Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 'Paisdon ko malaekat in jama'at inta kon Epesus, nana'a: Na'adon ing koyow nongkon i-Nia inta lima-Nya koḷanan nokadai kon tundi pitu bo minayak kon sigad in si'oḷ pototuduan kon togaí inta pinomia nongkon buḷawan tua.
2 Kinota'auan-Kubií onu inaidan monimu. Mo'ikow morajing totok im mogaid bo totok doman mosabar. Kinota'auan-Kubií doman kong kinodoiíbií monimu im mosia inta mora'at. Bo intau mita inta dumuií rasul padahaḷ de'emanbií totu'u rasul, aindon inuji monimu bo kinokadapatan monimu kom mosia tua intaubií mita inta mongo'uboḷ.
3 Mo'ikow nosabar bo mo'ikow nokorasa kon yoyiga lantaran nopirisaya ko'i-Nakoí, ta'e mo'ikow diaíbií kinobulian in harapan.
4 Ta'e na'a im poningkule-Ku ko'inimu: Tabi monimu ko'i-Nakoí diaídon naí inta muna.
5 Tuamai, toropdon totu'udon moyayuk ing kino'ḷabuían monimu! Daí pogogaidon mogaid kon dosa mita bo aidaidon onu inta inaidan monimu muna. Aka diaí, yo angoion-Kudon rabuton si'oḷ in togaímu tua nongkon tampatnya.
6 Tongaí oyuíonpabií doman i mopia ko'inimu: Kinodoií monimu oaíid in dumodudui mita i Nikolaus, inta kinodoií-Ku doman.
7 Ki ine im mokodongog, yo tarukiradon onu im pinoguman in Roho i Allah kon jama'at mita! Mosia inta mo'untung, ogoi-Ku moka'an kom bungai inta nongkon pangkoi ing kobiagan inta nobiag kon taman i Allah."
8 "Paisdon kom malaekat inta kon Smirna, nana'a: Nana'a ing koyow nongkon i-Nia inta muna-munamai bo inta pangabisan, inta aim minatoi bo nobiag bui.
9 Kinota'auan-Kubií in yoyiga mita monimu; Kinota'auan-Kubií kom mo'ikow nomasiking, ta'e sabanarnya mo'ikow nion no'oyuíonbií! Kinota'auan-Kubií doman bayongan inta pinonapud ko'i monimu i intau mita inta dumuií intau Yahudi padahaḷ de'emanbií. Mosia tua dumoduduibií in Ibilis!
10 Dikabií mo'ondok kon yoyiga inta diaídon mo'onggot musti korasa'an monimu. Pokotorop, oyuíon in tongonumai intau kon sigad monimu im potu'oton Ibilis kom bonu im ponjara sim mosoba ko'i monimu. Mo'ikow mokorasa kon yoyiga solama mopuḷuh nosinggai. Ta'e kotoinduduibií tantuí im mo'ikow ko'i-Nakoí modapot im matoi, daí mo'ikow ogoian-Ku ing kobiagan mononoi saḷaku hadiah sin no'untungdon.
11 Ki ine im mokodongog, yo tarukira onu im pinoguman in Roho i Allah kon jama'at mita! Mosia inta mo'untung, beresi bidon diaí mokorasa kon roriga ing kopatoian induanya."
12 "Paisdon kom malaekat in jama'at Pergamus, nana'a: Na'adon ing koyow nongkon i-Nia inta nokadai kom pitow moḷanit inta doyowa im matanya.
13 Kinota'auan-Kubií im pinogutunan monimu. Mo'ikow nogutun kon tampat inta pinomarenta'an in Ibilis, ta'e mo'ikow im motoinduduibií ko'i-Nakoí. Sedang bo wakutu ing ki Antipas, saksi-Ku inta motoindudui tua ilimod kon tayowonmu kon tampat poyoyosipunan in Ibilis, mo'ikow umuranbií doman nongaku saḷaku intau mita inta mopirisaya ko'i-Nakoí.
14 Tongaí oyuíon doman in diaí kinosanang-Ku ko'i monimu: Sin oyuíon in tongonumai intau kon sigad monimu dinumudui kon onu inta sinunduí i Bileam. Ki Bileamdon na'a inta notunduí ko'i Balak kon naíonda im mopoḷabuí kon intau Israel kom bonu in dosa; mosia nodondo'uḷug kon intau Israel noka'an kong ka'anon inta aim pinosumbah kom berhala bo nogaid doman kon soaáḷ mita inta mokotor.
15 Naí doman tua, oyuíon doman ing kon sigad monimu in intau mita inta kinumadai kon totunduí mita i Nikolaus.
16 Sin tuamai, pogogaidon mogaid kon dosa mita monimu! Aka diaí, yo ḷagidon Aku'oi mamangoi ko'i monimu bo aḷowan-Ku intau mita tatua im pitow inta kom bibigku.
17 Ki ine im mokodongog, yo tarukira onu inta pinoguman in Roho i Allah kon jama'at mita! Mosia inta mo'untung, ogoi-Ku moka'an kom manna inta no'i buni, bo kom batuíannea motarima kon tobatuí batu mobudoí nongkon i-Nakoí. Kom batu tatua pinaisdon tangoi mobagu inta diaíbií kinota'auan i inekadon, kolikudbií intau inta notarima kon tua."
18 "Paisdon kom malaekat in jama'at inta kon Tiatira, paisdon nana'a: Nana'a ing koyow nongkon Adií i Allah inta mata-Nya moyongkit naonda bo tuḷu; bo si'oḷ-Nya naonda bo tambaga sinubaí.
19 Kinota'auan-Kubií bayongan inta inaidan monimu. Mo'ikow mototabian, mo'ikow mosatia, mo'ikow nogaid, bo mo'ikow notababií doman ing kinoaíntugan yoyiga. Bo kinota'auan-Kubií kon nodugangdon in rajing monimu nongkon inta kolipod.
20 Ta'e na'a ing kinodoií-Ku ko'i monimu; pinomayakmudon makow ing ki Izebel, bobay inta dinumuií totabaí i Allah tua. Nobayongdon intau-Ku in inakaḷannya bo sinunduínya mogaid kon inta mokotor bo moka'an kong ka'anon inta aim pinosumbah kom berhala.
21 Sia inogoian-Kudon ing kasampatan mogogai mogaid kon dosanya mita, ta'e doiíbií in sia mogogai mogaid kon soaáḷ mita inta mokotor tua.
22 Toropdon! Pomobak-Kubií in sia dapot im motakit kon tosiugan. Kon tua sia takin intau mita inta nonualing takinnya mokorasa kon yoyiga inta mobogat totok. Tua komintan aidan-Ku bidon in tana'a, kolikudbií im mogogaidon mosia mogaid kon soaáḷ mita inta mora'at takinnya.
23 Dumoduduinya mita limodon-Kubií doman simbaí kota'auandon im bayongan jama'at kon Aku'oibií na'a in Sia inta nonota'au kon raian bo gina intau. Bo mo'ikow in tuliían-Kubií podudui in aid monimu tontanií.
24 Ta'e mo'ikow inta ibanea makow kon Tiatira inta diaí dinumudui kon totunduí inta mora'at tatua, bo diaí doman nobalajar kom pongotahuan mita in Ibilis, na'a im poguman-Ku, diaíbií dugangan-Ku insibuḷan in tanggungan monimu.
25 Ta'e dapot Aku'oi im mamangoidon bui, mo'ikow musti dumudui kon onu inta aindon sinunduí-Ku ko'i monimu.
26 Mosia inta no'untung bo nodapot im pangabisan umuran nogaid kon onu inta kino ibog-Ku, mosia ogoian-Ku ing kawasa naí kawasa inta inogoi i Amaí-Ku ko'i-Nakoí. Mosia motarima kong kakuasa'an nongkon i-Nakoí sim momarentah kom bangusa mita takin tungkud uatoi, bo morimumud kom bangusa mita naí morimumud kong kuyon butaí.
27 (2:26)
28 Mosia im motarimabií kon tundi in timur nongkon i-Nakoí.
29 Ki ine im mokodongog, yo tarukira onu im pinoguman in Roho i Allah kon jama'at mita!"
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA