Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ "Untuk malaikat jemaah di Efesus, tulisdo injuk reji: Injido luhot jak Ia sai nyating kepitu bintang di culuk kanan-Ni, rik lapah di hantara kepitu cukut lampu emas udi.

² Nyak pandai api sai keti sani: Keti beguai keras rik keti tabah nihan. Nyak pandai bahwa keti mak ngeni hati jama jelma jahat. Rik jelma-jelma sai ngaku dirini rasul padahal lain, radu keti uji, rik ternyata tian pembuhung.

³ Keti sabar rik keti menderita ulihni Nyak, rik keti mak putus asa.

⁴ Kidang inji keberatan-Ku tehadap niku: Keti mak lagi mengasihi Nyak injuk mula-mula.

⁵ Ulihni seno, ingokdo hara jaoh keti radu tumbak! Betubatdo jak dusa-dusamu, rik lakukodo api sai keti lakuko mula-mula. Kik mawat, maka Nyak haga ratong jama niku rik nyabut cukut lampumu udi jak rangni.

⁶ Kidang wat sai betik jama niku, yakdo: Keti nyuoh perbuatan jelma-jelma sai nutuk Nikolaus, sai Nyak nyuoh juga.

⁷ Sapa gaoh sai dapok ngedengi, hagani ngeperhatiko api sai dicawako ulih Ruh-Ni Allah jama jemaah-jemaah! Tian sai menang, haga Kuizinko nganik uah jak batang kehurikan sai tuoh di Taman-Ni Allah."

⁸ "Untuk malaikat jemaah di Smirna, tulisko injuk reji: Injido luhot jak Ia sai mula-mula rik sai paling akher -- sai radu mati rik hurik luot.

⁹ Nyak pandai kesusahan-kesusahan keti; Nyak pandai keti mejerih -- kidang sebenorni keti mebatin! Nyak pandai fitnahan-fitnahan sai ditujuko tehadapmu ulih jelma-jelma sai ngaku dirini Yahudi, padahal lain; tiando umatni iblis!

¹⁰ Dang rabai ulih penderitaan sai mak mesaka lagi keti haga alami. Ingok, iblis haga ngurukko sebagian jak keti mik delom bui untuk nyubai keti. Keti haga menderita puluh rani sakani. Hagani keti setia jama Nyak sampai mati, maka Nyak haga ngeniko jama niku hurik sejati rik kekal sebagai hadiah kemenangan.

¹¹ Sapa gaoh sai dapok ngedengi, hagani ngeperhatiko api sai dicawako ulih Ruh-Ni Allah jama jemaah-jemaah! Tian sai menang, sama sekali mak haga menderita api-api ulih kematian sai kerua."

¹² "Untuk malaikat jemaah di Pergamus, tulisdo injuk reji: Injido luhot jak Ia sai nyating pedang tajam sai bemata rua.

¹³ Nyak pandai di dipa keti tinggal, yakdo di rang iblis bertakhta. Keti setia jama Nyak. Malah waktu Antipas, saksi-Ku sai setia udi dibunuh di hadapmu di markasni iblis, keti mak menyangkal bahwa keti percaya jama Nyak.

¹⁴ Kidang injuk reno wat pira hal sai Nyak mak gering jak keti: Wat sebagian jelma di hantara keti sai nutuk api sai diajarko ulih Bileam. Bileam ngajar Balak injuk repa ngejerumusko umatni Israel mik delom dusa; jama ngebujuk tian nganik kanikan sai radu dipersembahko jama berhala rik ngelakuko hal-hal sai hajor.

¹⁵ Reno juga wat di hantara keti jelma-jelma sai nyating ajaran jelma-jelma sai nutuk Nikolaus.

¹⁶ Ulihni seno, betubatdo jak dusa-dusamu! Kik mawat, serebok lagi Nyak haga ratong jama niku rik memerangi jelma-jelma udi jama pedang sai wat di banguk-Ku.

¹⁷ Sapa gaoh sai dapok ngedengi, hagani ngeperhatiko api sai dicawako ulih Ruh-Ni Allah jama jemaah-jemaah! Tian sai menang, haga Kuizinko nganik manna sai tesegok, rik masing-masing haga nerima jak Nyak sai batu handak. Di batu tetulis suatu gelar sai ampai, sai mak dipandai ulih sapa pun juga, selain ulih jelma sai menerimani."

¹⁸ "Untuk malaikat jemaah di Tiatira, tulisdo injuk reji: Injido luhot jak Anak-Ni Allah, sai mata-Ni benyala-nyala injuk apui, rik cukut-Ni mancarko sinar injuk tembaga disuah.

¹⁹ Nyak pandai sunyin sai keti lakuko -- Nyak pandai keti mengasihi peperda keti, keti setia, keti beguai, rik keti tabah menderita. Nyak pandai keti tano beguai lebih lamon jak tumbai.

²⁰ Kidang inji keberatan-Ku tehadap niku: Keti ngeni hati jama Izebel, bebai sai ngaku diri sai dikayun Allah udi. Radu lamon jelma-jelma sai ngebantu-Ku sai ditipuni rik diajarni untuk ngelakuko sai hajor rik untuk nganik kanikan sai radu dipersembahko untuk berhala.

²¹ Radu Kukeniko jama ia kesempatan untuk betubat jak dusa-dusani, kidang ia mak mirak taru ngelakuko hal-hal sai hajor udi.

²² Ingokdo! Nyak haga ngebanting ia sampai meruyuh di rang pedom. Di dudi ia rik jelma-jelma sai bezinah jama ia haga menderita nihan. Sunyinni seno haga Kulakuko tano -- kecuali kik tian taru ngelakuko hal-hal sai jahat jejama jama ia.

²³ Jelma-jelma sai nutuk Kubunuh juga in sunyin jemaah sadar bahwa Nyakdo Ia sai nyelami pikeran-pikeran rik hati manusia. Keti haga Kubalos untuk perbuatan keti masing-masing.

²⁴ Kidang keti sai bareh-barehni di Tiatira mak nutuk ajaran sai jahat udi, rik mak mempelajari ilmu-ilmuni iblis. Nyak cawa bahwa Nyak mak haga nambahko jama niku baban sai ngebiakko.

²⁵ Kidang sampai waktu Nyak ratong kanah, hagani keti tetap nutuk api sai radu keti kedau.

²⁶ Tian sai menang, rik sai sampai akher terus ngelakuko api sai Kukehagako, haga Kukeni kuasa sai gegoh injuk sai Kuterima jak Bapa-Ku. Tian haga nerima kekuasaan jak Nyak untuk memerintah bangsa-bangsa jama tungkok besi, rik untuk ngehancorko bangsa-bangsa udi injuk belanga tanoh.

²⁷ (2:26)

²⁸ Tian haga nerima bintang timur jak Nyak.

²⁹ Sapa gaoh sai dapok ngedengi, hagani ngeperhatiko api sai dicawako ulih Ruh-Ni Allah untuk jemaah-jemaah."

Wahyu

Video Wahyu 2

Ikuti Kami:

KONTAK | PARTISIPASI | DONASI