Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Timotius, kana musani, ri tempo maparamo kaupu nu dunia madea mpuu kasusa ri dunia hitu.
2 Tempo haitu madea tona aga mompotove karora mboto. Ira madoko doi, mamango, malanga rara. Ira mombatunturaka roa, bo ledo matundu nte totuara. Ledo rasanira motarima kasi, bo ledo rapeilira agama.
3 Ledo rasanira mompotove, bo ira ledo madota mosinggabelo, aga mompakadaa sanga ntona ntanina rapokonora. Ledo rapakulera mantaamaka dota nu rara mboto. Ira mpuu-mpuu masoa bo mavuu matara manggita pura-pura anu nabelo.
4 Ira aga mombaakalani roa, ledo ria rekera, bo pangulira iramo tona nataupa. Ledo rapotovera Alatala, aga kasana karora mboto rapotovera.
5 Nioseakara ada-ada agama eva tona natundu nte Alatala, tapi riara ntaira nipoarara kuasa nu Alatala anu nompakule mombabaliki rarara nadaa. Timotius, nee mpuu mosimpovega nte tona nokainggu nadaa eva haitu.
6 Sanu ira nanggeni pepatuduki ledo nakana hau ri banua ntona, bo niopara mombine-mombine nadoyo anu nadea dosara bo nikuasai mpengaya dota rara nadaa.
7 Mombine-mombine haitu nasaro nekipaguru tapi ledo nipakulera nombapaha mpuu pepatuduki nakana lako nte Alatala.
8 Tona nanggeni pepatuduki anu ledo nakana haitu pekirira nadaamo bo pomparasayara ledo nakana. Ira mpuu-mpuu nangeva pepatuduki nakana, nasimbayu eva i Yanes bo i Yambres nangeva Nabi Musa nggaulu ante pangisanira.
9 Tapi ledo rapakulera mompapola pangevara pepatuduki nakana, sabana kadoyora haitu kana malanto rasani ntodea, nasimbayu eva najadi nte i Yanes bo Yambres nggaulu.
10 Tapi, Timotius, nisanimumo yaku ledo nasimbayu eva tona pangane. Nipariaramumo pepatudukiku, nipasialamumo pokaingguku bo patuju katuvuku. Nisanimumo pomparasayaku, posabaraku, pepotoveku bo pantidamakaku riara kasusa.
11 Nipeintamu mbotomo berimba yaku naroo tempo yaku nipandasa bo nipakasusa eva najadi ri karoku ri ngata-ngata Antiokhia, Ikonium, bo Listra bara ipia. Yaku mpuu-mpuu nipandasa, tapi Tupu bate-batena nompakasalama yaku lako ri pura-pura kasusaku haitu.
12 Pura-pura tona anu madota matuvu mangoseaka dota nu Alatala bo matuvu mosangu rara ante i Yesus Kristus, tantu rapandasa.
13 Tona nadaa bo topebagiu aga mantambai kadaana. Ira mombabagiu tona ntanina bo ira muni rabagiu.
14 Tapi iko, Timotius, kana bate-batena manggangisi pepatuduki nakana anu nipegurumu bo mpuu-mpuu niparasayamu. Nisanimu tona nompaguru haitu, nipaguruna nakana ka iko.
15 Lako ri kakodimu nisanimu isi Buku Gasa, bo Buku Gasa haitumo nompakanoto raramu sampe iko namala nomparasaya i Yesus Kristus bo rapakasalama.
16 Pura-pura tesa riara Buku Gasa nitulisi ante noto lako nte Alatala mboto bo noguna mompatuduki anu nakana, mangonteaka tona nasala, mombatulungi tona mompakabelo pokainggura nadaa, bo mompatuduki tona matuvu manoa ri panggita nu Alatala.
17 Jadi Buku Gasa mompakagana pura-pura todea nu Alatala sampe rapakulera movia pura-pura pokainggu nabelo.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA