Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 "Ba mala'ika mbanua ba Nefeso, õmane wanura: Da'e goroisa zololohe dõfi si fitu ba danga-Nia kambõlõ, ba sowaõwaõ ba gotalua naha wandru ana'a si fitu andrõ.
2 U'ila hadia nilaumi; abõlõ sibai ami wohalõw̃õ ba ebolo dõdõmi. U'ila wa lõ edõna mibe'e dõdõmi ba niha si lõ sõkhi. Ba ba niha sanguma'õ sinenge ira, ba sindruhunia tenga, no mitandraigõ, ba no misõndra wa solau faya ira.
3 Mitaha dõdõmi ba mitaõgõ wamakao bõrõ Ndra'o, ba lõ aetu dõtõnafõmi.
4 Ba hiza, da'e zi fatuwu Ndra'o ba khõmi: Lõ sa'ae mi'omasi'õ Ndra'o si mane ba mbõrõta.
5 Bõrõ da'õ, mitõngõni wa no abakha wa'alaumi! Mifalalini gera'erami ba horõmi, ba mifalua hadia zi no milau ba mbõrõta. Na lõ õ'o'õ da'õ, ba tohare Ndra'o, ba utuli'õ naha wandru andrõ khõmi ba nahania.
6 Hew̃a'ae si manõ, ba so sambalõ zi sõkhi ba khõmi; ya'ia da'õ: No mi'ogorofi wolau zolo'õ Nikola'iti andrõ, ni'ogorofi-Gu gõi.
7 Haniha zi tola mamondrongo, ba ya mube'e ba dõdõnia hadia niw̃a'õ Geheha Lowalangi ba mbanua Niha Keriso andrõ! Haniha zi mõna, Utehegõ i'a mbua geu fangorifi, si tumbu ba Kabu andrõ khõ Lowalangi."
8 "Ba mala'ika mbanua ba Zimina, õmane wanura: Da'e goroisa si otarai khõ-Nia, si fõfõna ba safuria -- si no mate ba si no ifuli auri.
9 No U'ila ngawalõ gabula dõdõmi; no U'ila numana ami -- ba sindruhunia no fahõna khõmi! U'ila wa'afõkhõ dõdõ nibõbõgõ khõmi moroi ba zanguma'õ niha Yahudi ira, ba sindruhunia sa tenga; ono mbanua Gafõkha ira!
10 Bõi mi'ata'ufi wamakao andrõ si gõna ami dania ba zi lõ ara tõ. Hiza, ibe'e ba gurunga õsa ami Afõkha ba wanandraigõ ya'ami. Tefakao ami dania fulu ngaluo wa'ara. Bõi farõi ami khõ-Gu irugi wa'amate, ba Ube'e khõmi wa'auri sindruhu, takula wemõna.
11 Haniha zi tola mamondrongo, ya mube'e ba dõdõnia hadia niw̃a'õ Geheha Lowalangi ba mbanua Niha Keriso andrõ! Haniha zi mõna, tebai manõ i'alani ia fa'amate si mendrua andrõ."
12 "Ba mala'ika mbanua ba Weregamo, õmane wanura: Da'e ni'oroi'õ zolohe gari satarõ si faoma bawa andrõ.
13 U'ila heza so nahau. Ba zi so dadaoma Gafõkha andrõ. Lõ farõi ami khõ-Gu. Ba ginõtõ Atifasi na'i, samaduhu'õ andrõ khõ-Gu si lõ farõi, nibunu ba gotaluami, ba naha gangowuloa Gafõkha, ba ginõtõ da'õ lõ mi'osilõ'õgõ wa mamati ami khõ-Gu.
14 Hew̃a'ae si manõ ba so ma'ifu zi lõ omasi-Do ba khõmi: Me so ba gotaluami zolo'õ famahaõ Mbileamo. Ifahaõ Bileamo Mbalaki ba wondrõnisi niha Gizera'eli ba horõ; lafarou wemanga fõfõ gõ nadu ba ba wohorõ.
15 Si manõ gõi wa so ba gotaluami niha solohe famahaõ zolo'õ khõ Nikola'iti.
16 Bõrõ da'õ, mifalalini gera'erami! Ba na lõ õlau da'õ, ba ba zi lõ ara tõ so Ndra'o dania khõmi ba Usuwõ niha andrõ faoma gari si so ba mbawa-Gu.
17 Haniha zi tola mamondrongo, ba ya itõngõni hadia ia niw̃a'õ Geheha Lowalangi ba mbanua Niha Keriso andrõ! Ya'ira si mõna, ba Utehegõ dania la'a mana si tobini andrõ, ba latema moroi khõ-Gu zamõsana sambua gara safusi. Ba gara da'õ tesura sambua dõi si bohou, si lõ i'ila haniha ia gõi, baero niha sanema ya'ia."
18 "Ba mala'ika mbanua ba Diatira, õmane wanura: Da'e niw̃a'õ Nono Lowalangi, si holahola hõrõ mane alitõ, ba si so ahe si mane tambaga nitunu.
19 U'ila fefu hadia nilaumi -- U'ila wa'omasimi -- lõ farõi ami, mohalõw̃õ ami, ba mitaõgõ wamakao. U'ila wa abõlõ terou dõdõmi wohalõw̃õ moroi ba zi fõfõna.
20 Ba hiza, da'e zi lõ omasi-Do khõmi: No mibe'e dõdõmi khõ Gizebela, ira alawe sanguma'õ enoni Lowalangi ia. No ato genoni-Gu nilimonia ba ifahaõ ba wohorõ ba ba wemanga wõfõ gõ nibe'e ba nadu.
21 No Ube'e khõnia ginõtõ ena'õ ifalalini gera'erania moroi ba horõnia, ba hiza lõ omasi ia ibõhõli wamalua fohorõ andrõ.
22 Hiza! U'olobigõ ia tou ba zalo irege afõkhõ khõnia. Ba daõ itaõgõ wa'afõkhõ sabõlõbõlõ awõ niha sohorõni ya'ia andrõ. Fefu da'õ Ufalua iada'e, atõ na labõhõli wamalua si lõ sõkhi andrõ.
23 Solo'õ ya'ia ba Ubunu gõi, ena'õ oi aboto ba dõdõ mbanua Niha Keriso, wa Ya'o zangi'ila era'era ba tõdõ niha. Fefu ami, Usulõni khõmi molo'õ nilau zamõsana.
24 Ba ya'ami tanõ bõ'õ ba Diatira, bõi mi'o'õ wamahaõ si lõ sõkhi andrõ, ba bõi mifahaõ ami ba gelemu Zatana andrõ. Uw̃a'õ khõmi wa lõ Unõnõ khõmi noro sanambuasi.
25 Ba hiza, na irugi inõtõ we'aso-Gu dania, ba bõi mifamalõmalõ wolo'õ hadia zi no mi'okhõgõ.
26 Haniha zi mõna, ba solo'õ somasi dõdõ-Gu irugi zi lõ aetu, Ube'e khõnia wa'abõlõ si mane nitema-Gu khõ Nama-Gu. Latema wa'abõlõ moroi khõ-Gu ba wamatõrõ fefu soi, faoma si'o si'õli, ba ba wamufu soi andrõ si mane bowoa tanõ.
27 (2:26)
28 Latema dania madala moroi khõ-Gu.
29 Haniha zi tola mamondrongo, ya mube'e ba dõdõnia niw̃a'õ Geheha Lowalangi ba mbanua Niha Keriso andrõ!"
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA