Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Me inõtõ da'õ irongo Herode, samatõrõ ba Galilea, duria Yesu.
2 Imane Herode khõ ndra enoninia, "Yohane Samayagõ Idanõ da'e, si no auri mangawuli! Da'õ mbõrõ wa so khõ-Nia wa'abõlõ."
3 Fatua lõ da'õ, no ifatenge niha Herode ba wondra'u Yohane, labõbõ ba labe'e ba gurunga. Ilau da'õ Herode bõrõ Herodia, fo'omo dalifusõnia Filifo.
4 No iw̃a'õ Yohane khõ Herode, "Tebai mangowalu'õ khõ Herodia! No fanawõ huku agama zi manõ!"
5 Sindruhunia omasi Herode ba wamunu Yohane, ba ata'u ia niha sato, bõrõ me law̃a'õ sama'ele'õ Yohane andrõ.
6 Me ilau gowasa Herode ba wanõrõ tõdõ luo wa'atumbunia, manari nono Herodia alawe fõna niha sato. Wa'omasi Herode ba wamaigi fanarinia,
7 irege ifabu'u khõ nono alawe andrõ wame'e hadia ni'andrõnia!
8 Bõrõ me ifawe'e ia inania, andrõ i'andrõ ono Herodia imane, "Be'e khõgu hõgõ Yohane iada'e yaw̃a ba tala!"
9 Me irongo gangandrõw̃a andrõ Herode, abu dõdõnia. Ba hiza, bõrõ me no ifabu'u fõna niha sato, ba ibe'e wareta ena'õ la'o'õ niw̃a'õ nono alawe andrõ.
10 Ifatenge niha we'amõi ba gurunga wanaba bagi Yohane.
11 Aefa da'õ la'ohe hõgõ Yohane yaw̃a ba tala, ba labe'e ba danga nono alawe andrõ. Ba maoso nono alawe i'ohe khõ ninania.
12 Maoso ndra nifahaõ Yohane lahalõ mboto Yohane ba mõi ira lako'o. Aefa da'õ mõi ira mu'ombakha'õ zalua andrõ khõ Yesu.
13 Me Irongo duria andrõ Yesu, maoso Ia, mofanõ ha Ya'ia faoma tundraha, numalõ ba zi sambua nahia si lõ nihaniha. Ba la'ila niha sato heza numalõ Yesu. Larõi mbanuara, la'o'õ Yesu, lala tanõ latõrõ.
14 Ba me mõi tou Yesu moroi ba dundraha, I'ila niha sato andrõ, ba ahakhõ dõdõ-Nia. Awena Ifadõhõ fefu zofõkhõ ba gotaluara.
15 Me tanõ owi, tohare ndra nifahaõ Yesu, muhede ira khõ-Nia, "No arõu sibai nahia da'e moroi ba naha waniaga ba no gõi bongi. Abõlõ sõkhi na Õfatenge niha sato andre ba wowõli gõra ba mbanua ena'õ manga ira."
16 "Bõi mofanõ ira, mibe'e gõra," Imanõ wanema li Yesu.
17 Latema li-Nia ira nifahaõ andrõ, "Ha lima ngawua zi so khõma roti ba ha dua rozi gi'a!"
18 Imane Yesu, "Mi'ohe ba da'e."
19 Aefa da'õ Ifaw̃a'õgõ ena'õ mudadao niha sato andrõ yaw̃a ba dete ndru'u. Ihalõ zi lima ngawua roti ba si dua rozi gi'a, Ifaõga hõrõ-Nia miyaw̃a, ba I'aohasi gõlõ Lowalangi. Aefa da'õ Ifahowu'õ roti awõ gi'a. Iboboto roti ba Ibe'e khõ ndra nifahaõ-Nia ena'õ lafaosafaosa ba niha sato.
20 Manga ira fefu irege abuso. Ba me la'owuloi zi torõi roti awõ gi'a ira nifahaõ, so nasa felendrua daga tõ afõnufõnu.
21 So mato lima ribu niha si manga, baero ndra alawe awõ ndraono.
22 Aefa da'õ Iw̃a'õ Yesu khõ ndra nifahaõ-Nia ena'õ mõi ira ba dundraha ba we'amõi ba zi tambai mbaw̃a, fatua da'õ gõi Ifofanõ niha sato andrõ.
23 Me no mofanõ niha sato, mõi Yesu ha Ya'iya'ia yaw̃a ba hili, mangandrõ. Ba me ibõrõtaigõ bongi, so nasa Yesu ba da'õ.
24 Tundraha ndra nifahaõ no arõu ba dalu mbaw̃a. Ibõzi dulu dundraha andrõ bõrõ me fazuzu nangi gametahõ dundraha.
25 Ba gotaluara bõzi tõlu irugi bõzi õnõ sahulõ wongi, mõi khõra Yesu mowaõwaõ Ia yaw̃a ba dete nidanõ.
26 Me la'ila ira nifahaõ Ia, mowaõwaõ yaw̃a ba dete nidanõ, ba tokea sibai ira. Mu'ao ira bõrõ wa'ata'u, lamane, "Bekhu!"
27 I'anema'õ Imane Yesu, "Mihonogõ ami! Ya'odo da'e. Bõi mi'ata'ufi!"
28 Aefa da'õ imane Fetero, "He So'aya, na sindruhundruhu Ya'ugõ da'õ, w̃a'õ khõgu ena'õ mõido khõ-U mowaõwaõ yaw̃a ba dete nidanõ."
29 Itema li Yesu, "Aine." Mõi tou Wetero moroi ba dundraha, mowaõwaõ ia yaw̃a ba dete nidanõ, i'ondrasi Yesu.
30 Ba me i'ila Fetero nangi sabõlõbõlõ ba mbaw̃a andrõ, ba ata'u sibai ia, ba ibõrõtaigõ ahõndrõ ia. Mu'ao ia, "He So'aya, tolo ndra'odo!"
31 I'anema'õ I'oro'õ danga-Nia Yesu ba wondra'u ya'ia aefa da'õ. Imane khõnia Yesu, "Ambõ famatiu, Fetero. Hana wa mangiwa dõdõu?"
32 Mõi ira yaw̃a ba dundraha darua ira, ba ahono nangi.
33 Nifahaõ Yesu tanõ bõ'õ si so yaw̃a ba dundraha lafaõndrõ ira wangalulu khõ Yesu. Lamane, "Sindruhundruhu ono Lowalangi Ndra'ugõ!"
34 Me larugi yefo mbaw̃a, manao ira ba Genesare.
35 Ba me la'ila niha sato wa no tohare Yesu, laturiaigõ ba zi fasui banuara. La'ohe fefu niha sofõkhõ khõ Yesu.
36 La'andrõ khõ-Nia na tola he ha lababaya gahe mbaru-Nia. Ba fefu zombambaya ahe mbarua-Nia ba oi dõhõ.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA