Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Jesus Kristus reh denga pagi jadi Hakim nandangi kalak si nggeluh ras si nggo mate. IpantekiNa pagin KinirajanNa. Emaka kupindoken kal man bandu i lebe-lebe Dibata ras Jesus Kristus:
2 Pembarkenlah Berita e, subuk tengteng ras la tengteng paksana terusken gelah beritaken. Cidahken salah kalak, persingeti dingen pegegehi ia sanga iajarkenndu ia alu dem kesabaren.
3 Reh me pagi paksana lanai ibegiken kalak pengajaren si tuhu-tuhu. Sura-surana saja me idalankenna. Ipepulungna guru-guru guna ngajari ia kerna kai si iakapna ntabeh megikenca.
4 La ibegikenna pengajaren si tuhu-tuhu, tapi tutus atena megiken turi-turin si la tuhu.
5 Tapi kam, ntah kai gia jadi, ula bene ukurndu. Megenggenglah i bas ngenanami kiniseran. Dahikenlah dahin meritaken Berita Si Mehuli e, janah dalankenlah tanggung jabapndu jadi suruh-suruhen Dibata.
6 Tapi aku, nggo seh paksana ipersembahken. Nggo seh paksana aku nadingken kegeluhen enda.
7 Nggo kupala-palai asa ngasupku i bas perlumban e, nggo seh aku ku garis batas, janah nggo kucikep kiniteken e.
8 Emaka genduari nggo sikap hadiah kemenangen e guna iendesken man bangku, e me rudang-rudang kebenaren si ibereken Tuhan, Hakim si adil, si IberekenNa man bangku i bas Wari e. Janah hadiah e labo man bangku saja, tapi pe man kerina kalak si nimai KerehenNa alu erkeleng ate.
9 Usahakenlah maka pedas kam reh ndahi aku.
10 Demas nggo nadingken aku janah genduari ia erngena ate man doni si genduari enda. Nggo lawes ia ku Tesalonika. Si Kresens pe nggo lawes ku Galati janah Titus ku Dalmati.
11 Lukas nari ngenca ras aku. Legi Markus gelah ras kam ku jenda, sabap banci ia nampati aku i bas dahinku.
12 Tikikus nggo kusuruh ku Epesus.
13 Adi reh kam baba mantelku, tading kubahan i Troas i bas si Karpus. Baba pe kitap-kitapku, terlebih-lebih kitap kulit e.
14 Aleksander, tukang tembaga e, nggo megati erbahan jahat man bangku. Tuhanlah mbalassa perbahanenna e.
15 Kam pe metengetlah nandangi ia, sabap megegeh kal ia ngelawan kai si iberitaken kita.
16 Asum tangtangna aku iadili, ise pe la lit nemani aku; kerina nadingken aku. Mbera-mbera la itak-taki Dibata si enda man bana!
17 Tapi Tuhan tetap nemani aku, IberekenNa man bangku gegeh, seh maka tuhu-tuhu i bas paksa e ngasup aku meritaken Berita Si Mehuli e man bangsa si erbage-bage. Ipulahi Tuhan aku tempa-tempa i bas babah singa nari.
18 Janah ipulahi Tuhan me pagi aku i bas kerina si jahat nari, jenari IbabaNa aku alu selamat ku bas KinirajanNa i Surga. Man BaNalah kemulian seh rasa lalap. Amin.
19 Kataken mejuah-juah man Persila ras perbulangenna Akuila, bage pe man Onesiporus sada jabu.
20 Erastus genduari i Korinti, janah Tropimus kutadingken i Mileti, sabap sakit ia.
21 Usahaken kal gelah reh kam ope denga musim mbergeh. Eubulus, Pudens, Linus ras Klaudia ngataken mejuah-juah man bandu, bage pe kerina senina-senina si nggo tek man Jesus Kristus.
22 Tuhanlah nemani kam. Lias ate Dibata ras kam kerina gelah.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA