Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Bõrõ da'õ ya'ami ira talifusõ, haniha ami wa mihuku niha bõ'õ? Ma'ifu tebai mibu'a ba hulumi! Bõrõ na mihuku niha bõ'õ ba no mihuku ami samõsa, bõrõ me no milau samõsa gõi zi mane da'õ.
2 No ta'ila wa na Ibe'e wanguhuku Lowalangi ba niha solau si manõ, fanguhuku satulõ wanguhuku-Nia.
3 Ba hiza, milau samõsa gõi gamuata si mane ni'angadugõmi ba niha tanõ bõ'õ andrõ! Ba hadia, miwalinga tola aefa ami moroi ba wanguhuku Lowalangi andrõ?
4 Ma zui mi'aohasi ba dõdõ wa'ebua dõdõ ba fa'asõkhi dõdõ awõ wa'ebolo dõdõ Lowalangi sebua andrõ? No aboto ba dõdõmi wa no Iforoma'õ wa'asõkhi dõdõ-Nia Lowalangi bõrõ me omasi Ia na mifalalini gera'erami ba mirõi horõmi andrõ.
5 Ba hiza sabe'e hõgõ ami ba lõ edõna miwu'ai gamuatami. Bõrõ da'õ ya'ami samõsa zangabua'õ hukumami ba Luo Safuria, na Ibe'e gangetula-Nia Lowalangi ba I'etu'õ wanguhuku.
6 Isulõni Lowalangi ba niha molo'õ amuatania.
7 Ibe'e wa'auri sindruhundruhu ba niha sanau õlõ wolau si sõkhi, sangalui solakhõmi, soadu ba si lõ aetu.
8 Ba ba niha sama'ua manõ khõnia faya'osa ba si lõ molo'õ khõ Lowalangi, solo'õ si lõ sõkhi, ba si gõna fõnu Lowalangi dania.
9 Dozi niha solau si lõ sõkhi ba si gõna famakao ba fa'abu dõdõ; si fõfõna niha Yahudi, ba si manõ gõi soi tanõ bõ'õ.
10 Ba fefu niha samalua si sõkhi Ibe'e khõra lakhõmi Lowalangi, sumange ba fa'ohahau dõdõ; si fõfõna ba niha Yahudi, ba si manõ gõi ba soi tanõ bõ'õ.
11 Bõrõ me no fagõlõgõlõ wolau Lowalangi ba niha fefu.
12 Niha soi bõ'õ, lalau horõ ba zi lõ aboto ba dõdõra huku agama niha Yahudi. Bõrõ da'õ, tehuku ira, tenga molo'õ huku agama andrõ. Ba hiza niha Yahudi si no aboto ba dõdõ huku andrõ ba lafalua horõ; andrõ tebe'e huku khõra sodanedane ba huku da'õ.
13 Na te'atulõ'õ niha mangawuli khõ Lowalangi, tenga bõrõ me no aboto ba dõdõ niha huku agama Yahudi andrõ, hiza i bõrõ me ifalua hadia niw̃a'õ huku andrõ.
14 Lõ la'ila soi bõ'õ huku agama niha Yahudi. Ba hiza na nilau dõdõra samõsa lafalua niw̃a'õ ba goroisa andrõ, tõdõra samõsa zanguhuku ya'ira, hew̃a'ae lõ aboto ba dõdõra huku agama niha Yahudi.
15 Amuatara zangoroma wa no tesura ba dõdõra goroisa andrõ. Tõdõra zamaduhu'õ da'õ; bõrõ me itaria isalaikõ ira era'era dõdõra ba itaria atulõ ira gõi ibe'e.
16 Si manõ gõi dania zalua ba ginõtõ si no muhonogõi andrõ. Ba ngaluo da'õ -- molo'õ Turia Somuso Dõdõ ni'ombakha'õgu -- Ihuku dõdõ si tobini awõ gera'era niha dania Lowalangi ba khõ Yesu Keriso.
17 Ba iada'e hewisa ami ya'ami ira talifusõ? Niha Yahudi ami miw̃a'õ. Manõtõna ami ba huku agama Yahudi ba misuno ami bõrõ gamakhaitami khõ Lowalangi.
18 Tetuturu lala khõmi moroi ba huku andrõ irege aboto ba dõdõmi zomasi Lowalangi ba tola mihonogõi heza zi sõkhi.
19 Aro dõdõmi wa sondrõnia'õ sau'a ami ba same'e haga ba niha si so ba zogõmigõmi.
20 Samahaõ niha si lõ ngaroro ami ba samahaõ niha si bodo. Aro dõdõmi wa ba huku agama niha Yahudi misõndra fefu wa'atuatua awõ wa'aduhu.
21 Mifahaõ niha bõ'õ; ba hana wa lõ mifahaõ ami samõsa? Mifahaõ niha ena'õ lõ managõ, ba hiza ya'ami samõsa zanagõ?
22 Mifahaõ niha ena'õ bõi mohorõ, ba hiza ya'ami samõsa zorohõ? Lõ omasi ami nadu, ba hiza ya'ami samõsa zanga'i gamagama moroi ba nomo'omo nadu?
23 Misunosuno ami wa so khõmi goroisa Lowalangi nifa'ema Moze, ba hiza mi'o'aya Lowalangi ba lõ mi'o'õ niw̃a'õ-Nia?
24 No tesura bakha ba Mbuku Ni'amoni'õ, "Bõrõ ami, ya'ami niha Yahudi, wa te'o'aya dõi Lowalangi ba gotalua soi bõ'õ."
25 Na solo'õ huku agama niha Yahudi ami, ba moguna gõi wamoto andrõ khõmi. Ba hiza, na tebai mio'o'õ niw̃a'õ bakha ba huku andrõ, ba no lõ eluaha wamoto andrõ khõmi.
26 Na so samõsa soi bõ'õ si lõ muboto, ba ifalua i huku agama Yahudi, hadia tenga hulõ zi no muboto ia khõ Lowalangi?
27 Ba labali'õ si so sala ami niha Yahudi ya'ira si lõ muboto andrõ bõrõ me so khõmi huku agama Yahudi, ba no muboto ami, ba hiza misawõ huku andrõ. Ba lõ muboto ira, ba hiza ya'ira na'i zolo'õ hukuhuku agama niha Yahudi.
28 Bõrõ me niha Yahudi sindruhu tenga ha sangotõi manõ niha Yahudi; ba niha si no muboto tenga ha famoto dali mboto manõ.
29 Hiza'i niha Yahudi sindruhu ya'ia da'õ so tõdõ Yahudi; ba famoto sindruhu ya'ia da'õ famoto ba dõdõ, ni'ohalõw̃õgõi Geheha Lowalangi, tenga nisura bakha ba mbuku. Niha si manõ, itema wanuno moroi khõ Lowalangi, ba tenga moroi ba niha.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA