Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Pangabisannya, pogumanku ko'i monimu utatku mita, kosanangdon ing gina monimu, sim mo'ikow ain notobatuí i Tuhan. Diaíbií mobuí in aku'oi momais bui kon onu inta aim pinaisku kolipod ko'i monimu; sing kopia'anbií monimu intua.
2 Mokopo'ingatdon ko'i monia inta umuran mogaid kon inta diaí mopia, mosia inta mota'audon tangoion'ungkuí'. Mosia inta umuran momakisa kom baí sunatondon mita im bayongan intau.
3 Padahaḷ bo kitabií na'a in intau mita inta notarima kon sunat nongkon i Allah. Kitabií na'a intau inta ain dinia i Allah sim mosumbah ko'i-Nia, bo umuran mosukur makow ing kita sin notobatuídon i Kristus Yesus. Diaí bidon ing kita mo'igantong makow kon upacara inta sipatea tongaí samantara.
4 Sabanarnya aku'oi na'a im mota'aubií doman tumogot makow kon upacara mita natua, sedang bo mo'iliubií ko'i monia, aka kuma bo oyuíon in dodoyonan monia mogaid kon soaáḷ mita inta ko'ontongan tatua.
5 Aku'oi na'a in sinunatbií doman wakutu in umurpa waḷu nosinggai. Aku'oi pinononggadií saḷaku intau Israel nongkon suku i Benyamin; aku'oi in totokeapabií intau Ibrani. Bo aka soaáḷ kododudui kon hukum mita in agama Yahudi, yo aku'oi na'a in no'igolong kon intau im Parisi.
6 Lantaran moḷoben totok in ibogku dumudui kon hukum agama tatua, daí ramijionku pogutuíon in jama'at. Aka nilaion podoyon kon hukum agama Yahudi yo aku'oi na'a intaubií mopia bo motoindudui.
7 Tongaí lantaran nopirisayadon ko'i Kristus, daí onu ing kolipod inta inanggapku mobogoi ing ka'untungan ko'inakoí, tana'a makow inanggapkudon diaí im mangalenya.
8 De'emanbií tongaí kon soaáḷ mita tatua, ta'e kom bayongan doman rupa-rupa inanggapkudon diaí im mangalenya. Sin naonda in aku'oi nonota'audon ko'i Kristus Yesus, yo kinorasa'anku kon tuabií im mopia-pia nongkon bayongan rupa-rupa. Lantaran ki Kristus, daí bayongan rupa-rupa sinaḷa'ankudon sin tua komintan diaíbií im mangalenya, bo baí mo'uliíkudon ing ki Kristus,
9 bo aku'oi in totu-totu'udon notobatuí takin-Nya. Hubungan mopia takin i Allah diaíbií no'uliíku lantaran dinumudui kon hukum in agama, ta'e tua in no'uliíkubií sin aku'oi nopirisayadon ko'i Kristus. Daí tuamai hubungan mopia tua in namangoibií nongkon i Allah sim pinodoyon kom pirisaya ko'i Kristus Yesus.
10 Soaáḷ inta totok ing ko'ibogku im monota'aubií ko'i Kristus bo mokoaílami kong kawasa inta nokobiag ko'i-Nia nongkon kinopatoian. Bo mo'ibog doman aku'oi mokoaílami kon roriga naí inta kinorasa'an-Nya bo notongkai doman naí kopopatoi-Nya,
11 simbaí mobiag doman in aku'oi nongkon sigad in intau minatoi.
12 Aku'oi in diaíbií moguman kon nosempurnadon aku'oi. Ta'e umuranbií batukonku in hadiah inta sinadia i Yesus Kristus. Sin tuabií im mangale pinodomokan-Nya ko'inakoí bo binalií-Nyadon in aku'oi kapunya'an-Nya.
13 Utatku mita, totu'ubií kon diaíbií inanggapku kon no'uliíkudon intua komintan. Ta'e na'a in inaidanku; iliongkudon onu inta ain nobalií kolipod bo batukonku onu inta kon tayowonku.
14 Tuamai umuran aku'oi moribatuk mogaḷow mopobayak in tujuan pangabisan simbaí mo'uliíku in hadiah, tuata ing kobiagan kon soroga; sin tuabií im mangale pinogoiniían i Allah ko'i naton inta pinongin i Kristus Yesus.
15 Manangka intua kita inta ain noguyang im pirisaya umuran morai natua. Bo aka oyuíon ing kon sigad monimu diaí notongkai in raiannya, daí insilanganbií i Allah intua ko'i monimu.
16 Ta'e umurai tarukira in tana'a, "Musti ing kita umuran mobiag dumudui kon atorang inta ain dinuduian naton dapot in tana'a makow."
17 Utat mita! Duduiai onu inta ain inaidanku bo tarukira im mosia inta nobiag naonda bo kami inta ain nobalií dodayanan ko'i monimu.
18 Aku'oi umurandon noguman ko'i monimu, ta'e tana'a in takindon ombaḷ aku'oi moguman kon nobayongdon in intau inta kobobiagnya momoguya'at kom mangale ing kinopatoian i Kristus kong kayu pinoyotalempang.
19 Intau mita natua im moputuíbií, sin tuhan monia in sianbií monia, bo aid monia inta moromuí tua duiíonbií monia; sin tongaíbií bonu in dunia na'a in umuran raion monia.
20 Ta'e kita im mobaliíbií umat in soroga. Nongkon tua doman Raja Mopoposaḷamat naton, ki Tuhan Yesus Kristus im mamangoi. Sia tuata inta tantuí oḷaton makow naton.
21 Awak naton inta ilo-ilow bo inta diaí mononoi na'a, baḷuian i Kristus mobalií naonda bo awak-Nya tontanií inta momulia. Mota'au-Nyabií aidan intua, sin oyuíonbií ing kawasa nongkon i-Nia mopotungkud im bayongan yagi-yagi.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA