Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Lẽman mbẽ asalne selapuq pesiaqan dait pegejuhan lẽq antare side? Tekan nike dateng lẽman hawe napsu side saq saling bejuang lẽq dalem awakde?

² Side pade bedowẽ kemẽlẽq, laguq ndẽq mauq napi saq jari kemẽlẽqde nike, terus side pade nyematẽq! Side pade talon atẽ, laguq side pade ẽndah ndẽq mauq napi saq side pade boyaq, terus side pade betungkasan dait besiaq. Side pade ndẽq mauq napi-napi lantaran side pade ndẽq bedo'e.

³ Dait timaq side pade sampun bedo'e, side pade ndẽq nerimaq, sẽngaq side pade salaq bedo'e, sẽngaq napi saq side pade tunas nike gen side pade bisang jari muasang hawe napsunde.

⁴ Side pade dengan saq ndẽq setie! Napi side pade nenaoq bahwe lamun side pade bebatur kance dunie, make side pade jari musuh Allah? Jari, sai-sai saq mẽlẽ jari sahabat dunie niki, ie jariang diriqne musuh Allah.

⁵ Ndaq paran bahwe Kitab Suci ndẽq bedowẽ alasan nyatayang, "Roh saq tetoloq siq Allah lẽq dalem diriqte, nike roh saq keras kemẽlẽqne."

⁶ Timaq maraq nike, rahmat Allah saq teicanin tipaq ite kuatan tebanding kemẽlẽq rohte nike. Keranaq nike lẽq dalem Kitab Suci tetulis ẽndah, "Allah nentang dengan saq sombong, laguq sebalikne Ie ngasihin dengan saq rendah atẽ."

⁷ Keranaq nike, pade tunduk lẽq Allah dait pade lawan Belis, make Belis gen pelai lẽman side pade.

⁸ Rapetang diriqde lẽq Allah, dait Allah ẽndah gen ngerapetin side pade. Persiq imende, side pade saq bedose! Dait suciang atẽnde, side pade saq due angen!

⁹ Pade sadar lẽq sengsarende, bedukecite dait nangis ẽroq asẽq; kerẽrẽqande harus berobah jari tangisan, dait sukecitende jari dukecite!

¹⁰ Pade rendahang diriq lẽq arepan Tuhan, make Tuhan gen ninggiang side pade.

¹¹ Semeton senamian, ndaq saling pitnah. Dengan saq pitnah semetonne, ie ngewade hukum dait ngadilin ie. Dait lamun side pade ngadilin hukum, nike artine side pade ndẽq taat lẽq hukum-hukum nike, laguq jari hakimne.

¹² Padahal cume sopoq saq berhak miaq hukum tipaq manusie dait ngadilin manusie, nike Allah saq bekuase nyelametang dait binaseang. Jari, sai setetune side sehingge side mẽlẽ ngadilin sepade manusie?

¹³ Semeton-semeton saq bebase, "Jelo niki atao lẽmaq tiang pade gen lumbar ojok sopoq kote, dait ndot lẽq derike setaun ngonẽqne bedagang dait boyaq kẽpẽng."

¹⁴ Padahal napi saq gen telaksane lẽq kehidupande lẽmaq, side mẽsaq ẽndah ndẽq gen nenaoq! Idup side pade cume maraq pendet saq penggitan seberaq doang, beterus telang.

¹⁵ Seharusne side pade bebase maraq niki, "Lamun Tuhan ngijinang, tiang pade gen idup dait ngelaksaneang hal saq maraq niki atao hal saq maraq nike."

¹⁶ Laguq mangkin side pade banggeang diriq lẽq dalem kesombongande, selapuq kesombongan saq maraq nike salaq.

¹⁷ Keranaq nike, dengan saq nenaoq napi saq solah saq harus ie laksaneang laguq ndẽqne laksaneang, dengan nike bedose.

Yakobus

Video Yakobus 4

Ikuti Kami:

KONTAK | PARTISIPASI | DONASI