Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Tongonumai nosinggai no'iduduimai kon tua, ki Yesus minayakdon bui ing Kapernaum bo no'isiardon in habar kon Sia oyuíon kom baḷoi.
2 Bo namangoidon intau mita kon tua. Mosia noyosipun kon tua dapot in diaídon tampat umpakah ngara nopulingdon intau. Ki Yesus nopota'au in Habar Mopia nongkon i Allah ko'i monia.
3 Koyogotpa in Sia mosingog, indoianmai intau taya opat nobulig kon intau inta lempeng pinoaíngoi ko'i Yesus.
4 Ta'e lantaran mobarong totok intau, daí diaí im mosia no'iyaput ko'i Yesus, daí noponik im mosia bo nobingkat kon atop im baḷoi inta kon tombutungmai Yesus. Onda intua sinuntundon monag monia intau lempeng tatua takin boḷad tosiugannya.
5 Naonda inontongmai Yesus kon mosia totu'u mopirisaya, daí Sia noguman kon intau lempeng tatua, "Adií-Ku, inampungandon bayongan dosamu!"
6 Ta'e tongonumai mototunduí mita kon agama Yahudi nomangkoidon nongunsingog kom bonu ing gina, kai monia,
7 "Totu'u mobarani intau tana'a mosingog natua! Sia im mohojat ko'i Allah. Ki inebií i mota'au mongampung kon dosa? Tongaíbií ki Allah tontanií!"
8 Ta'e kon dodaipa doman tuata kinota'auan i Yesus in raian monia. Daí Sia noguman, "Nongonu si mo'ikow moraibií natua kom bonu ing ginamu?
9 Onda degaí im mogampa-gampang, moguman, 'Dosamu inampungandon,' andeka moguman, 'Pobangondon, bingkat im boḷad pinosiuganmu bo bayakdon'?
10 Ta'e tana'a ponyata-Kudon ko'i monimu, kong ki Adií intau kokawasa mongampung kon dosa intau kon dunia na'a. Nosingog makow natua." Ki Yesus noguman kon intau lempeng tatua,
11 "Pobangondon, bingkat im boḷad pinosiuganmu bo pobuidon!"
12 Bango-bangon intau tatua bo nobingkat kom boḷad tosiugannya bo iḷumuai ko'onto-ontong monia komintan. Intau mita kon tua noherang takin pia ing gina bo nodayow ko'i Allah, kai monia, "Dia'pa dodai onda kita noko'ontong kon kajadian naí tana'a!"
13 Nopaḷut makow kon tua ki Yesus minayak bui im pintad Danow Galilea. Bayongan intau namangoi ko'i-Nia. Bo Sia notunduí ko'i monia.
14 Wakutu ing ki Yesus nopobayak natua, Sia noko'ontong kon tobatuí intau mononagih kom pajak tangoinya ki Lewi inta ki adií i Alpeus. Ki Lewi na'a limituí makow kong kantor im pajak. Ki Yesus noguman ko'inia, "Duduidon ko'i-Nakoí!" Daí sindo-sindog ing ki Lewi bo dinumuduidon ko'i Yesus.
15 Wakutu ing ki Yesus koyogot nonga'an kom baḷoi Lewi, nobayong mononagih mita kom pajak bo intau mita inta inanggap diaí mopia i intau moaíntoí, nonga'an noyotakin i Yesus bo murií-Nya mita. Sin nobayong ing kon sigad monia tua dinumudui ko'i Yesus.
16 Wakutu intua tongonumai im mototunduí kon agama Yahudi inta nongkon golongan Parisi noko'ontong ko'i Yesus nonga'an noyotakin im mononagih mita kom pajak bo intau mita inta inanggap diaí mopia tua. Daí mosia noliboí kom murií mita i Yesus, "Nongonu sing gurumu in nonga'anbií noyotakin i mononagih mita kom pajak bo i intau mita inta diaí mopia tua?"
17 Ta'e dinongog i Yesus in ḷoliboí monia tatua, daí sinubagan-Nya, "Intau mita mosehat diaíbií moparaḷu kon dokter, tongaíbií intau motakit. Bo Aku'oi namangoi de'emanbií mogoinií kon intau inta monganggap kon mopiadon in sia, ta'e mamangoibií kon intau mita inta ain inanggap yoyatan."
18 Kon singgai tobatuí, wakutu im murií mita i Yohanes Mobobaptis bo i intau mita im Parisi nopuasa, daí oyuíon intau namangoi ko'i Yesus bo noliboí, "Nongonu sim murií mita i Yohanes Mobobaptis bo murií mita intau im Parisi mopuasabií, ta'e murií mita i Pak Guru in diaíbi?"
19 Ki Yesus notubag, "Kon rame ponika'an, yobayat mita i intau inta nonika diaíbií mota'au i mopuasa kowakutu im mosia koyota-yotakinpa i intau inta nonika tua. Tantuí monga'anbií moyotakin im mosia.
20 Tongaí oyuíonbií in wakutunya nonika'an ḷoḷaki tatua gamaían nongkon imonia, bo bain tuata mosia mopuasa.
21 Diaíbií intau mopoduḷampong in didit mobagu kon ḷambung inta nokoyongandon. Sin didit nobagu inta pinoduḷampong tatua im mobadang bo momerak kon ḷambung koyongan tatua, sahingga modugangdon moḷoben berak in ḷambung tatua.
22 Naí doman tua, diaíbií intau mogalin kon anggur kom bonu im botutu kulit inta nokoyongandon. Sin anggur nobagu tatua i mokopopisiíbií kong koberakan botutu tatua, sahingga tumpaḷadon mogoguya'at im botutu bo anggur. Tuamai anggur nobagu musti bonuon doman kom botutu nobagu!"
23 Kon tobatuí singgai in Sabat, ki Yesus no'italib kong gobaí ing gandum bo murií-Nya mita nokoyut kom bungai ing gandum.
24 Daí intau mita im Parisi noguman ko'i Yesus, "Nongonu sim murií-Mu mita momiabií kon onu inta ilarang kom bonu in hukum agama naton, takin mogaid kon onu inta ilarang aidan kon singgai in Sabat?"
25 Daí tubag doman i Yesus ko'i monia, "Degaí diaípa kinobaca'an monimu onu in inaidan i Daud, wakutu ing ki Abyatar nobalií imang moḷoben. Wakutu ing ki Daud bo dumoduduinya mita ginogoy bo diaí koka'a-ka'anon, sia sinumu'ot kom Baḷoi Tuhan bo noka'an kon roti inta aim pinosumbah ko'i Allah. Bo inogoiannya doman roti tatua in dumoduduinya mita. Padahaḷ aka podudui in agama naton, yo tongaíbií imang i mota'au moka'an kon roti tatua."
26 (2:25)
27 Ki Yesus noguman doman, "Singgai in Sabat pinomia sing kopontingan intau, de'emanbií intau pinomia sin singgai in Sabat.
28 Daí tuamai singgai in Sabat kom bonubií doman ing kawasa i Adií Intau."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA