Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Nori, hit Allah ngi roho welahebon poholma fano welamuhup ulug wol heneptisimu Allahn monde fibagma imam onowe suwon atfahon Yesus ino yet teg lit welamuhup. At unuk niren fag toho uruk lahe.
2 Musa Allah ibam wereg lit indi wirik toho unduhuk latfag hag toho Yesus oho At unduhuk fibag Ahun ino fam Indi wirik toho wenggel haruk latfag.
3 O wituk ahun palimu weregma aben fano peruk, o ebe aben wiri ferukon ino apma reg hag toho Yesus palimu weregma Allahn fano perukmu Musa apma reg.
4 O wirihon obog toho arimano wituk ane onoluk inaben wituk, mun angge man angge tibibahon ino Allahn eneg tibibag.
5 Musa Allah amingmingangge roho Ibam ino wereg lit fobik Allahn fag toho hiyag isahu ane aren tam hiyag isaruk lit indi wirik toho welatfag.
6 Indi wirik toho welatfag angge famen Kristus ino o ngi Ahun Amloho wereg lit Aren o ino ngi reg lit wereg. Kristus inowen tik-tem toho fanowap nenebuhu ulug ninindi wenggel haruk lit nenehiyeg toho mondabi seneg lamuhuk halug o ebe ino nit welamuhuk.
7 Ari hag toho Allah hime fanowon inowen nit hiyag nisaruk lit, "Yoho At ele holtihip halug
8 hinindi wenggel ha fug angge sohu roho welam fug. Indam hunumbasi farema weregma inindi wal isarukmu it inindimu het-pet toho welatfag hag toho hiren oho Allah henembol yig Um fug.
9 Farema wereg lit hinikni umban anden turuk ane onoluk teg lit yet hibag angge famen iren at wal hul ulug wal niyarukmen
10 mo ilig am wirig am turukmen eneg teng misigmen nubam hilag nuwalen (empat puluh tahun) atfag. It welatfahon arimanowen siyag ane turukmu Anden nolok ane unubam emberik iyareg Nele uruk lit, 'Likiya hupmu inindi sohu reg lit An nabunggalem enepelehen un ke eneg laruk latusama
11 An nolok ane hit hunubam tuhuk,' ulug hiyag isaruk lit, 'Hit kel tahup ambeg Anden kolowap hisarikik angge famen hit kuhup fug,' irik iyag."
12 Nori, ap eke hit sehelimu werehonen Allah wene holtuk angge famen Allah oluk werehon ino ambol yihik feselug siyag ane tuk nowen yet teg lamok.
13 "Yoho," uk teg sambil welahe peruk lahep halug likiya hupmu hit-hit komo-komo atuk lamuhup. Siyahonen enele si uruk lit hinindi sohuwap henebuk nowen.
14 Kristus anggengge nit ngi atukukteg atam tem toho peruk lit wenggel harukuk ane mondabi seneg lamuhukmu eneg Anggengge nit ngi amuhuk.
15 Hunumbasi inindimu het-pet toho welatfag ane fahet haharoho emberuk lit, "Yoho At ele hol halihip halug hunumbasiyen Allah enembol yig Itfag hag toho hiren oho hinindi wenggel ha fug angge sohu roho welam fug," ulug komo enepfag ane ari fam ap sa fahet uruk?
16 Allah ele holtuk anggeyen Allah indi olokap turuk inap ap sa fahet uruk? It o Mesiren Musan hondog eneplug wilip atfahon arimano obog toho fahet uruk eleg ano?
17 Ap sa fahet Allahn olok harukmen eneg mo ilig am wirig am teng misig nubam hilag nuwalen (empat puluh tahun) atfag? Iren siyag ane tibagma enebe warehon farema lin-lan ibahon arimano fahet ibag fug?
18 Hit kel tahup ambeg Anden kolowap hisarikik angge famen kuhup fug ulug tem toho uruk lahi ibag ane ari ap sa fam ibag? Holtuk eleg inap arimano unubam ibag fug?
19 Inindimu wenggel hibag fuhon ariyen kuk fug teg latfahon ari niren ketiya yet haruk lahe.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA