Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Aku'oi na'a intaubií nobebas, rasul i Tuhan inta ain noko'ontong ko'i Yesus, Tuhan naton, bo inta nopoyaput in Habar Mopia ko'i monimu sahingga in nopirisayadon ko'i Tuhan i mo'ikow.
2 Umpakah intau ibanea diaí mopirisaya kon aku'oi in rasul, ta'e mo'ikow in nopirisayabií. Sim buktinya mo'ikow nobaliídon intau Keresten.
3 Aka diaí pirisaya'an monia kon rasul in aku'oi, yo nana'a im potubagku:
4 Degaí diaí mota'au ing kami moka'an ande monginum kon onu inta no'uliíku nongkon pinogaidan tana'a?
5 Eta degaí diaí mota'au in aku'oi modia ko'i buḷoiku inta mopirisaya ko'i Kristus saḷaku takinku kom baya-baya'an makow, naí inta inaidan i utat mita i Tuhan Yesus bo i rasul mita ibanea naí tai Petrus?
6 Andeka degaí tongaí ki Barnabas bo aku'oi im musti motayak kong ka'anon tontanií?
7 Diaíbií in tontara mayak moparang bo umongkos tontanií. Bo diaíbií doman im monononggobaí inta nomuḷa kon anggur ta'e diaí mosipuí kom bungainya. Bo diaíbií doman intau inta nomiag kon domba bo diaí monginum kon susu nongkon domba inta piniaranya tua!
8 Bo onu im pogumanku tana'a, de'emanbií tongaí ibo-ibog, sin singogku na'a in aim bidon pinais kom buk i Musa.
9 Kom buk i Musa pinais nana'a, "Dona'aibií pomponan monimu bibig in sapi inta koyogot moritak kong gandum sim moripu' kom batoḷnya." Eta degaí sapibií tatua in umuran tarukira'an makow i Allah?
10 Andeka tua pinopomakusudbií ko'i naton? O'o totu'ubií intua kom pinais baí kobaca'an naton. Sin intau inta nogaid kong gobaí bo inta nondarit kong gandumnya tumpaḷabií mo'ibog motarima kom boli inaidannya tatua.
11 Kami ain nopota'au ko'i monimu in Habar Mopia nongkon i Tuhan. Tuamai kami noko'ulií kom barakat moaíntoí nongkon i monimu. Yo degaí no'iliudon antoíinigum nami ko'i monimu?
12 Ka intaupa ibanea im mota'au mo'igum kon onukadon ko'i monimu, yo apalagi kami na'a, ta'e doiíbií aku'oi. Manikah bo tanggungonkudon tontanií in yagi-yagi daripada oyuíon im mobalií ḷabot kom popoyaputanku in Habar Mopia soaáḷ ki Kristus.
13 Kinota'auanbií monimu kon intau inta mogaid kom bonu im Baḷoi i Allah, motarimabií im mosia kong ka'anon kom bonu im Baḷoi i Allah doman tatua. Bo intau inta monompiamai kon tampat pororata'an kong kurban sosumbah, moko'uliíbií doman in sia kon silainya nongkon kurban inta pinosumbah tatua.
14 Naí doman tua, aim bidon sinantuí i Tuhan kon intau inta mopoyaput in Habar Mopia nongkon i Tuhan, musti moko'ulií kom barakat nongkon oaíidannya tatua.
15 Ta'e aku'oi in doiíbií. Bo aku'oi in nomais kon surat tana'a de'emanbií makusud simbaí pomia'an monimu natua in aku'oi. Sin aka ko'i nakoí, yo manikabií matoi in aku'oi dika ing kobulian onu inta totok ing kino sanang ing ginaku.
16 Sin aku'oi mopoyaput in Habar Mopia, de'emanbií tongaí mokiko'ontong kon intau. Ta'e ki Allahbií in nopotabaí ko'i nakoí. Tuamai baradosa'anbií in aku'oi aka diaí popoyaputku in Habar Mopia tatua!
17 Aka kuma bo tongaíbií ibogku tontanií im mogaid kon oaíidan tatua, yo tantuí mogoḷatbií makow in aku'oi kom boli in oaíidanku tatua. Ta'e na'a bo parentahbií i Allah, daí mustibií aidanku.
18 Daí aka natua yo onu im mo'uliíku? Na'a im mo'uliíku: aku'oi mota'au mopoyaput in Habar Mopia bo diaíbií mokoyoyiga kon intau im mogongkos sin diaíbií in aku'oi mo'igum kon rupa-rupa.
19 Aku'oi na'a in de'emanbií totabaí in tumpaḷa intau, ta'e no'ibogbií in aku'oi nobalií ata ko'i monimu komintan, simbaí moaíntoí intau mopirisaya ko'i Kristus.
20 Aka kon tayowon intau mita in Yahudi, yo aku'oi in naí bií doman onda bo intau in Yahudi, simbaí mo'idudui ko'i nakoí im mosia. Bo aka kon tayowon i intau mita inta nokadai kon hukum i Musa, aku'oi in naí bií doman onda bo mosia, umpakah sabanarnya de'emanbií natua. Tua komintan inaidanku simbaí mo'idudui ko'inakoí im mosia bo mobaliídon komintan dumodudui i Kristus.
21 Aka kon tayowon intau mita inta de'eman Yahudi, aku'oi in naí bií doman onda bo mosia, inta diaí motoindudui kon hukum i Musa. Tua komintan inaidanku simbaí mo'idudui ko'inakoí im mosia bo mobalií komintan dumodudui i Kristus. Ta'e de'emanbií makusudku moḷawang ko'i Allah; sim parentahbií mita i Kristus in nongawasa ko'inakoí.
22 Aka kon yuaík i intau mita inta diaípa noguyang im pirisaya, yo aku'oi in naí bií doman onda bo mosia, simbaí mo'idudui ko'inakoí im mosia bo mobalií komintan dumodudui i Kristus. Simpodon makow kon singog, norupa-rupamaidon in akaḷ inaidanku kon yuaík im bayongan intau simbaí oyuíon im mopirisaya ko'i Kristus bo posaḷamaton.
23 Tongaíbií baí mo'iyaput in Habar Mopia nongkon i Allah kom bayongan intau, daí inaidanku intua komintan, simbaí mo'itakin doman moko'ulií kom barakat in aku'oi.
24 Kinota'auanbií monimu kon aka kom pertandingan, yo bayongan mototanding komintanbií moribatuk, ta'e tongaíbií tobatuí im moko'ulií kon hadiah. Tuamai kolikat totok im moribatuk simbaí mo'ikow im moko'ulií kon hadiah tatua.
25 Pomuḷoi intau inta mobasadia tumakin kom pertandingan, musti monahang kon yagi-yagi, simbaí moko'ulií kon hadiah inta diaí mononoi kon dunia na'a, ta'e kita im monahang kon yagi-yagi simbaí moko'ulií kon hadiah inta mononoi.
26 Tuamai moribatuk in aku'oi, ta'e oyuíonbií in tujuanku notantuí. Naonda bo kom pertandingan tinju, diaíbií in aku'oi tongaí kino koyu-koyungkumea.
27 Ta'e aim bidon muna ilatihku in awakku bo nodaitku bidon kinuasa. Simbaí aka aku'oi modia kon intau tumakin kom pertandingan tatua, yo aku'oi in tantuíbií doman tarima'an.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA