Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Ifuli so dania Yesu Keriso ba gulidanõ andre ba wanguhuku niha sauri awõ zi no mate; so Ia tobali Razo samatõrõ. Bõrõ da'õ u'andrõ sibai khõu fõna Lowalangi ba Yesu Keriso.
2 Ya lõmamalõmalõ õturiaigõ Duria soroi Lowalangi andrõ, ena'õ tola larongo niha, he na omasi ira ba he na lõ'õ. A'aro'õ dõdõ niha, oroma'õ zi sala, ba be'e khõra wamarou dõdõ. Fahaõ niha si fao fa'ebolo dõdõ.
3 Bõrõ irugi inõtõnia dania lõ omasi niha sa'ae wanema famahaõ sindruhu andrõ. La'o'õ dania zomasi ira samõsa, irege la'owuloi khõra ndra samahaõ, ba wamahaõ ngawalõ zi sõkhi famondrongo ba dalingara.
4 Laduhõ dania dalingara ba zindruhu, ba labe'e mbõrõ dalingara ba nidunõdunõ zofaya.
5 Ba hew̃a'ae si manõ, bõi teduhõ dõdõu gofu hewisa. Taha manõ wamakao, ohalõw̃õgõigõ halõw̃õu si mane fangombakha Turia Somuso Dõdõ andrõ, ba haogõ wangai halõw̃õu si mane enoni Lowalangi.
6 Ba sanandrõsa khõgu, no irugi inõtõnia mate ndra'o, nibe'e sumange khõ Lowalangi. Lõ ara tõ ba urõi gulidanõ andre.
7 No fao ndra'o ba watandrisa si sõkhi andrõ, ba no mukhamõ ndrege nola safuria. Lõ si farõi ndra'o irugi awai.
8 Iada'e no ibasebase'õ ndra'o buala tandra wemõna. Ba Luo Safuria, So'aya, Sanguhuku satulõ andrõ, zame'e khõgu buala andrõ, bõrõ me auri ndra'o ba gamakhaita si sõkhi khõ Lowalangi. Ba tenga ha ya'o manõ zanema dania buala andrõ, no fefu niha gõi sombalombaloi fe'aso Zo'aya andrõ si fao fehulu dõdõ.
9 Alui lala we'amõi khõgu ba wa'alio sibai,
10 bõrõ me no irõi ndra'o Dema, no i'omasi'õ gulidanõ andre. No mõi ia ba Desalonika. Kereke no mõi ba Galatia, ba Tito mõi ba Dalamatia.
11 Ha Luka zi torõi awõgu. Faondragõ Mareko ba ohe ia ba da'e, bõrõ me ya'ia zanolo ya'o ba halõw̃õgu.
12 No ufatenge Tikhiko we'amõi ba Nefeso.
13 Na so ndra'ugõ, ba ohe mbaru sebua si no urõi ba Deroa khõ Garafo. Ohe gõi zurasuragu, si ofõna zurasura nifazõkhi moroi ba garate uli.
14 Alesandro, tuka ziambu andrõ no ilau ngawalõ zi sõkhi khõgu. Ba So'aya dania zanulõni khõnia molo'õ folaunia andrõ.
15 Ba ya mangelama ndra'ugõ khõnia, bõrõ me ya'ia zolaw̃a sibai turia andrõ khõda.
16 Ba ginõtõ tesekhegõ ndra'o ba zi ofõna sibai, samõsa lõ sango'awõgõ ya'o, fefu oi moloi, larõi ndra'o. Tadõnadõna wa lõ Ibe'e mosala ira Lowalangi ba zi mane!
17 Ba So'aya zi no mango'awõgõ ya'o. Ibe'e wa'abõlõ irege tola u'ombakha'õ Duria andrõ ma'afefu, ba wamarongogõ ba niha si tenga Yahudi. Ba aefa ndra'o moroi ba de'ala fa'amate.
18 Duhu wa So'aya Yesu zangefa'õ dania ya'o moroi ba ngawalõ nilau si lõ sõkhi khõgu. Ya'ia zolohe ya'o dania ba wangorifi ba wamatõrõ-Nia andrõ ba zorugo. Ya nifolakhõmi Ia irugi zi lõ aetu! Yaduhu.
19 U'owai Wirisikila ba Akila, ba soroiyomo Gonesiforo.
20 Eraso no tarõi ba Gorindro, ba Terofimo, no urõi bakha ba wõkhõ so ia ba Miletusi.
21 Alui sibai lala we'asomõ fatua lõ baw̃a deu. Ebulo, Fudeo, Lino ba Klaudia la'owai ndra'ugõ, si manõ gõi fefu ndra talifusõ tanõ bõ'õ samati.
22 Ya So'aya zango'awõgõ ya'ugõ. Ya'Ifahowu'õ ami So'aya!
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA