Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Pade inget niki: Lẽq jelo-jelo penutuq gen araq luwẽq kesusahan.

² Manusie gen mentingang diriqne mẽsaq, ie ngutameang kẽpẽng, sombong dait belẽqan raos saq ndẽq araq manpaatne. Ie pade demen pitnah dengan, ngelawan dengan toaqne, ndẽqne tao betampi asih, dait meriq lẽq agame.

³ Ie pade ndẽq bedowẽ kasih lẽq sepade manusie, ndẽqne demen bedamẽ, ie pade girang ngelengẽ-lengẽang aran dengan lain, demen kadu kekerasan, ie pade kejem dait ndẽqne demen lẽq hal saq solah.

⁴ Ie pade girang behianat, angkuh dait ndẽqne girang bepikir bẽlo. Ie pade demenan lẽq kesenengan dunie ketimbang turut pekayunan Allah.

⁵ Timaq secare lahiriah, ie pade taat ngelaksaneang ibadah, laguq ndẽqne nerimaq kekuatan lẽman agame nike. Ndaq rapet kance dengan-dengan saq maraq nike.

⁶ Araq lẽq antare ie pade saq sampun tame tedoq-tedoq ojok balẽ-balẽ, terus gode dengan-dengan nine saq lemah saq bedowẽ luwẽq gati dose dait tekuasein siq macem-macem kemẽlẽq.

⁷ Dengan-dengan nine nike tetep melẽt teajah, laguq ndẽq uwah taoq mengenai kebenaran.

⁸ Pade maraq Yanes dait Yambres saq laẽq ngelawan Musa, maraq nike ẽndah dengan-dengan nike ngelawan kebenaran. Pikiran ie pade sẽde, dait iman ie pade ndẽq tahen uji.

⁹ Laguq ie pade ndẽq gen sayan maju, sẽngaq kebodoan ie pade gen tetaoq siq selapuq dengan, maraq saq tealamin ẽndah siq Yanes dait Yambres.

¹⁰ Laguq side sampun turut pengajahan-pengajahan tiang, kelakuan tiang, tujuan idup tiang, iman tiang, kesabaran tiang, kasih tiang dait ketabahan tiang.

¹¹ Side sampun serioq tiang teaniaye dait tiang menderite. Side nenaoq selapuq saq telaksane tipaq tiang lẽq Antiokia, lẽq Ikonium, dait lẽq Listra; dait side nenaoq selapuq penderitean saq tiang alamin! Laguq Tuhan nyelametang tiang lẽman selapuqne nike.

¹² Mule selapuq dengan saq mẽlẽ idup beribadah dait idup lẽq dalem Deside Isa Almasih gen teaniaye,

¹³ laguq dengan-dengan saq jahat dait dengan-dengan penipu gen sayan jahat. Ie pade nyesatang dengan lain, padahal ie mẽsaq tepiaq sesat ẽndah.

¹⁴ Laguq side, Timotius, side harus tetep idup lẽq dalem kebenaran saq sampun teajahang tipaq side dait saq side percaye sepenoqne, dait inget sai saq ngajah side.

¹⁵ Harus side inget bahwe lẽman side masih kodẽq side sampun kenal Kitab Suci saq bau ngicanin side pengertian jari mauq keselametan langan iman lẽq Deside Isa Almasih.

¹⁶ Selapuq saq tetulis lẽq dalem Kitab Suci, teilham siq Allah dait bemanpaat jari ngajah, jari nyatayang kesalaqan, pesolah kelakuan, dait jari didik dengan lẽq dalem kebenaran.

¹⁷ Sehingge sebilang dengan saq jari dowẽn Allah telengkapin jari ngelaksaneang sebilang pegawẽan saq solah.

2 Timotius

Video 2 Timotius 3

Ikuti Kami:

KONTAK | PARTISIPASI | DONASI