Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Kaopuna mana namala kami nanta'amaka kalentora rara kami. Jadinipekiri kami agina aku neto'o njamba'aku ri ngata Atena

² pade sampesuwuta i Timotius rapakau mpaka ri ja'i komi. Timotiuse'i samba'a batua Alatala to nokarajaa nosanggani ante kami manggeni Kareba Belo Kristus. I'a nipakau kami mpaka ri ja'i komi ala mompakaroorara komi bo mompakaroso pomparasaya komi.

³ I'a nipakau kami mpaka ri ja'i komi ala ne'e maria nggari tatongokomi to mokanggaura momparasaya sabana nipandasa ntau. Kakonona ninjanikomi mbotomo kita kana rapandasa sabana etumo to nipakatantu Alatala kakita.

⁴ Tempo kami danaria nosanggani-nggani ante komi bopia, niuli kamimamimo kana maria tau mompandasa kita sabana kita nomparasaya i Pue Yesus. Pade ninjani komi mboto etumo to mpu'u-mpu'u najadi.

⁵ Jadi etu sampe aku nompakau i Timotius malau mpaka ri ja'i komi, ala mamala kunjani iwenumo pomparasaya komi, sabana mana namala akunanta'amaka kalentora raraku nompekiri komi. Nakini raraku ne'e-ne'ekomi namala radagi Magau nu Seta ante pesoba-pesobana sampe mana riaasele nggari katiti nu ini kami nanggeni Kareba Belo ka komi.

⁶ Tapi we'i-we'i natinggulimo i Timotius ri ja'i kami ri se'i, padenitesana ka kami kareba to nompakadamba rara kami. Niulina, "To Tesalonika naroso pomparasaya ira, bo ira nosipotowe samba'a bo samba'a. Ira bate-batena nantora kita ante nadamba rara pade ira nalentoramanggita kita nasimbayu ewa kita nalentora manggita ira."

⁷ Sampesuwu-sampesuwu to nipotoweku, nangepe kareba to nitesa i Timotius etu, nawoemo rara kami. Naupa kami nasusa bo nipandasa ntau, nawoemo rara kami nangepe komi batena naroo nomparasaya.

⁸ Jadi we'i-we'i naroso balimo rara kami sabana komi naroonomparasaya i Pue.

⁹ Tempo kami nosambaya ka komi ri ja'i Pue Alatalata, nadamba mpu'urara kami. Ewa da'a ria tesa to nagana manguli tarima kasi kami ka I'anggari kadamba nu rara kami nantora komi.

¹⁰ Eo wengi kami merapi ka Alatala ante mpu'u-mpu'u rara ala kamimamala malau manggita komi pade mompakagana nuapa-nuapa to nakura ripomparasaya komi.

¹¹ Perapi Umata Pue Alatala mboto bo Pueta Yesus mombabukajala ka kami ala mosirata bali ante komi.

¹² Perapi Pue manggeni komi mantambai mosipotowe samba'a bo samba'abo mpu'u-mpu'u mompotowe pura-pura tau, nasimbayu ewa kami mpu'u-mpu'unompotowe komi.

¹³ Perapi Pue mompakaroso pomparasaya komi sampe komi majadi magasabo manoa ri ngayo Umata Pue Alatala tempo Pueta Yesus maratabali ri dunia nosanggani ante pura-pura topantuki I'a to nagasana.

1 Tesalonika

Video 1 Tesalonika 3

Ikuti Kami:

KONTAK | PARTISIPASI | DONASI