Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Kon dodai intua ribuan intau in nosipun, dapot im moyopuntukdon kon si'oḷ. Koyogotpa moyosipun in intau mita tatua, ki Yesus noguman kom murií-Nya mita, "Mokopopia im mo'ikow kon ragi intau im Parisi, makusudnya in oaíid intau im Parisi inta mongomunapik.
2 Diaíbií tobatuímai in no'ibuni in diaí ko'ontongan bo diaí doman in tobatuímai inta binuni in diaí popota'au.
3 Manangka intua onu inta siningog monimu doḷom yo kodongoganbií ko wakutu im mobayagdon; bo onu inta pinogombong monimu simbaí diaí dongogon im bayongan intau, tua im pobaḷuíbií kom bayongan intau."
4 "Pokotorop ule yobayat-Ku mita! Dika mo'ondok ko'i monia inta tongaí mota'au molimod kon awak, ta'e onda intua diaídon mota'au mogaid mo'iliu kon tua.
5 Na'a im poguman-Kudon ko'i monimu mongo ki ine im musti ko'ondok monimu. Kotogu'ondokbií ko'i Allah! Sin aka Sia yo mopaḷut makow molimod, yo oyuíon doman ing kawasa-Nya mopogarab kom bonu in naraka! Popirisayadon, Siabií tua im musti ko'ondok monimu.
6 lima in ḷagapan dui-duit pinotaḷui nomurah totok im bolinya, ta'e umpakahbií natua, yo diaíbií ing kon sigad monia tua ing kino'liongan i Allah.
7 Sedangpa bu'ok kon uḷumu, kinota'auan-Nyabií ing kobayongea. Managka intua yo dikabií mo'ondok im mo'ikow; sim mo'ikowbií im momaha-mahaḷ in ḷagapan mita tatua!"
8 "Torop kopira in na'a: Intau inta mo'ibog mongaku kon tayowon intau moaíntoí kon sia in dumodudui-Ku, Sia akuíon doman in Adií Intau kon tayowon malaekat mita i Allah.
9 Ta'e ki ine im momayow kon tayowon intau moaíntoí kon sia in dumodudui-Ku, yo sia im bayowan doman in Adií Intau kon tayowon malaekat mita i Allah.
10 Aka oyuíon intau mopoyaput in tosingogon poḷawang kon i Adií Intau, yo sia tua in ampunganbií; ta'e aka ki ine im moningkule kon Roho i Allah, yo sia in diaíbií ampungan.
11 Aka mo'ikow bo diaan kom baḷoi mita pososambayangan sin sidangon kon tayowon pomarentah andeka kon toyowon in mongonguasa, yo dikabií mo'ikow mohawatir momikir kon onu in potubagmu.
12 Sin onu inta musti singogonmu tua im pogumanbií in Roho i Allah ko'inimu aka wakutunyadon."
13 Oyuíon tobatuí intau kon sigad intau mobarang kon tua noguman ko'i Yesus, "Pak Guru, pogumanpa ko'i utatku simbaí silaiannyadon aku'oi ing kapunya'an inta ain sinaḷa'an ing guyanga nami ko'inami."
14 Ta'e ki Yesus nosingog ko'inia, "Utat, ki ine in nopobalií ko'i-Nakoí hakim andeka mononigad ko'i monimu mosila kong kapunya'an inta sinaḷaan ing guyanga monimu ko'i monimu?"
15 No'iduduimai kon tua ki Yesus noguman kon intau moaíntoí kon tua, "Mokopopia im mo'ikow bo umuran kiḷuka-ḷukadmai simbaí diaí modunia, sin umpakahbií moaíntoí totok ing kapunya'an, ta'e kobiagan mononoi diaíbií sinantuí ing kapunya'an tatua."
16 Nosingog makow kon natua, ki Yesus nogonguman kon tobatuí porumpama'an ko'i monia, "Oyuíon in tobatuí intau inta no'oyuíon. Butaí inta tonggobaíannyamai umuran mobogoi in hasil mobarong.
17 Intau tatua umuran morai kom bonu ing gina, kainia, 'Tampat potaguíanku kon hasil ing gobaíku, diaídon tugat. Naíondapa degaí in dayaku baí tugatan?'
18 No'onggotmai kom pinomikiran sia noguman nana'a, 'Noko'ulidon kon daya in aku'oi; rumbunonkudon ing gudang tana'a bo buikudon aidan koḷobenon. Simbaí bayongan gandum bo kapunya'anku ibanea modait mo'ibonu kon tua.
