Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ngoi tomau la ngini mininako nanga biranga mongaku-ngaku mimoi mi ronga ngo Febe. Muna makileleani 'o jamati 'o Kengkreaka.

² Tanu minidawongo muna sababu muna mita mongaku-ngaku ma Jouka. De ma goungu ngone 'o nyawa pongaku-ngaku ma Jo'oungu ma Dutuka salingou pomakadawongo moi de moi. Tanu miniriwo muna nako la muna moparaluu miniriwo, sababu muna ma sirete makiriwokau 'o nyawa gudai, ge'ena dau ma dodaka ngoi sona.

³ Niositotara 'ai tabea 'o ngo Priskilaka de 'o Akwilaka, 'ai ma-manai gee miomasida-damanarama ma Kristus Yesus 'awi manaramoka.

⁴ 'Ona ka ma etau de yosongene sababu yomau ngoi 'isilaha. Ngoi to'amalaha 'onaka, de duga ka ngoiwa ma 'o jamati 'iodumu gee ko 'o Yahudiokawa mita yo'amalaha 'onaka.

⁵ Niositotara mita 'ai tabea 'o jamatika gee yomatoomuno 'o ngo Priskila de 'o Akwila manga woaka. 'Ai tabea 'o Epenetusika gee towisiboso-bosono. 'Unau ge'ena 'isira wongaku ma Kristusika 'o Asia ma daeraaka.

⁶ 'Ai tabea tositago-tago 'o ngo Mariaka mita. Muna momanaramokau momakua-kuata ma ngale miniriwo ngini.

⁷ Niositotara mita 'ai tabea 'o Andronikusika de 'o Yuniasika. 'Ona ge'ena ka 'o suku moi de de ngoi de mimasidubuiokau de de ngoi. 'Onau ge'ena yakiho-horomati naga 'o su-sulokoka, de ma 'orasi ngoi kotongakuwasi ma Kristusika 'ena 'onau ge'ena yongakuokau.

⁸ 'Ai tabea 'o Ampliatusika, gee towisiboso-bosono ngano 'una de de ngoi miomarimoiokau de ma Jou.

⁹ Niositotara 'ai tabea 'o Urbanusika to ngone nanga manai gee pomasidamanarama ma ngale ma Kristus 'awi manarama. 'Ai tabea tositago-tago mita 'o Stakhisika gee towisiboso-bosono.

¹⁰ 'Ai tabea 'o Apelesika, gee ngaro wosangisarakau ma 'inyatakau 'ato 'una ge'ena 'awi ngo-ngaku tatapu 'ikua-kuata ma Kristusika. Mita 'ai tabea 'o Aristobulusika de 'awi woa ma dodaku.

¹¹ De 'ai tabea 'o Herodionika 'ai manai ka 'o suku moi de de ngoi. Mita 'ai tabea tositago-tago 'o Narkisus 'awi woa ma dodaku gee yongaku-ngaku ma Jouka.

¹² 'Ai tabea 'o ngo Trifena de ngo Trifosaka gee yomakua-kuata yomanarama ma ngale ma Jou wi manarama, mita 'ai tabea 'o ngo Persiskaka gee tomisiboso-bosono. Muna mita momariwo momanarama ma ngale ma Jou wi manarama.

¹³ 'Ai tabea 'o Rufusika gee ma Jo'oungu ma Dutu wiiri-iriki, 'una ge'ena kawisiare-arene. Mita 'ai tabea 'o Rufus ma 'esaka, muna ge'ena moisibosono ma sala so tamaoku 'isoka to ngoiou 'ai 'esa ma dutu.

¹⁴ Niositotara 'ai tabea 'o Asinkritusika, 'o Flegonika 'o Hermesika, 'o Patrobasika 'o Hermesika de nanga 'esa moika gee ka 'o ngo-ngaku moi, gee yomasida-da'asa de de 'ona.

¹⁵ 'Ai tabea 'o Filologusika de ngo Yuliaka, 'o Nereus de ma birangika, 'o Olimpasika de 'o nyawa yongaku-ngaku yoodumika gee yomasida-da'asa de de 'ona.

