Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Pejani' luk pun-pun ineh inan ukum-ukum sembayang, idi su luk inan sembayang teh luk inau' lemulun.
2 Lepo kibung pangeh tinina', ieh ineh luk pa atun, luk titen Su luk Meligan. Idi bang ineh inan kukud lapung, méja, idi ruti luk biré kuan Allah.
3 Pa keted dicing luk kedueh ineh inan Lepo luk titen Su luk Meluun Ligan.
4 Bang ineh inan aceh luk inan ngeseb umau luk do' buen ratnan amas, Pati' Pejani' luk ibpu ku amas libut-libutneh, bigan amas luk panu' ku manna, rukud Arun luk nginulih, idi dueh balad batu pejani'.
5 Pa luun pati' ineh inan dueh ayu melaikat karub luk buren luk ngelungung Su luk inan Pedo' ineh; iamo' nekini tau na miak mala ratnan amung ineh dengan mekadang.
6 Kudeng ineh lawéneh amung ineh tinina'. Imam-imam semuet géi'-géi' bang Lepo luk pa atun ineh pian nganau' kekamen luk inandeh pekalai.
7 Iamo' Imam Rayeh mo' miak semuet bang Lepo luk kedueh ineh sekua' selak mo'. Ieh nguit dara', luk barénneh ngaceku bururneh sebuleng idi ngaceku sala' pupu ineh luk na kali'deh.
8 Ratnan luk kudeng ineh Roh Meligan ngegala' kuan tau ratnan dalan semuet bang Su luk Meluun Ligan ineh nateh inukab kareb Lepo luk pa atun ineh idi teh.
9 Ini mangun ku aceh luk pinginud kuan kareb ini. Ilungneh baré-baré idi luk kereten luun bubpun na miak ngeligan teruayen niat lemulun luk sembayang kudeng ineh.
10 Amung-amung ineh petulu dengan akan, luk rupen, idi tuda'-tuda' baru', idi mangun ku ukum maya' ayu burur mo', luk inau' kuan lemulun pad macing nan kareb amung-amung ineh miak uen ngeriput teh.
11 Iamo' Keristus pangeh nacing mangun ku Imam Rayeh bang amung-amung luk do' luk idi nekini. Lepo su luk inanNeh ngakem ineh meluun rayeh idi meluun ligan, idi baken inau' ticu' lemulun, ilungneh baken aceh babpat ratnan pudut tana' ini.
12 Kareb Keristus nelemaba Lepo idi nesemuet sekua' mo' bang Su luk Meluun Ligan ineh, na Ieh nenguit dara' amék idi sapi' ku aceh baré; iamo' Ieh nenguit dara'Neh sebuleng, pad Ieh nengacing ulun luk meruked kuan tau.
13 Dara' amék, dara' sapi', idi abuh anak sapi' tineh uen ngisak kuan lemulun luk melutak ineh, idi maru' nedeh pad bururdeh meligan.
14 Kudeng pieh kudeng ineh meluun teh dara' Keristus, luk ratnan Roh luk meruked ineh pangeh nemaré bururNeh sebuleng dengan na mesala' kuan Allah ineh, miak maru' teruayen niat tau ratnan kekamen luk macing inan até, pad muyuh mepicet inan Allah luk mulun ineh.
15 Ini punneh Keristus mangun ku Gatum sebuleng pejani' luk mebaruh, pad lemulun luk tinawar Allah ineh miak ngalap babpat luk meruked, luk pangeh pijani' Allah kuandeh ineh. Ini miak mangun ngaceku inan aceh até luk muit lemulun ratnan sala' luk inau'deh kareb ideh pa liang pejani' luk mon ineh.
16 Ngaceku kudeng inan surat periteteng, na miak na inan até kuan lemulun luk periteteng ineh.
17 Ngaceku surat periteteng inan lalud kareb lemulun maté, ngaceku kareb lemulun luk periteteng ineh mulun, idi tetengneh ineh na luk idi lalud.
18 Ineh punneh pejani' luk mon ineh litep ku dara'.
19 Pun-pun Musa pangeh nemada' ukum kuan pupu ineh, maya' kudeng Ukum Surat. Idi ieh nengalap dara' anak sapi', idi abpa', idi ieh nengisak ineh luun surat ineh, idi luun amung-amung pupu ineh ku buluh dumba luk mesia', idi likudung.
20 Kebalaneh, "Ini dara' pejani' luk bila Allah kuan muyuh."
21 Kudeng ineh teh Musa nengisak dara' luun Lepo idi amung-amung luk pikaideh kareb sembayang.
22 Maya' Ukum lélé amung-amung pangeh biru' ku dara', idi baken ratnan ngeruat dara' na luk idi dalan ngalap do' ratnan sala'.
23 Amung-amung ineh, luk mangun ku pinginud amung-amung binaweh rat surga, baruin maya' dalan ineh, iamo' binaweh rat surga ineh teh miak baruin ku aceh baré luk meluun do' ratnan baré ineh.
24 Ngaceku Keristus na nesemuet bang Su luk Meligan luk inau' ticu', luk mangun ku luk pinginud mo' ratnan Su luk Meligan luk matu ineh; iamo' bang surga luk matu, pad Ieh miak amé' nekini matun Allah ngaceku tau.
25 Keristus na megéi' maré bururNeh, mepad kudeng Imam Rayeh lun Yahudi luk anid-anid lak semuet bang Su luk Meligan dengan nguit dara' pung.
26 Ngaceku kudeng pieh kudeng ineh na miak na Ieh megéi' kali' dereh rat pun-pun tana' ini pinudut. Iamo' nekini kareb kekiped tana' ini, sekua' mo' Ieh pangeh ginala' miak ngiu' sala' dengan dalan luk nemaré bururNeh sebuleng.
27 Anid-anid burur lemulun maté sekua' mo', idi pangeh ineh ieh miak kumin Allah.
28 Kudeng ineh teh Keristus pana' pangeh biré sekua' mo' pad mabeh sala' lun mula'. Idi Ieh miak macing sekedueh kua', baken pad mabeh sala' lemulun teh, iamo' pad ngulun lemulun luk nginulat Neneh.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA