Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Nyak mirak memperkenalko puari bebai ram, Febe. Ia ngebantu jemaah di Kengkrea.

² Terimado ia sebagai salah sai jak umat-Ni Tuhan. Sangun injuk renodo ulun-ulun sai percaya jama Allah haga nerima peperda tian. Tulungdo ia, kik ia memerluko bantuan jak keti, mani ia tenggalan radu ngebantu lamon jelma -- termasuk nyak.

³ Sampaiko salamku jama Priskila rik Akwila, kantik-kantikku sai jama-jama beguai untuk Isa Almasih.

⁴ Tian hamper mati mani haga nyelamatko nyak. Nyak beterima kasih jama tian -- rik lain nyak gaoh, kidang sunyin jemaah bangsa bareh sai lain Yahudi juga beterima kasih jama tian.

⁵ Sampaiko juga salamku jama jemaah sai bekumpul di lamban tian. Salam jama Epenetus sai kukasihi. Iado jelma sai mula-mula percaya jama Almasih di daerah Asia.

⁶ Salamku juga jama Maria. Ia radu beguai keras untuk keti.

⁷ Sampaiko juga salamku jama Andronikus rik Yunias. Tian sesuku bangsa jama nyak rik pernah kuruk bui jama-jama nyak. Semakkung nyak percaya jama Almasih, tian radu lebih mena percaya. Tian tekenal di hantara para rasul.

⁸ Salam jama Ampliatus, sai kukasihi mani ia jama-jama nyak radu besatu jama Tuhan.

⁹ Sampaiko hormatku jama Urbanus, kantik ram sai beguai jejama jama ram untuk Almasih. Juga hormatku jama Stakhis sai kukasihi.

¹⁰ Salam jama Apeles. Kesetiaanni jama Almasih radu tebukti. Salam juga jama keluarga Aristobulus,

¹¹ rik jama Herodion. Ia sesuku bangsa jama nyak. Juga salam jama puari-puari seiman delom keluarga Narkisus.

¹² Salamku jama Trifena rik Trifosa sai beguai keras ngelayani Tuhan, rik jama Persis sai kukasihi. Ia juga radu beguai keras untuk Tuhan.

¹³ Salam jama Rufus rik emakni, sai bagiku injuk emakku tenggalan. Rufus iado jelma pilihan-Ni Tuhan sai tepuji.

¹⁴ Sampaikodo salamku jama Asinkritus, Flegon, Hermes, Patrobas, Hermas, rik sunyin puari seiman sai jejama jama tian.

¹⁵ Salam jama Filologus rik Yulia; jama Nereus rik puari bebaini; jama Olimpas rik jama sunyin jelma percaya sai jejama jama tian.

¹⁶ Besalam-salamando secara mesra sebagai puari Kristen. Sunyin jemaah-Ni Almasih nyampaiko salam tian jama Puari-puari.

¹⁷ Puari-puari! Kumohon nihan: Hati-hatido tehadap jelma-jelma sai nimbulko perpecohan rik ngacauko kepercayaan jelma jama Tuhan. Hal udi betentangan jama api sai radu diajarko jama niku. Jaohko jelma-jelma injuk reno.

¹⁸ Mani jelma-jelma sai bebuat injuk reno lain hak beguai untuk Almasih Tuhan ram, melainko untuk memuasko kehagani hati tian tenggalan. Jama bujukkan rik cawa-cawa sai manis, tian nipu ulun-ulun sai mak pandai api-api.

¹⁹ Sunyin jelma radu pandai bahwa keti setia jama ajaran tentang Kabar Betik sai jak Allah. Rik nyak senang atas hal seno tentang keti. Nyak mirak in keti bijaksana tentang hal-hal sai betik, rik bugu tentang hal-hal sai jahat.

²⁰ Allah sai ngeni sejahtera jama manusia, haga geluk ngepikko iblis di debah kuasamu rik ngehancorkoni. Semoga Puari-puari selalu diberkati ulih-Ni Isa Almasih Tuhan ram.

²¹ Timotius, kantikku, nyampaiko salamni jama keti. Injuk reno muneh Lukius, Yason rik Sosipater, sai sesuku bangsa jama nyak.

²² Sai nulis surat inji iado nyak, Tertius. Nyak ngucakko salam muari jama keti.

²³ Gayus ngirim salam jama niku. Nyak numpang di lambanni rik jemaah sekam juga bebakti di dudi. Erastus, kepala keuangan kota, ngirim salamni jama niku. Injuk reno juga puarini ram Kwartus.

²⁴ [Semoga Tuhan ram Isa Almasih ngeberkati Puari sunyinni. Amin.]

²⁵ Terpujido Allah! Ia bekuasa nguatko iman Puari sesuai jama Kabar Betik jak Allah sai nyak kabarko tentang Isa Almasih. Nyak ngabarko kabar ano nutuk api sai dinyatako ulih-Ni Allah; yakdo tentang rencana-Ni Allah sai radu berabad-abad sakani mak dipandai ulun.

²⁶ Kidang tano, atas perintah-Ni Allah sai abadi, rencana udi radu dinyatako rik dikeni pandai jama sunyin bangsa liwat tulisan-tulisanni nabi-nabi, in tian sunyinni percaya rik taat jama Allah.

²⁷ Iado satu-satuni Allah, Ia mahabijaksana. Semoga Ia dilanggarko selama-lamani liwat Isa Almasih! Amin. Hormat sekam, Paulus, jelma sai ngebantu sai taat jama Isa Almasih

Roma

Video Roma 16

Ikuti Kami:

KONTAK | PARTISIPASI | DONASI