¹⁶ Nimakatabea moi de moi ka 'o ngo-ngaku moi de 'o no-nako ma ngale nimasikabosono. Ma Kristus 'awi jamati 'iodumu manga tabea yositotara nginika 'Esa moi.

¹⁷ 'Esa moi riaka dodoto ka 'o ngo-ngaku moi! Ngoi toga'asoko tosigou-gounguku: Niomasitiari 'o nyawaka gee 'o kadi-dingaka yodi-diai de yakaruahe 'o nyawa manga ngo-ngaku ma Jouka. 'Ona yosidotoko 'okia naga gee 'imakatilikutu de 'o do-dotoko gee ngini nimadotokokau. So nimasikurutu 'o nyawa-nyawaka koge'ena yodi-diai.

¹⁸ Sababu 'o nyawa gee koge'ena yodi-diai, ge'ena ko ma ngalewa 'ato yomanarama ma dumutu wileleani ma Kristus to ngone nanga Jou, so 'ena ka to 'ona ma sirete manga nyafisuu. Manga demo-demo kadakuino de posironga 'isureka po'isenika, de ge'enau 'ona yosihaga 'o nyawaka gee manga singina 'ibo-boooto.

¹⁹ 'O nyawa 'iodumu yanakokau 'ato ngini niamoteke ma sala 'o Habari ma Owa ma Jo'oungu ma Dutuno. Ge'enau so ngoi tomorene ma sala sababu ngini niodomoteke 'o Habari ma Owa. Ngoi tomau la ngini niocawaro ma ngale 'okia sonaa yaowa-owa de nimasiresene 'o dorou.

²⁰ Ma Jo'oungu ma Dutu 'o sanangi ma titi, wacobou wadiai 'o Tokata ma Koana koimado-do'oawau ma ngale nialakuokau. Tanu 'Esa moi kaitaurika ma Yesus Kristus to ngone nanga Jou winisibarakati!

²¹ 'O Timotius to ngoi 'ai manai mimasida-damanarama, wositotara 'awi tabea nginika. Koge'enali mita 'o Lukius, 'o Yason de 'o ngo Sosipater, gee ka 'o suku moi de de ngoi.

²² Ma surati ne'ena ge'ena ngoiou ma sirete 'o Tertius tolefo. Ngoi tinitabea nginika gee ka 'o ngo-ngaku moi.

²³ 'O Gayus 'awi tabea wosidingoto nginika. Ngoi tomasido-dogumika 'awi woaka, de 'amia jamati mita yomalomuno ma Jo'oungu ma Dutu wisiare-arene ge'enaka. 'O Erastus 'o kotaka ma pipi ma ga-gao ma balusu, 'awi tabea wosidingoto nginika. Koge'enali mita nanga 'esa moi ka 'o ngo-ngaku moi 'o Kwartus.

²⁴ [Tanu to ngone nanga Jou Yesus Kristus winisibarakati ngini nioodumu. 'Amin. Koge'enau.]

²⁵ Powisiarene ma Jo'oungu ma Dutu! Sababu moteke 'o Habari ma Owa gee ngoi tositota-totara, 'una wopareta wosikuata to ngini 'ania ngo-ngaku. Ma Habari ma Owa ma ngale ma Yesus Kristus ge'ena 'isiwaitokau nginika, ka 'o Yahudiokawa. De ge'ena 'o do'ingou 'o nyawa kayanakowasi.

²⁶ Ma Jo'oungu ma Dutu woka-kakali 'awi pareta ma batingi koi'iwa. Ma 'orasi ne'ena 'okia naga gee womau wodiai ge'ena wositotarokau moteke 'o nabii-nabii manga le-lefo. Ge'ena wositotara la 'o nyawa 'iodumu yongaku de yosingounu 'unaka.

²⁷ 'Unau ge'ena ma Jo'oungu ma Dutu womatengo-tengoka, 'una 'o cawaro ma titi. Tanu 'o nyawa 'iodumu wisitedene kaisi'ado-'adonika ma ngekomo pomarimoi de ma Yesus Kristus! 'Amin. Koge'enau. Ngoi 'o Paulus, ma Kristus Yesus 'awi gilaongo, tinitabea!

Roma

Video Roma 16

Ikuti Kami:

KONTAK | PARTISIPASI | DONASI