Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ "'Uwa niakisisala 'o nyawa, la ma Jo'oungu ma Dutu mita 'uwa winisisala.

² Sababu kokia naga niakisisala 'o nyawa, ma Jo'oungu ma Dutu mita winisisala koge'ena. De kokia naga yaika niakisipake 'o nyawaka, dua koge'enali yaika mita ma Jo'oungu ma Dutu winisipake.

³ 'Ido'oa so niosidawanono nia 'esa moi manga ako ma geneo, 'ena to nginioka 'o balaki koniakalesanguwa.

⁴ Dua kokia ngini 'idadi niongose nia 'esa moika, ''Ino, ta'aiki 'ani ako ma geneo gee!', 'ena to nginioka 'o basagi?

⁵ Ee! Tabangeluku! To nginiosi nia akoka 'isira niosisupu 'o basagi, la niomasimake 'itiaiokasi 'asa de to nia 'esa moi manga ako ma geneo nia'aiki.

⁶ 'Okia sonaa 'itebi-tebini 'uwa niodukula 'o kasoka, 'uwa sigado nidubulutuka nikaboto, de nia mustika 'uwa niodukula 'o titika, la 'uwa sigado yadoku-doku."

⁷ "Nimaga'asoko ma Jo'oungu ma Dutuka la 'asa winikula, nimadononu la 'asa nimadamake, de nimasi'ilingi la 'o ngorana 'asa winidebelenga.

⁸ Sababu nago'ona yomaga'asoko 'asa wakikula, de nago'ona yomadononu 'asa yomadamake, de nago'ona yomasi'ilingi, 'asa 'o ngorana wakidebelenga.

⁹ Komoiwa nako manga ngowaka 'o roti 'iga'asoko de ma dea wokula 'o teto,

¹⁰ bolo nako 'iga'asoko 'o naoko de ma dea wokula 'o ngia.

¹¹ Ngaro niotingkai, ma kanianako niokula yaowa-owa nia ngowaika. De dua nia Deali daku 'o sorogaaka, 'unasi 'ifoloi 'asa wokula yaowa-owa gee 'o nyawa yomaga'asoko 'unaka!

¹² Niodiai 'o nyawaka gee 'isoka ngini nioduaka 'o nyawa yodiai nginika, ge'ena 'o Musa de 'o nabii-nabii manga do-dotoko ma titi."

¹³ "Nako nianonu 'o 'ahu 'ika-kakali, ge'ena niowosama 'o ngorana 'ipe-pe'etorika, sababu 'o ngorana de 'o ngekomo 'iamo-amoika ge'ena 'isikaika 'o narakaka, de ge'enaka 'o nyawa manga gudai yaboa.

¹⁴ Ma 'o ngorana de 'o ngekomo gee 'isikaika 'o 'ahu 'ika-kakalika ge'ena 'isusa de 'ipe'etoro, de ka munuka duga ge'enaka yaboa."

¹⁵ "Nimasitiari gee 'o nabii yoelu-eluika, sababu 'ona nidoboa 'isoka 'o domba, 'ena momongo 'ona ge'ena kaimatero de 'o haewani 'iti-tingkai.

¹⁶ Ngini 'asa niakisahe to 'ona manga 'ahuoka. 'O gota 'ido-dodowoko koma'iwa 'isowokino 'o 'anggur ma sowoko, de 'o sisika koma'iwa 'isowokino 'o 'ara ma sowoko.

¹⁷ 'O gota gee 'ibobo-bero ge'ena ma sowoko mita 'isure; ma gee ma bo-bero 'itorou, ge'ena ma sowoko mita 'itorou.

¹⁸ 'O gota 'ibobo-bero koi'iwa ma sowoko 'itorou, de 'o gota gee ma bo-bero 'itorou, koi'iwa ma sowoko 'isure.

¹⁹ 'O gota gee kiaka 'isowoko 'itorou, dua 'asa yatodanga de yositaulu 'o 'ukuka.

²⁰ Koge'enali mita de 'o nabii yoelu-eluku, dua 'asa niakinako to 'ona manga 'ahuoka."

²¹ "Ko 'o nyawa 'iodumuwa gee kaitaurika yongose ngoino, 'Jou! Ngona to ngoi 'ai Jou!', ge'ena dua yodadi ma Jo'oungu ma Dutu wi kawasa, ma duga ka gee yomote-moteke 'ai Dea 'o sorogaaka wi mau.

²² Dua 'o dunia ma do-dogumoka, 'o nyawa manga gudai yongose ngoino, 'Jou! Jou! De to ngona ni ronga, ngomi miosihabariokau ma Jo'oungu ma Dutu wi besesongo, 'o tokata mioginiiki, de mita 'o gudai 'o no-nako 'ihera-herangi miodiai!'

²³ Ma ngoi dua 'asa takisiti-tiaika tongose, 'Ngoi kotininakowa! Nimagoraika ne'enaka ngini gee nioti-tingkai.'"

²⁴ "Nago'ona gee yo'isenoka 'ai demo ne'ena de yodomoteke, 'ona ge'ena 'isoka wimoi wi woa wodiai 'o teto ma dekuoka.

²⁵ Gee 'ibesaka de yodungu'uisi, de mita yodarato, ma koirubawa sababu wosigoko 'o teto ma dekude.

²⁶ Ma 'o nyawa gee yo'isenoka 'ai demo ne'ena de koyamotekuwa, 'ona ge'ena 'isoka wohaga-haga wi woa wodiai 'o dowongioka.

²⁷ Gee 'ibesaka de yodungu'uisi de mita yodarato, de ma woa ge'ena 'iruba so 'ipiakoro 'ibootoka."

²⁸ Ma duanguku 'o Yesus wodotoko 'iduanga, de 'o nyawa yoku-kudai ge'enaka gee yoherangi ma sala yo'isene 'awi do-dotoko ge'ena.

²⁹ Sababu 'una wodotoko ka de to 'una ma sirete wi kumati, 'isoka to 'onawa manga 'agamaka yodoto-dotoko.

Matius

Video Matius 7

Ikuti Kami:

KONTAK | PARTISIPASI | DONASI