Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Toropdon in na'a: Kon singgai tumi mobayong in roriga korasa'an.
2 Intau mita dongkadon umuran momikir kong kopontingan monia tontanií. Kong gina monia in dongka bidon tantu doit, mosia mobaliídon mokaḷakuang bo mo'ibog monguboḷ, mo'ibo-ibog moningkule kon intau, momarontak kong guyanga, diaí mota'au motulií kong kopopia in intau ko'i monia bo onu inta sinunduí in agama kodoiíbií monia.
3 Diaíbií in tabi monia kon tumpaḷa intau, sahingga doiíbií mongampung kon intau inta kotaḷaí ko'i monia, bo mo'ibo-ibog mopora'atmai kon intau ibanea, bo diaí doman mokotahang kon ibog, totok doman im morogi bo soaáḷ inta mopia kodoiíbií monia.
4 Mosia diaí mosatia, mododia bo mopoḷom-poḷok in raian. Mosia tumon intau mopandoi bo ibogon monia in tongaíbií imoniabií in duduian, de'emanbií dumudui kon ibog i Allah.
5 Ko'ontongan mosia morajing mo'ibadah, ta'e onu inta pinoguman kom bonu in agama diaíbií duduian monia. Manangka intua dikabií dimiug ko'i monia tua.
6 Oyuíon ing kon sigad monia tua in sinumuotdon kom baḷo-baḷoiannya bo modondo'uḷug kom bobay mita inta diaídon kodaya bo inta nobayongdon totok in taḷaí monia sin tongaídon umuran dumudui kon ibog in awak.
7 Bobay mita tatua umuran mopo'igum simbaí tunduíon in soaáḷ mita inta mopia, ta'e diaí dodai onda momangale kon onu inta mopira nongkon i Allah.
8 Sahingga mosia tua naonda bo ki Yanes bo ki Yamres tungkuḷ intua inta umuran moḷawang ko'i Musa. Natua doman in oaíid in intau mita tatua umuran moḷawang kon totunduí inta nongkon i Allah. Raian monia tua in nogoguya'atdon bo pirisaya monia tua in diaídon tongo onu.
9 Ta'e aim bidon notantuí kom mosia tua in diaí bidon moko'ulií kon onu bo onu, sim pompuḷong monia tua ing kinota'auanbií im bayongan intau, naonda bo ki Yanes bo ki Yamres doman tungkuḷ intua.
10 Ikow aindon dinumudui kon onu inta sinunduíku, kon onu inta aim pinomiaku, bo kon tujuan kinobiaganku. Bo ain inontongmu tontanií naonda ing kopopirisayaku ko'i Yesus Kristus bo tabiku kon tumpaḷa intau. Kinota'auanmu bidon ing kososabarku bo kototahang ing ginaku.
11 Kino'ontonganmudon doman naonda ing kororiga pogutuíon naí inta kinorasa'anku kon Antiokhia, kon Ikonium bo kon Listra. Bo kinota'auanmubií im bayongan roriga inta kinorasa'anku tua! Ta'e pinosaḷamatbií i Tuhan in aku'oi nongkon bayongan tua.
12 Memang bayongan intau inta mo'ibog mosumbah ko'i Allah bo inta motobatuí i Kristus Yesus im mustibií pogutuíon.
13 Intau mita mora'at bo mongo'uboḷ kodugang-kodugangdon ing koromuí monia. Mosia umuran monguboḷ kon intau ibanea, ta'e diaíbií kinota'auan monia kom mosia tua ing kinoakaḷanbií doman in intau ibanea.
14 Ta'e ikow ule Timotius, tantubií kadai kon totunduí inta mobanar inta ain sinunduíku ko'inimu bo inta totu-totu'umudon pinirisaya. Sing kinota'auanmubií ing gurumu mita.
15 Musti umuran toroponmu makow, kon nongkon mo'itokanpamai ikow ain nonota'au kom Buk Mosuci. Bo Buk Mosuci tatua nobogoi im pongortian ko'inimu, simbaí moko'ulií kong kasaḷamatan inta pinodoyon kom pirisaya ko'i Kristus Yesus.
16 Komintan inta pinais kom Buk Mosuci inta aim pinoporoho i Allah, baragunabií totok pakeíon motunduí kon inta mobanar, bo mopoyotutui doman kon onu inta no'itaḷaí, pakeíon doman motunduí kon intau, simbaí mobiag mo'iduduidon kon inta kino ibog i Allah.
17 Takin Buk Mosuci tatua bayongan intau inta nogaid kon oaíidan i Allah sinombaḷunan in totabi ko'i monia modapot mosompurna simbaí mota'audon mogaid kom bayongan inta mopia.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA