Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Wali a’i-a’i, re’e to aku rani mampotanaka. Etu semo, kesaa sabanya naka pei re’e tau ri oyo ngkomi to maja’a kojo rayanya samba’a pei samba’a see naka sira matingka? Saba yako pamporani ndaya ngkomi to maja’a semo. Wali pamporani ndaya ngkomi to maja’a etu raporapaka ewa masimusu apa samparia komi paka rani mangaluluka yau pamporani ndaya ngkomi samba’a pei samba’a.
2 Pasi komi maja’a raya see naka komi matingka apa re’e to nuporani ngkomi, pei komi taa maya mangarata anu to nuporani ngkomi etu. Wali apa saba komi rani kojo anu to taa nurata ngkomi etu, see naka nempo mampopate sa’e komi mangika see maya mangarata anu to nuporani ngkomi etu. Wali ewa wetu nuika ngkomi. Pei kamonsonya sabanya naka pei komi tare to nuporani ngkomi apa komi taa mamporapi resi i Pue Allah.
3 Pei nempo komi mamporapi resi i Pue Allah, pei komi tiroo taa mangarata apa songka komi, komi rani mangampake ojo mampakasanang pamporani ndaya ngkomi to maja’a.
4 Wali gete komi! Komi maya raporapaka ewa tau to masala, apa komi i Pue Allah puenya pei komi mamporayang wo’u lino si’i. Wimba, komi bara taa nunsani ane tau masingkatao pei anu to re’e ri lino si’i to mangewa i Pue Allah, batuanginya ia mangewa seja i Pue Allah? Wali tau to rani masingkatao pei anu to mangewa i Pue Allah ri lino si’i, tau etu mawali bali i mPue Allah.
5 Wali wimba, komi bara re’e mampobuuka tare batuanginya anu to nato’o i mPue Allah mangkonong palaong to etu? Kamonsonya raya ngkita boros kojo pamporani to maja’a see naka mawali kaloo.
6 Pei pansawang to nawaika i mPue Allah kita yako ri kanotoNya, pansawang etu semo to roso-roso pei pamporani ngkita to maja’a etu. See naka tuntu i mPue Allah manganto’o, “I Pue Allah mangewa tau to mangei, pei Ia mangansawang tau to taa mangei.” Ewa wetu nato’o ntuntu i mPue Allah. Wali ne’e kita mangei see kita maya nasawang i mPue Allah naka ne’e mangalulu yau pamporani ndayanta to maja’a.
7 Wali luluka songka i mPue Allah. Pei ewa i Kepala nto pantipu apa ane komi mangewa ia, ia damiyai yako resi komi.
8 Pasi pakamosu resi i Pue Allah, apa ane komi mampakamosu resi i Pue Allah, Ia damampakamosu resi komi. Pasi komi to mangika palaong to madosa, pakayongo lengko ngkomi, ewa tau to makarika palenya matao ane mamue. Pasi komi to dua-dua rayamu mangkonong pangaya ngkomi, pakayongo raya ngkomi etu.
9 To taotao komi masusa kojo raya ngkomi mampobuuka dosa ngkomi. Pakamawo raya ngkomi pasi tumangi. Pandooka magele pei to tao-tao ane ojo tumangi. Pasi biakamo kandende ndaya ngkomi mawali yau kamawo ndaya.
10 Ne’e mabae-bae raya ngkomi ri tango i mPue. Apa ane kita taa mabae-bae raya ngkita Ia damampakabae angga ngkita.
11 Wali a’i-a’i, ne’e komi masito’o maja’a samba’a pei samba’a. Apa ane komi manto’o maja’a a’imu to samba’a pangaya, bara mampakasala ia, batuanginya komi mangewa porenta i mPue Allah, apa sewaju ewa manganto’o nempo taa mampalaika porenta etu, taa mawei. Pasi ane komi manto’o maja’a a’imu to samba’a pangaya, komi ewa mangokotaka koro ngkomi damawali ewa to pobotus nsira. Apa komi mampobuuka ojo komi semo to mangansani batuanginya porenta etu, pasi komi manto’o maja’a tau to taa singkonong pei komi. Pei kamonsonya si’a komi to masipato mangabotus sa’e.
12 Ojo i Pue Allah semo to masipato mangawaika kita porenta. Pasi ojo Ia to pobotus to re’e kuasa mampalaes bara mampakaja’aka yau to lino. Wali gete! Taa masipato komi mangabotus yunu ngkomi.
13 Wali padongeka! Bara re’e komi to manganto’o, “Bara seo si’i bara nile kami dayau njo’u kota etu panewa maroo-roo nja’u ria santo’u kasaenya. Pasi ri rayanya to’u etu kami damangoli ngaya-ngaya panewa damampobalu see tidugang kasugi mami.” Wali komi to manganto’o ewa wetu, padongeka paposiangku si’i.
14 To tao-tao komi ne’e manganto’o ewa wetu apa kamonsonya komi taa mangansani palaong to damawali resi komi nile. Apa katuwu ngkita ri lino si’i taa singkasaenya. Katuwu ngkita etu maya raporapaka ewa limu, apa limu ojo sangkodija rapongkita roo see wowas yau muni.
15 Wali to taotao komi manganto’o ewa si’i, rato’o, “Ane nawai i mPue, kami tiroo tuwu pasi damangika palaong to si’i bara palaong to etu.” Wali ewa wetu to tao-tao komi manganto’o.
16 Pei ane gombo ngkomi ewa gombo to rato’o ngena etu, ane ewa wetu komi mangei pasi tabaro. Pasi samparia gombo to tabaro ewa wetu paka maja’a kojo.
17 Wali i sema-sema tau to manasanya palaong to matao to daraika, pei ia taa mangika palaong to etu, batuanginya ia mangika dosa.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA