Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Lẽq arepan Allah dait Deside Isa Almasih saq gen hakimin selapuq dengan saq idup dait saq sampun ninggal; dait demi kerauhan-Ne serte kerajaan-Ne, tiang bepesen tipaq side:

² Side harus nyampẽang Manik Allah, timaq waktune solah atao ndẽq, nyatayang napi saq salaq, peringet dait bẽng nasẽhat dait ajah secare sabar.

³ Sẽngaq gen dateng waktune dengan ndẽqne mẽlẽ malik nerimaq pengajahan saq kenaq. Sebalikne, ie pade gen turut kemẽlẽqne mẽsaq, dait ngumpulang luwẽq guru adẽqne ngajahang hal-hal saq solah tedengah lẽq kentok ie pade.

⁴ Ie pade sulen kentokne jari dengah kebenaran, laguq gen dengahang cerite-cerite dongẽng.

⁵ Timaq maraq nike, side harus nguasein diriqde lẽq dalem keadaan napi juaq. Pade tabah lẽq dalem penderitean, laksaneang tugasde sebagẽ dengan saq nyampẽang Kabar Solah nike dait tutuqang solah-solah kewajibande jari pelayan Allah.

⁶ Mengenai diriq tiang, sampun dateng waktune tiang gen matẽ jari kurban tipaq Allah. Karing seberaq tiang gen bilin dunie niki.

⁷ Tiang sampun selesẽang pertandingan sebagus-bagusne, dait mangkin tiang sampun araq lẽq garis penutuq. Tiang tetep meliharaq iman.

⁸ Dait mangkin tiang sampun tesedieang mahkote kebenaran saq gen teicanin tipaq tiang siq Tuhan, Hakim saq adil nike, lẽq jelo-Ne, nike ndẽqne cume lẽq tiang, laguq ẽndah tipaq selapuq dengan saq melẽt gati ngantos kerauhan Tuhan.

⁹ Pade berusahe becat dateng ojok tiang,

¹⁰ sẽngaq Demas sampun bilin tiang lantaran ie mentingang dunie niki. Ie sampun lumbar ojok Tesalonika. Krekes sampun lumbar ojok Galatia, dait Titus ojok Dalmatia.

¹¹ Cume Lukas saq araq kance tiang. Tutut Markus dait tẽnaq ie milu bareng side, sẽngaq ie bau nulung tiang lẽq dalem pelayanan tiang.

¹² Titikus sampun tiang suruq lumbar ojok Epesus.

¹³ Lamun side dateng, jauq ẽndah jubah saq tiang adẽqang lẽq Troas lẽq balẽ Karpus. Jauq ẽndah kitab-kitab tiang, terutame selapuq gulungan saq tepiaq lẽman lẽndong.

¹⁴ Aleksander, saq jari tukang tembage nike sampun ngelaksaneang hal-hal saq jahat gati lẽq tiang. Tuhan gen bales ie menurut perbuatanne.

¹⁵ Side mẽsaq harus onyaq-onyaq lẽq ie, sẽngaq ie tetu-tetu nentang pengajahan saq ite jauq.

¹⁶ Sewaktu penembẽq tiang ngajuang pembẽlean tiang, ndẽq araq sopoq dengan juaq saq dampingin tiang; selapuqne bilin tiang. Mudah-mudahan ndẽqne ie pade saq nanggung hal nike!

¹⁷ Laguq Tuhan araq bareng kance tiang. Ie ngicanin kekuatan sehingge tiang sanggup beriteang selapuq Kabar Solah nike, adẽq tedengah siq selapuq dengan saq ndẽq Yahudi. Dait tiang tebẽbasang lẽman biwih singe.

¹⁸ Mule Tuhan gen bẽbasang tiang lẽman selapuq niat dengan saq jahat, dait Ie gen gadingang tiang selamet jangke tame ojok Kerajaan-Ne lẽq sorge. Bagi Tuhan kemuliean selaẽq-laẽqne! Amin.

¹⁹ Salam tiang tipaq Priskila dait Akwila dait tipaq keluarge Onesiporus.

²⁰ Erastus ndot lẽq Korintus, dait Tropimus sampun tiang bilin sewaktu ie masih sakit lẽq Miletus.

²¹ Pade berusahe pacu-pacu jari dateng sendẽqman musim telih. Ebulus, Pudes, Linus dait Klaudia ngirim salam tipaq side; maraq nike ẽndah selapuq semeton saq seiman lainne.

²² Tuhan tetep araq bareng rohde. Rahmat-Ne araq bareng kance side.

2 Timotius

Video 2 Timotius 4

Ikuti Kami:

KONTAK | PARTISIPASI | DONASI