Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Hadia, lõ tola ulau hadia ia? Hadia, tenga sinenge ndra'o? Hadia lõ irai u'ila Yesu So'aya ya'ita? Hadia tenga bua halõw̃õgu ami khõ Lowalangi?
2 Hew̃a'ae lõ la'akui sinenge ndra'o niha bõ'õ, ba si lõ'õlõ'õnia mi'akui da'õ! Ya'ami ba wa'aniha Kerisomi, no sangoroma wa sinenge ndra'o.
3 Na lakata'õ ndra'o niha, ba umane wanema li:
4 Hadia tebai utema gõ awõ nibadu bõrõ halõw̃õgu?
5 Hadia tebai u'ohe wo'omogu Niha Keriso awõgu ba wofanõgu, si mane nilau ndra talifusõ Zo'aya Yesu, awõ ndra sinenge tanõ bõ'õ, ba he Fetero?
6 Ma zui ha ya'o ba Baranaba zi lõ tola lõ mangalui samõsa balazoma?
7 Lõ hadõi saradadu sangalui soguna khõnia samõsa ba gotalua ngawawa zi fasuwõ! Lõ hadõi sananõ agu ba mbenuania si lõ manga bua nagu moroi ba kabu andrõ! Lõ hadõi kubalo sondrorogõ biribiri, si lõ mamadu susu mbiribiri andrõ.
8 Tenga ha so'amakhaita ba zi falukha sero ma'õkhõ niw̃a'õgu andre, hiza Buku Ni'amoni'õ zangombakha da'õ gõi.
9 No tesura ba Mbuku Moze, "Bõi mubõbõ mbawa zaw̃i samõbõrõ fakhe." Hadia, saw̃i ni'osisi'õ Lowalangi?
10 Ma zui khõda Iw̃a'õ da'õ? No khõda musura da'õ. Niha sohalõw̃õ ba nowi awõ niha sangehao fakhe, manõtõna ira wa tola latema õsa mbua wohalõw̃õra.
11 No mafazaewe danõmõ fa'alowalangi bakha ba wa'aurimi. Ba na mabasi mbuala soguna ba mboto moroi khõmi, hadia no ma'andrõ zi tõra moroi khõmi?
12 Na tola latõtõna niha bõ'õ zi mane moroi khõmi, hadia tenga ya'aga zabõlõ faudu manema ya'ia? Ba hiza lõ ni'oguna'õgu sinema andrõ. Abõlõ sõkhi utaõgõ fefu hadia ia moroi na alua zi tobali ba'aba'a ba wamazaewe Turia Somuso Dõdõ sanandrõsa khõ Keriso.
13 Tatu no mi'ila wa sohalõw̃õ ba Nomo Lowalangi lasõndra gõra moroi ba Nomo Lowalangi andrõ. Ba sangehao nahia wame'e sumange, latema õsa moroi ba zumange nibe'e ba da'õ.
14 Si manõ gõi wa no Ihonogõi So'aya wa latema mbalazora sangombakha Turia Somuso Dõdõ moroi ba wangombakhara andrõ.
15 Ba hiza ma'ifu lõ irai u'oguna'õ zinema andrõ. Ba usura gõi zura andre tenga ena'õ labe'e khõgu da'õ iada'e. Abõlõ sõkhi mate ndra'o moroi na taya khõgu mbõrõ gomusola dõdõgu.
16 Na ha ba wangombakha Turia Somuso Dõdõ soroi Lowalangi, lõ enahõi na usunosuno ndra'o, bõrõ me no halõw̃õgu da'õ nifaretakõ Lowalangi. Alai ndra'o, na lõ u'ombakha'õ Duria Somuso Dõdõ andrõ!
17 Na u'ohalõwõgõigõ halõw̃õ andrõ ba nilau dõdõgu manõ, ba tola manõtõna dõdõgu ba wanema luo. Ba hiza u'ombakha'õ Duria Somuso Dõdõ andrõ bõrõ me si lõ tola lõ u'ohalõwõgõigõ ia. Ibe'e noro dõdõgu Lowalangi wamalua halõw̃õ da'õ.
18 Na si manõ, hadia luogu? Da'e luo andrõ: Tola u'ombakha'õ Duria Somuso Dõdõ andrõ ba lõ ubusi dõdõ niha wangasogõ balazogu, bõrõ me lõ u'andrõ sibai zinangea sinemagu ba wangombakha Turia Somuso Dõdõ andrõ.
19 Tenga sawuyu niha ndra'odo, lõ bõbõgu. Ba hew̃a'ae si manõ, no ubali'õ sawuyu niha sato ndra'o. Ulau da'õ ena'õ tola ato udõnisi niha khõ Keriso.
20 Ba niha Yahudi, ubali'õ ndra'o hulõ niha Yahudi, ena'õ tola u'ohe niha Yahudi khõ Keriso. Ba niha solo'õ oroisa Lowalangi nifa'ema Moze, ubali'õ ndra'o hulõ zi no tofesu ba goroisa andrõ, hew̃a'ae sindruhunia lõ si tofesu ndra'o khõnia. Ulau da'õ ena'õ tola u'ohe ira khõ Keriso.
21 Ba niha soi bõ'õ si tenga niha Yahudi, ba hulõ soi bõ'õ si tenga niha Yahudi ndra'o, sauri baero goroisa Lowalangi nifa'ema Moze. Ulau da'õ ena'õ tola u'ohe niha soi bõ'õ andrõ khõ Keriso. Ba hiza, tenga da'õ geluaha wa no lõ u'o'õ goroisa Lowalangi; no na'i nifatõrõ goroisa Keriso ndra'o.
22 Ba gotalua niha si lõ aro fa'afaduhu dõdõ, hulõ zi lõ aro fa'afaduhu dõdõ gõi ndra'o ena'õ tola u'ohe ira khõ Keriso. Tobali, ubali'õdo gofu hadia ia ba niha fefu, ena'õ tola u'orifi ira õsa, gofu hadia ia lala nitõrõ.
23 Ulau da'õ fefu bõrõ Duria Somuso Dõdõ soroi Lowalangi andrõ, ba ena'õ gõi tefahowu'õ ndra'o.
24 Tatu no aboto ba dõdõmi, wa ba watandrisa fagohi, tola fagohi fefu niha, ba hiza ha samõsa zanema buala. Bõrõ da'õ mi'abõlõgõ wagohisa ena'õ mitema mbuala.
25 Fefu niha si so barõ wamahaõ, moguna lataha dõdõra ba ngawalõ fefu hadia ia. Fefu da'õ moguna bõrõ me omasi ia na mube'e ba mbaginia mbunga wemõna, ya'ia mbunga salio aleu. Ba hiza, tataha dõdõda ba ngawalõ fefu hadia ia bõrõ me omasi ita na tebe'e ba mbagida mbunga si lõ aleu dania.
26 Da'õ mbõrõ wa fagohi ndra'o bõrõ me so gohitõ dõdõgu. Hulõ zi fatandri tezu, lõ ulau dezugu ba dalu mbanua.
27 Utehegõ tefangamõi mbotogu irege tola ufatõrõ ia. Ulau zi manõ bõrõ me lõ omasi ndra'o na no aefa ukaoni niha fao ba watandrisa tõla andrõ, tobali si lõ guna ndra'o.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA