Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Utat mita tumpaḷa Keresten inta ain inoinií i Allah! Raikah monimu koaíko-akow in soaáḷ ki Yesus na'a! Sia aim pinotabaí mangoi i Allah simbaí mobalií Imang Moḷoben kon agama inta dinuduian naton.
2 Sia mosatia ko'i Allah inta nomilií ko'i-Nia sim mogaid kon oaíidan tatua, naí ki Musa tungkuḷ intua nosatia doman nogaid kon oaíidannya kom Baḷoi Tuhan.
3 Ta'e ki Yesus patusbií moko'ulií kong kahormatan moḷoben mo'iliu ko'i Musa. Sin intaubií inta nogaid kom baḷoi in lebe hormaton nongkon baḷoi inta pinomianya tatua.
4 Totu'ubií kom pomuḷoi im baḷoi oyuíonbií in nomia, ta'e inta nomia kom bayongan yagi-yagi ing ki Allahbií.
5 Saḷaku simpaḷ kom Baḷoi Allah, ki Musa mosatiabií nogaid kon oaíidannya bo sia ain nopota'au doman in soaáḷ mita inta bain popota'au i Allah kon singgai mo'iduduimai.
6 Ta'e ki Kristus im mosatiabií saḷaku Adií inta motanggung jawab kom Baḷoi Allah. Bo kitabií na'a im Baḷoi Allah aka umuran moḷoben ibog naton kumadai bo moyakin moko'ulií kon onu inta harapon makow naton.
7 Tuamai, naí inta aim pinoguman in Roho i Allah nana'a: "Aka singgai na'a mo'ikow mokodongog kon singog i Allah,
8 yo dona'ai mokopotogat kong gina, naí mogoguyang mita monimu, wakutu im mosia nomarontak bo nonungkuḷ ko'i Allah kom padang pasir.
9 Kon tua, mosia nonungkuḷ bo noguji ko'i-Nakoí, guman i Allah, 'Padahaḷ ain inontong monia im bayongan inta pinomia-Ku kon sigad monia opat nopuḷuh notaong ko'onggotea.'
10 Tuamai sinumoruí in Aku'oi bo poḷat noguman ko'i monia nana'a: 'Mosia umuran diaí mosatia, bo doií dumudui kom parentah-Ku mita.'
11 Aku'oi sinumoruí bo nongibot, 'Mosia tua in diaíbií mo'ituot kom butaí tatua bo mogogai moyotakin-Ku.'"
12 Utatku mita, mokopo'ingat simbaí diaí in tobatuímai kon sigad monimu ing gina mora'at bo diaídon mopirisaya, sahingga in tumolikud bo mokopoyayukdon ko'i Allah inta nobiag!
13 Manangka intua baí diaí tobatuímai ing kon sigad monimu kotombodokan in aid inta mora'at bo moḷawangdon ko'i Allah, daí umurandon positonggina'an im mo'ikow pomuḷoi in singgai wakutu in tumpaḷapa nobiag kom masa inta singoian kom Buk Mosuci "Singgai in Na'a".
14 Kita na'a ing komintanbií yobayat topogaidan i Kristus asaḷ bo tantuí kumadai kon onu mita inta pinirisayadon naton nongkon pinomangkoianmai modapot kong kopaḷutan in dunia na'a.
15 Tana'a im pinais kom Buk Mosuci, "Aka singgai na'a mokodongog im mo'ikow kon singog i Allah, yo dona'ai togaton ing gina, naí mogoguyangmu, wakutu i mosia nomaḷawang ko'i Allah."
16 Ki ine intau mita inta nokodongog kon singog i Allah bo nomarontak ko'i-Nia? Mosia tuata in intau mita inta dinia i Musa iḷumuai nongkon butaí im Mesir!
17 Bo ki ine in sinoruían i Allah solama opat nopuḷuh notaong? Tantu mosia inta nogaid kon diaí mopia bo inta minatoidon kom padang gurun!
18 Bo ki ine doman degaí im pinopomakusudan i Allah in ibot-Nya nana'a: "Mosia tua in diaíbií mo'ituot im butaí tatua bo mogogai moyotakin-Ku?" Tantuí intaubií mita inta nomarontakdon ko'i Allah!
19 Tana'a ing kinota'auandon naton kom mosia tua in diaíbií, mo'ituot, sin diaí mopirisaya i mosia ko'i Allah.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA