Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ge'ena 'ipasa 'o wange muruo naga de 'o Yesus wolio 'o Kapernaumika. So wigi'isene 'ato naga 'una 'o woaka.

² Ge'enaka de manga gudai yoboa. 'Ona yomalomuno ge'enaka yapai-paili monga. 'O ngorana ma yape-pe'etoro mongau. Ge'enaka de 'o Yesus wakisitotara 'o habari ma Jo'oungu ma Dutuno.

³ Wobicara ma gu-gudaioka, de wolugu-lugu wimoi yaruata wirimokude wi'asa 'o Yesusino.

⁴ Ma 'o nyawa kaifoloi yokudai so koidadiwa wisitotara 'o Yesusino. So 'o katu ya'aiki daku 'o Yesus wi dekude, deika wisiguti wolugu-lugu gu'una de wi kokowaka.

⁵ Gee 'o Yesus wakimake manga ngo-ngaku ma guatoka, de kawongosekau wolugu-luguka gee, "'Ai ngowaka, 'ani so-sowono ta'ikirokau."

⁶ 'O 'agamaka yodoto-dotoko yamuruo naga ge'enaka yogoge-gogerie ka manga singinaka,

⁷ "'Etei 'una womoroini ma sala koge'ena wongose! Komoiwa moi 'idadi 'o so-sowono pa'ikiri, duga ka ma Jo'oungu ma Dutu. So 'una ka ma Jo'oungu ma Dutu wisiti-tingoono!"

⁸ Ma 'orasi ge'ena 'o Yesus wanako to 'ona manga di-dibangi. Ge'enaka de kawongosekau 'onaka, "'Ido'oa so nia singina ma dodaka niosano-sano koge'ena?

⁹ Ka'ena 'ifoloi 'igapangi tongose wolugu-luguka, ''Ani so-sowono tosi'aikokau!' bolo, 'Nomomiki, 'ani kokowa na'aiki la notagiou!'?

¹⁰ Ma ne'ena dua tosidumutu nginika 'ato 'o duniaka ne'ena ngoi 'o Nyawa ma Ngowaka tokuasa 'o so-sowono ta'ikiri." Ge'enaka de 'o Yesus kawongosekau wolugu-luguka gee,

¹¹ "Nomomiki! 'Ani kokowa nagoraka la noliou!"

¹² De kawomomikokau de wi kokowa wagoraka de wosupu 'o nyawa yoodumu wilega-lega. 'O nyawa ge'enaka gee yoherangi so ma Jo'oungu ma Dutu wisiarene yongose 'ato, "Koma'iwasi pamake 'o no-nako 'ihera-herangi kone'ena!"

¹³ 'O Yesus wainoli 'o Galilea ma talaga ma batingino, de 'o nyawa manga gudai yaino 'unano so wakidotoko.

¹⁴ 'O Yesus wotagi-tagioko ge'enaka de wimake 'o pajaki woga-ga'asoko wimoi wi ronga 'o Lewi, 'o Alfeus wi ngowaka, wogogerie 'o balasitengi ma kantoroka. De 'o Yesus wongose 'unaka, "Nou, noimoteke ngoi." So 'o Lewi ma kawoma'oko de wimoteke 'o Yesus.

¹⁵ 'O Yesus wo'odomo ma gu-gudaioka 'o Lewi wi woaka, de 'o balasitengi yoga-ga'asoko de 'o nyawa gee 'o kawasa yakimakeka 'o nyawa ma do-dorou manga gudai yoboa de 'ona mita yomasido'odomo de 'o Yesus de wi do-domoteke. Sababu 'onaka manga gudai 'o Yesus wimoteke.

¹⁶ 'O 'agamaka yodoto-dotoko 'o Farisino yakimake 'o Yesus de 'o balasitengi yoga-ga'asoko de mita 'o nyawa gee 'o kawasa yakimakeka 'o nyawa ma do-dorou, de yosano 'o Yesus wi do-domoteika, "'Ido'oa so nia guru womasido'odomo de 'o balasitengi yoga-ga'asoko de 'o nyawa ma do-dorou go'ona?"

¹⁷ 'O Yesus wogi'isene manga sa-sano ge'ena so wosango, wongose 'ato, "'O nyawa gee kayosa-sanangi koyoparaluuwa 'o dotere; ma 'ena gee yopa-panyake. Ngoi toboa ge'ena kotaki'asokuwa 'o nyawa gee yoma-maoku yaowa-owau, ma 'ena gee 'o nyawa yosowo-sowono."

¹⁸ Ma moi ge'ena 'o Yohanes Wo'osi-'osiki wi do-domoteke de 'o Farisioka yopuasaka. De 'o nyawa yaino yosano 'o Yesusino, "'Aba! 'Ido'oa so 'o Yohanes wimote-moteke de 'o Farisioka yopuasa de to ngona ni do-domoteke ko'uwa?"

¹⁹ 'O Yesus wosango de wosi'ade-'ade, "Nako 'o modoka posi'odomo de nanga woa ma gikiri naga yopuasaka? nako womo-modoka ge'enakasi de de 'ona 'o rame ma dodaka ge'ena? Ma raiokau dua yo'odomo.

²⁰ Ma gee dua ma 'orasi ya'adono womo-modoka gu'una wi'esekau, 'asa de 'ona koyo'odomuwa.

²¹ Komoiwa 'o mosa ma siraka de ma sungi yosipata, sababu ma ba-bata ge'ena dua 'isikaino 'itingoono de yatobaka so 'ifoloi 'iracanga.

²² De mita komoiwa 'o 'anggur ma sungi de yodarisi ma ngii ma siraku. Sababu dua ma ngii ma sira ge'ena 'isidobooteke so 'ipoaka, ma rai ma 'anggur de ma ngii ge'ena dua koi'iwau. 'O 'anggur ma sungi salingou podarisi ma ngii ma sungikoli!"

²³ Ma moi ge'ena Pomaomasa ma Wangeka, 'o Yesus de wi do-domoteke yaboa 'o gandum ma bairino, de wi do-domoteke yokurue 'o gandum yo'utuku.

²⁴ Ge'enaka de 'o Farisioka yongose, "Ee! 'Ido'oa so 'ani do-domoteke yaparene to ngone nanga 'agama ma besesongo? 'Ona yadiai gee koidadiwa padiai Pomaoma-omasa ma Wangeka."

²⁵ 'O Yesus wosango, "Koniabacawasi? 'okia naga 'o Dautu wodiai, gee ma 'orasi 'o Abyatar wodadi 'o 'Imam ma Amoko? Gee 'o Dautu de wi nyawa-nyawa yakisawinuku de manga 'inomo koi'iwa, 'una wowosanga ma Jou wi Woaka de wa'odomo 'o roti gee 'isisuba-subakau ma Jo'oungu ma Dutuka. De ma roti ge'ena wakikula mita 'awi nyawa-nyawaka. 'Ena momongo moteke nanga 'agama ma besesongo, ka 'o 'imam duga 'idadi ya'odomo."

²⁶ (2:25)

²⁷ De 'o Yesus wongoseli 'onaka, "Pomaoma-omasa ma Wange ma Jo'oungu ma Dutu wosidadiku ge'ena ma ngale koinasisangisarawa ma ma dumutu 'inariwo.

²⁸ So ngoi 'o Nyawa ma Ngowaka tapareta Pomaoma-omasa ma Wange mita."

Markus

Video Markus 2

Ikuti Kami:

KONTAK | PARTISIPASI | DONASI