu ngaya to nakeni mpomakau to pitu etu.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA