Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Idi bang lak luk kepulu' limeh kareb Raca' Tibirius, idi kareb Pontius Pilatus pana' nengimet bawang Yudia, idi Raca' Herodés nengimet Galilia, idi kinanakneh Pilipus nengimet tana' Ituria idi Trakonitus, idi Raca' Lisanias nengimet Abilini,

² idi kareb Annas idi Kayapas mangun ku imam rayeh, idi bala Allah nacing kuan Yahya Sekaria déi' su luk ali-ali.

³ Idi Yahya nenalan aput-aput bawang libut Abpa' Yarden mada' ratnan rereb uren, ieh ineh dalan ngalap do' ratnan sala',

⁴ maya' kudeng luk inayud bang surat Nabi Yesaya, kebalaneh, "Seburur lemulun ngitang déi' su luk ali-ali: 'Nganau' temina dalan Tuhan; idi ngesiri lisangen-lisangenNeh!

⁵ Anid-anid ruan miak uen manu', anid-anid pegkung idi surud miak uen ngebeneh. Luk tekilu' miak uen ngeisir, idi luk metekura' miak uen maad.

⁶ Amung-amung lemulun miak nier ulun luk ratnan Allah!'"

⁷ Idi keburi' Yahya kuan lun mula' luk nacing sikal rerebpenneh, "O muyuh menipeh! Idéké pangeh nemada' nemuyuh buro ratnan useh luk miak macing?

⁸ Do' muyuh ngeruat bua'-bua' luk petulu dengan uren, idi aleg muyuh ngimun pebala bang niat muyuh, 'Ibrahim, ieh ineh tepun kai,' ngaceku ui pebala nemuyuh, Allah melalud ngisu' batu-batu ini mangun ku anak-anak Ibrahim.

⁹ Idi nekini pana' uai pangeh temina' inan uat lawa kayuh teh, idi anid-anid lawa kayuh luk na ngeruat bua' luk do', ieh ineh miak tebangen idi talan bang apui."

¹⁰ Idi lun mula' ineh pana' nengitun neneh, keburi'deh, "Anunké luk do' teh miak ruen kai?"

¹¹ Idi kebala Yahya, "Lemulun luk inan dueh kuyuh, do' ieh maré sebuleng kuan lemulun luk na, idi lemulun luk mula' luk kenen, do' ieh nganau' kudeng ineh teh."

¹² Idi lemulun luk ngamung usin pupuk pana' nacing sikal rerebpen, kebaladeh, "O Guru, anunké luk miak ruen kai?"

¹³ Idi keburi' Yahya nedeh, "Aleg muyuh nakap meluun ratnan luk litep kuan muyuh."

¹⁴ Idi inan teh tuda'-tuda' lun pebunu' luk nengitun neneh, keburi'deh, "Anunké luk miak ruen kai ini?" Idi keburi'neh kuandeh, "Aleg muyuh ngalap binaweh dulun, idi aleg muyuh ngadu' lemulun dengan mebalih. Do' muyuh mawang niat ratnan tabpar muyuh."

¹⁵ Iamo' pupu ineh nganét dengan merapet, idi amungdeh nengerawé bang niatdeh ratnan Yahya, kudeng ieh ineh Keristus.

¹⁶ Idi kebala Yahya nedeh, "Ui ini ngerereb nemuyuh ku abpa'; iamo' inan teh Seburur Lemulun luk macing muci, ieh ineh luk meluun lalud rat negku; idi neka abet kasutNeh pana' ui na mayu. Idi Ieh sikal ngerereb nemuyuh ku Roh Meligan idi apui

¹⁷ Idi bebperNeh inan bang paladNeh, pelé Ieh miak nganau' malét su luk inanNeh rumik, idi ngamung padéNeh bang lepo, iamo' lipangneh miak sabpenNeh ku apui luk na miak milep."

¹⁸ Idi dengan tuda'-tuda' bada' luk baken teh Bala luk Do' bida'neh kuan pupu ineh.

¹⁹ Iamo' Yahya nengesala' Raca' Herodés luk bibpeng Yahya ngaceku ieh nengaweh Herodia, awan kinanakneh, idi ngaceku amung kekamen Herodés luk dat.

²⁰ Idi Herodes nenganau' luk meluun dat, idi ieh nenipa Yahya bang tutup.

²¹ Kareb amung lemulun pangeh rireb, idi Yésus pana' rireb. Idi Ieh uned sembayang idi langit mukab,

²² idi Roh Meligan netemurun luunNeh maya' ayu burur, mepad kudeng aceh suit sukur. Idi inan aceh tang rat bang langit luk pabala, "Iko ini AnakKu luk inanKu mawa. Ui mawang niat Namu."

²³ Kareb Yésus nengimun kekamenNeh, ulunNeh lélé teluh ngepulu' lak; idi bang terawé lemulun, Ieh ineh anak Yusup, anak Héli,

²⁴ anak Matat, anak Liwi, anak Malki, anak Yanai, anak Yusup,

²⁵ anak Matatias, anak Amos, anak Nahun, anak Esli, anak Nagai,

²⁶ anak Maat, anak Matatias, anak Simi, anak Yusik, anak Yuda,

²⁷ anak Yuhanan, anak Risa, anak Serubabel, anak Saltiel, anak Neri,

²⁸ anak Malki, anak Adi, anak Kosam, anak Elemodam, anak Er,

²⁹ anak Yosua, anak Elieser, anak Yorim, anak Matat, anak Liwi,

³⁰ anak Simion, anak Yahuda, anak Yusup, anak Yonan, anak Eliakim,

³¹ anak Melia, anak Mina, anak Matata, anak Natan, anak Daud,

³² anak Isai, anak Obed, anak Boas, anak Salmun, anak Nasun,

³³ anak Aminadab, anak Admin, anak Arni, anak Esron, anak Paris, anak Yahuda,

³⁴ anak Yakub, anak Isak, anak Ibrahim, anak Tirah, anak Nahor,