19 Onda intua pogumanku kon awakku tontanií; Nomujur totok in ikow! Bayongan inta mopira komintan oyuíon ko'inimu bo kon taongannya tua mita diaípabií modai-dait. Tuamai pogogaidon in tana'a! Ponga'an bo ponginumdon rasadon ing kobiaganmu mopia nion!'
20 Ta'e ki Allah noguman ko'inia, 'Hoi ikow intau inta bodok! Doḷom doman na'a ikow matoi, yo ki ine im pobogoianmu kong kapunya'an inta ain sinipunmu tanion?'"
21 Natua im mobalií kon intau inta mo'ibog mokaya bo rinut. Mosia in diaíbií moramiji baí mokaya kon tayowon i Allah.
22 Ki Yesus noguman doman kom murií-Nya mita, "Tuamai Aku'oi moguman ko'i monimu, 'Dika mohawatir kon soaáḷ kobobiagmu, onu ing ka'anon andeka onu im pakeíon.' monimu.
23 Sim mobiagbií im moponti-ponting ing ka'anon andeka awakbií im moponti-ponting in ḷambung.
24 Tarukirakah in ḷagapan kawag! Mosia diaíbií nogambor bo diaí doman nokoyut bo diaí doman in ḷuntung inta pototaguían monia kong ka'anon. Ta'e umuranbií doman piniara i Allah! Bambiíkabií bo mo'ikow. Mo'ikow in no'iliubií totok kon ḷagapan mita tatua!
25 Ki ine ing kon sigad monimu inta lantaran molia-liau ing gina bo mota'au modugang kon umurnya, topilikmai?
26 Daí aka mo'ikow bo diaí mokosanggup mogaid kon soaáḷ inta mo'intok totok natua, yo nongonu sim molia-liaubií ing gina monimu kon soaáḷ inta ibanea makow?
27 Tarukirakah naíonda ing kobobiag im bungang mita kon taman. Mosia diaíbií nogaid kon siningkoi bo dodagum. Ta'e umpakahbií ki Salomo, Raja inta totok in no'oyuíon diaíbií nomakeí in tobatuímai ḷambung inta naí kopira im bungang mita tatua.
28 Naí doman tua im bonok kong gobaí inta singgai na'a nobiag, ikoḷom in tubaían, ta'e umuranbií sinompia i Allah, bambiíkabií bo mo'ikow! Ta'e mo'ikow bidon in diaí mongopirisaya!
29 Tuamai kotantuíon in raian bo dika umuran molia-liau ing gina monimu kon soaáḷ ka'anon andeka inumon monimu.
30 Sin tua in oaíidbií in intau mita inta diaí mopirisaya ko'i Allah. Padahaḷ bo kino'ta'auan bidon i Allah kong komintan tua im paraḷubií totok monimu.
31 Tuamai aidaipa muna in onu inta kino'ibog i Allah, bain tua bo mogaid kon ko'ibogmu, daí onu inta igumonmu modaitbií ogoi-Nya ko'inimu."
32 "Mo'ikow inta tongaí topilik, dikabií mo'ondok! Si mosanangbií ing gina i Amaímu mobogoi im barakat ko'i monimu kom bonu ing kawasa-Nya.
33 Potaḷuidon im bayongan kapunya'anmu bo ogoi kon intau mita bogaí! Bo pogaid kon tampat ing kapunya'anmu inta diaí mogogoguyaat, tuata in tobatuí kapunya'an inta mononoi, diaí koyaputan im mononakow bo inta diaí kopoguyaatan in sisik.
34 Sing kon onda ing kapunya'anmu, kon tua doman ing ginamu!"
35 "Umuran koḷuka-ḷukad in tumayow kon yagi-yagi. Musti umuran koaíbi-abit bo togaímu in tatap poyongkiton,
36 notongkai im bobantung mita inta umuran mogoḷat makow ko'i tuangnya mobui mangoi nongkon pinonika'an. Aka ki tuangnya tatua mobuidon bo monangkokoí kon ḷolingkop, yo baḷuíbií bukatan monia in ḷolingkop.
37 Momujur totok im bobantung mita inta kino'tambakanmai i tuangnya umuran mogoḷat makow kong koaíngoi i tuangnya tatua. Pirisayabi': Ki Tuang tatua im baḷuíbií mobasadia bo moguman kom bobantungnya mita tatua limituí, bo siapa im mobantung ko'i monia.
38 Bo momujur domandon im bobantung mita inta kinotambakanmai i tuangnya umuranpa mogoḷat makow umpakah sia mamangoi mo'onggotdon kon doḷom andeka modiugdon mobayag!
39 Torop in singog-Ku tana'a! Aka kuma bo kota'auandon muna i togi baḷoi in jam koaíngoian im mononakow, yo diaíbií pomayak makow i togi baḷoi im mononakow tatua tumu'ot kom baḷoinya.
40 Tuamai mo'ikow in umuran doman kisadi-sadiamai, sing ki Adií Intau mamangoi doman ko wakutu inta diaí kota'auan monimu."
41 Bo ki Petrus noliboí, "Tuhan, tongaíbi kami na'a degaí im pinopomakusudan im porumpama'an tatua mongo komintanbií intau?"
42 Ki Tuhan notubag, "Ki ine im bobantung inta mosatia bo mopandoi, sahinga pomiaan i tuangnya itoi kon sigad im bobantungnya mita ibanea, simbaí sia mobogoi ing ka'anon ko'i monia aka wakutunyadon?
43 Mosanang totok im bobantung inta kinoaíngoianmai i tuangnya umuranpa mogaid kon oaíidan inta pinokiaíid i tuangnya.
44 Popirisaya, kon sia tua im baliíonbií i tuangnya moḷoḷukad kom bayongan kapunya'annya.
45 Tongaí aka bobantung tatua bo mora'at bo mosingog doman kom bonu ing gina nana'a, 'Ki tuangku diaípabií mo'o'iaíngoi,' bo nomangkoi in sia momongkung kom bobantung mita ibanea ḷoḷaki-bobay bodongka mayak mongaan bo monginum dapot moḷoḷangu,
46 bo ki tuang monia im mamangoi kon singgai andeka wakutu inta diaí sinangka-sangka, bo kino'tambakannyamai aidnya natua, yo totokbií im bongkugonnya naí intau mita inta diaí mosatia ko'i Allah.
47 Bobantung mita inta ain nonota'au kon onu ing ko'ibog i tuangnya ta'e diaí mobasadia bo diaí doman mogaid kon inta kino'ibog i tuangnya tua, yo sia totokbií in ḷuntaan.
48 Ta'e aka intau inta diaí nonota'au kong ko'ibog i tuangnya bo sia in nogaid kon inta no'itaḷaí, sahingga musti sambokkon, yo sia tua in sambokonbií ta'e koyangkoíon."
49 Ki Yesus noguman nana'a, "Aku'oi mamangoi modia kon tuḷu kon dunia na'a. Mopia totok aka tuḷu tatua bo modokotdon!
50 Oyuíonpa in roriga moḷoben im musti kobayaan-Ku. Moaíjarbií totok ing gina-Ku aka tua komintan bo diaípa kobayaan-Ku.
51 Kai monimu kamai yo Aku'oi na'a im mamangoibií modia kon dodamean kon dunia na'a? Diaía! De'emanbií dodamean ta'e bobayowanbií.
52 Sin nongkon tana'a makow momukaíbií im bobayowan kon sigad im motoḷu adií kom bonu im baḷoi. Aka kon tobaḷoian tua bo lima in intau, daí inta toḷu mobobayowan in doyowaí andeka doyowaí mobobayowan in toḷu.
53 Guyanga ḷoḷaki mobobayowan i adiínya ḷoḷaki andeka ki adiínya ḷoḷaki mobobayowan i amaínya. Naí doman tua, guyanga bobay mobobayowan i adiínya bobay andeka ki adiínya bobay mobobayowan i inaínya. Guyaí mobobayowan im mototaka bobay andeka mototaka bobay mobobayowan i guyaínya."
54 Ki Yesus noguman kon intau moaíntoí kon tua, "Aka mo'ikow bo moko'ontong kong goḷom mosipun kon dotaí in toyopan, yo baḷuí mo'ikow moguman, 'O... monguyan!' Bo totu'u kom monguyanbií doman.
55 Natua doman, aka mo'ikow bo mokorasa kon tompot mogirup nongkon toḷatan, baḷuí mo'ikow moguman, 'O... moninggai in na'a!' Bo totu'u kom moninggaibií doman.
56 Ule, mo'ikow intau inta mongomunapik! Ka'ada'an im butaí bo langit mota'au monimu takuseron ta'e nongonu sin tanda mita in zaman masa in tana'a in diaíbií mota'au monimu takuseron?"
57 "Bo nongonu sin diaíbií kota'auan monimu im momilií tontanií kon inta mopia?
58 Aka ikow bo bayaían pongaduon in intau kom pongadilan, yo ramijibií simbaí porkara tatua im baḷuí mopaḷut ko wakutu in diaípa mayak im pongadilan. Simbaí diaí potayownya kon mongongadil in ikow bo posarahkan kom pulisi sim ponjaraan.
59 Pirisayabií! Ikow in diaíbií mo'iḷuai kom ponjara tatua aka inta sinuntutnya tua bo diaípa ko'ubolianmu."
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA