Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Nai lelek ndia Herodes fo mana koasa nai nusa Galilea, namanene hataholi la kokolak la'eneu Yesus,
2 boema Herodes nafa'da hataholi mana ho'u paleta nala nae, "Tao leo bee o Yohanis Mana Salani ka ana fo'a falik nde ia so! Hu ndia de, ana hapu koasa fo ana tao manda'di beuk."
3 Nana makahulu na Herodes nadenu hataholi la ho'u la Yohanis, de ala hengen boema ala taon leo bui dale neu. Herodes tao leondiak, nanahu tolanoon Felipus saoinan fo Herodias dede'a na.
4 Nana Yohanis nafa'da hai Herodes nae, "O ta bole sao Herodias fa!"
5 Tunga ndoo na Herodes nau taonisa Yohanis dei, tehu ana bii hataholi la, nanahu lamahele Yohanis ia nde bee na nabi esa.
6 Nai lelek fo, Herodes tao fai bobongi na, boema Herodias fo anafe'o na ana longe nai hataholi mana'a feta la matan. Lolonge na tao na Herodes namahoko nanseli,
7 de nalosa nafa'dan pake sosoo-susupak nae, noke beek ndia boeo ka'da ana fen.
8 Hu ka nde Herodias ia inan dudungu-papau nan boema nae, "Au oke Yohanis Mana Salani ka langa na, taon neu pinga maloa esa dalek fo fen mai besak ia boe!"
9 Herodes namanene nonokek ndia boema dale na he'di nanseli. Te hu ka nde ana soo-supa basa nai fui nala matan so, de ka'da ana fe paleta fo daenga ana tao natetu ina anak ndia hala nonoke na.
10 Boema nadenu hataholi leo bui dale neu fo tete lini Yohanis langa na mai.
11 Basa boema ala tete lini Yohanis langa na mai boema linin leo dalek neu de ala taon neu pinga maloa esa dalek, boema ala fen leo inanak ndia neu. Ana sipo naan boema ana fen leo inan neu.
12 Basa ndia boema Yohanis ana mana tunga nala leu ko'o la Yohanis popola na de latoin. Latoi basan boema leu lafa'da Yesus.
13 Lelek Yesus namanene halak ndia boema, mesa kana sa'e leo ofak esa de ana la'oela mamanak ndia fo neu leo mamana nees esa neu. Tehu lelek fo hataholi la lamanene dede'ak ndia boema, ala la'oela kota nala, de ala la'ok tunga dae ma'da ka fo, leu tunga Yesus.
14 Lelek fo Yesus kona neme ofak lain mai de nita hataholi makadotok sila la boema, dale na he'di nanseli. Nai hataholi makadotok sila la dalek, hapu hataholi kamahe'dis ala boe. Boema Ana tao nalea-nahai la'iesa kasa.
15 Le'donoso boema, Yesus ana mana tunga nala mai de lafa'dan lae, "Le'donoso ia so, boema mamanak ia pasi fe'e neme nggolo ka mai. Hu ndia de, malole lenak, Ama madenu hataholi makadotok ia la fali le'us, fo daenga leu asa nana'ak nai nggolo-nggolo kala."
16 Boema Yesus nafa'das nae, "Hataholi ia la, ta bole fali fa. Emi muse fes la'a."
17 Boema Yesus ana mana tunga nala lae, "Ami mini ka'da loti biak lima, ma i'ak boak dua nde ia!"
18 Boema Yesus nafa'das nae, "Minis leo ia mai,"
19 Basa boema nadenu hataholi makadotok sila la, langatuuk leu na'u lain. Boema Ana ho'i na loti bia kalima kala, ma i'a boa kaduak sila la, de nanganalo leo lalai neu, fo noke makasi neu Manetualain. Basa ndia boema, Ana tete'i loti sila la, de Ana fes leo ana mana tunga nala, fo ala baba'e fes leu hataholi makadotok sila la.
20 Basa-basas la'a losa lakabete. Basa ndia boema, Yesus ana mana tunga nala, hehele lakabubua nana'a ela kala, henu lepeneu sanahulu dua.
21 Hataholi mana'ak nai faik ndia dale na, fafakama hataholi lifun lima, tehu ala beita leke ina kala, ma ni'i ana la fa.
22 Basa ndia boema, Yesus nadenu ana mana tunga nala sa'e ofak fo lakahuluk leo dano a selik leu, nana Ana bei nadenu hataholi makadotok sila la fali le'us.
23 Hataholi makadotok sila la la'o boema, Yesus mesa kana kae leo pupukuk esa lain neu fo Ana hule-haladoi. Le'odae so, te Yesus mesa kana bei nai mamanak ndia.
24 Ndia te Yesus ana mana tunga nala sa'e ofa ka ana losa nai dano a tala'da so. Boema lii a puka na ofa ka naleu-lilok, nana ofa ka natongo no ani solu a.
25 Lolebalahaak boema, Yesus la'ok tunga oe lain de Ana mai tungas.
26 Lelek fo Yesus ana mana tunga nala mete litan Ana la'ok nai oe lain, boema ala nggenge lanseli. Ala bii ma ala nggasi lae, "Ko'donao ka mai so!"
27 Tehu Yesus nataa tutik nae, "Boso bii! Te Au ia Yesus. Dale mala tesa-tama leona!"
28 Boema Petrus nae, "Metema memak tete'e ka Yesus nde O soona, madenu au ne'i leo O a ninik au la'ok tunga oe lain boe."
29 Yesus naen nae, "Mai leona." Boema Petrus kona neme ofak lain mai, de ana la'ok tunga oe lain fo neu leo Yesus neu.
30 Tehu lelek fo Petrus nita ani matua ina ana mai, boema ana bii, de ana bolo. Ana nggasi ma nae, "Lamatuak, fali ma au dei!"
31 No lai-laik Yesus lok lima na neu, de ana ho'u nan boema nafa'dan nae, "Petrus, Petrus, o namahehele ma, beita dai fa. Tao le'e de, o ta mamahele te'e-te'e neu Au fa?"
32 Boema duas ka'e leo ofak lain leu tutika ani na nakamate.
33 Boema Yesus ana mana tunga nala senek leu mata na de lae, "Te'e-te'e Lamatua ka nde bee na, Manetualain Anan!"
34 Ala losa dano a selik boema ala kona nai Genezaret.
35 Lelek hataholi manai sila la bubuluk Yesus nde manamaik ndia boema, leu po'a-benga halak ndia leo basa nggolok manai kota ndia boboa-kaisun nala. Boema lo basa hataholi kamahe'di sala leo Yesus mai.
36 Ala dokodoe neu Yesus, fo sa'di ala hapu koila'e ba'du manalu na, leomae ka'da pe'da na boe. Basa hataholi kamahe'dis fo mana koila'e nana, ala hai beno'u.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA