Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Kon singgai in Sabat tobatuí, wakutu ing ki Yesus bo murií-Nya mita no'italib kong gobaí ing gandum, murií-Nya mita nokoyut kom bungai ing gandum. Sindaḷan monia inungka'an bo poḷat kina'an.
2 Oaíid monia tatua inontong intau mita im Parisi, daí mosia noliboí, "Nongonu sim mo'ikow im mogaidbií kon inta pinoton aidan kon singgai in Sabat?"
3 Daí ki Yesus noguman nana'a ko'i monia, "Degaí diaípa dodai onda kinobaca'an monimu onu inta inaidan i Daud wakutu in sia bo dumoduduinya mita ginogoy?
4 Sia sinumu'ot kom Baḷoi Tuhan bo nogamaí kon roti inta aim pinosumbah ko'i Allah bo kinaannya. Onda intua roti tatua inogoinya doman kon dumoduduinya mita. Padahaḷ aka podudui in hukum agama naton yo roti tatua in tongaíbií imang mita im mota'au moka'an."
5 Ki Yesus noguman doman, "Adií Intau nongawasa kon singgai in Sabat."
6 Kon Sabat ibanea, ki Yesus sinumu'ot im Baḷoi Pososambayangan bo notunduímai ko'i monia kon tua. Kon tua oyuíon doman tobatuí intau inta limanya tosimpaḷ minatoi.
7 Mototunduí mita kon agama bo intau im Parisi umuran makow motayak kon taḷaí i Yesus simbaí oyuíon im baliíon monia alasan popongaduan ko'i-Nia. Tuamai mosia umuran monarukira makow mongo ki Yesus mongundam kon intau aka singgai in Sabat.
8 Ta'e raian monia tatua kinota'auan i Yesus, sahingga Sia noguman kon intau inta limanya tosimpaḷ minatoi tua, "Igai sindog kom muna na'a!" Daí nobuat in sia bo sinimindog kon tua.
9 Onda intua ki Yesus noliboí kon intau mita kon tua, "Aka podudui in hukum agama naton, onu degaí im mota'au aidan aka singgai in Sabat? Mogaid kom mopia andeka mogaid kon inta mora'at? Moposaḷamat kon intau andeka moposiḷaka?"
10 Ki Yesus nobobui magií-makow ko'i monia komintan, onda intua Sia noguman kon intau tatua, "Tonggoí in limamu." Bo sinonggoínya in limanya tatua, daí kon dodaipa doman tatua nopia in limanya inta minatoi tatua.
11 Ta'e intau mita im Parisi bo mototunduí mita kon agama sinumoruí totok ko'i Yesus, daí mulaidon im mosia noyosingog mongo onu in aidan monia ko'i Yesus.
12 Wakutu intua ki Yesus notakod kom buḷud sim mayak mosambayang. Sia nosambayang kon tua tonggobiíita.
13 Naonda in nobayagdon, sia nogoinií kon dumodudui-Nya mita bodongka nomilií kon intau mopuḷuh bodoyowaí nongkon imonia tua. Sinangoian-Nya rasuḷ in tayamopuḷuh bodoyowaí tua. Na'a in tangoi mita monia tua:
14 Ki Simon inta dinonoi ki Petrus, bo ki Andreas ki utat i Simon; ki Yakobus bo ki Yohanes, ki Pilipus bo ki Bartolomeus,
15 Ki Matius bo ki Tomas, ki Yakobus ki adií i Alpeus, bo ki Simon intau in Zelot,
16 ki Yudas inta ki adií i Yakobus bo ki Yudas Iskariot inta nomangkang ko'i Yesus.
17 Onda intua ki Yesus nosilig nongkon buḷud tatua takin rasul-Nya mita, bodongka sinumogon kon tampat inta notondodai. Kon tua nobarong doman in dumodudui-Nya mita ibanea bo intau mita inta namangoi nongkon lipuí mita inta kom butaí in Yudea, Yerusalem, bo kong kotaí mita in Tirus bo Sidon inta kom bingki in dagat.
18 Mosia tua in namangoi sim mokidongog kon singog mita i Yesus bo poḷat moki'undam im bayongan panyaki monia. Oyuíon doman inta kinotoḷangan in dimukud mora'at, mosia nopia doman.
19 Komintan intau moramiji moliai ko'i Yesus, sin oyuíon ing kawasa ḷumuai nongkon i-Nia inta mokopia ko'i monia komintan.
20 Ki Yesus inimindoi kon dumodudui-Nya mita bo nosingog nana'a, "Kosanangdon gina monimu, intau mita inta nobogaí, sim mo'ikow nion in umat i Allah!
21 Kosanangdon gina monimu inta ginogoy tana'a makow; sim mo'ikow ogoianbií ing ka'anon kopuason! Kosanangdon gina monimu inta tana'a makow nongombaḷ sim mo'ikow ing kumosingbií.
22 Kosanangdon ing gina monimu aka mo'ikow sinaturu, diaí sinarima, siningkule bo pinoponapudan doman in uboḷ, sin lantaran mo'ikow dumodudui i Adií Intau!
23 Kosanang bo kopiadon ing gina monimu aka tua komintan bo korasaan monimu, sim moḷoben in silaimu kon soroga; bo baí kota'auan monimu kon natua doman im pinopoaíid im mogoguyang monia kon nabi mita tungkuḷ intua.
24 Ta'e koboditodon mo'ikow inta nobiag no'oyuíon tana'a makow; sim mo'ikow ain nokorasa kon inta mopia kon dunia na'a!
25 Koboditodon mo'ikow inta nobotug tana'a makow; sim mo'ikow ing koaíntuganbií doman in gogoy! Koboditodon mo'ikow inta kinumosing tana'a makow; sin oyuíonbií i wakutu monimu mokorasa kong kuyang gina bo mongombaḷ!
26 Koboditodon im mo'ikow aka komintan intau moduií ko'inimu; sin natua doman im mogoguyang monia noduií kon nabi mita inta de'eman totu-totu'u nabi tungkuḷ intua."
27 "Tana'a makow Aku'oi mobogoi ing koyow ko'i monimu inta mo'ibog moki'dongog ko'i-Nakoí: Kotabibií in saturumu, bo pogaidbií kon inta mopia kon intau inta moya'at ing gina ko'inimu.
28 Barakataibií in intau inta nogodi-godimai ko'inimu bo sambayangaibií in intau inta nogaid kon inta diaí mopia ko'inimu.
29 Bo aka oyuíon in intau monokap kom putongimu toḷosi yo ogoi doman im putongimu toḷosi. Bo ki ine im mogagow kon jubahmu, yo ogoi doman in ḷambungmu.
30 Aka intau mo'igum ko'inimu yo ogoiai makow in sia; bo aka kapunya'anmu bo inagow, yo dona'aidon igumonmu bui.
31 Bo onu ing ko'ibog monimu popoaíid in intau ko'i monimu, daí popoaíid doman ko'i monia in natua.
32 Aka mo'ikow bo tongaí motabi kon intau inta motabi doman ko'inimu yo onubií im mangalenya? Intau doman mita baradosa motabi kon intau inta motabi ko'i monia!
33 Bo aka mo'ikow bo tongaí doman mogaid kon inta mopia kon intau inta ain nopoaíid kom mopia ko'inimu, yo onubií im mangalenya? Intau baradosa momia doman kon natua.
34 Bo aka mo'ikow bo mopoḷuan in doit tongaí ko'i monia inta mokopobui yo onubií im mangalenya? Intau baradosa mopoḷuan doman in doit kon intau baradosa ibanea simbaí mosia moko'ulií kong kalebean mobarong.
35 Sabanarnya in de'emanbií natua! Nana'abií im musti aidan monimu: Kotabibií in saturumu bo aidai onu inta mopia ko'i monia, bo popoḷuanaibií im mosia, ta'e dona'ai potayakkan kong ka'untungan im mosia. Aka natua in aidan monimu, yo mo'ikow im motarimabií kom bungai in oaíidmu inta moḷoben totok bo mo'ikow mobalií doman ki adií mita i Allah inta Totok Moḷantud. Sin Sia im mopiabií doman kon intau mita inta diaí mota'au mosukur ko'i Allah bo kon intau mita mora'at.
36 Musti potonop monimu kong gina in totabi kon tumpaḷa intau naí ki Amaímu nopuling doman in totabi kon intau!"
37 "Dona'ai mo'ikow mohakim kon intau, simbaí diaí doman hakimon i Allah im mo'ikow. Bo dona'ai doman mohukum kon intau. Simbaí diaí doman hukumon i Allah im mo'ikow. Ampungaibií in intau inta kotaḷaí ko'i monimu, simbaí ampungan doman i Allah in taḷaí monimu.
38 Pobogoibií kon intau ibanea; simbaí ogoian doman i Allah im mo'ikow mo'iliu kon inta inogoimu kon intau ibanea."
39 Onda intua ki Yesus nongongunman bui kom porumpama'an tana'a, kai-Nia, "Degaí mota'au aka intau nobilog bo mokapit kon intau doman nobilog? Tantuí taya dua tua in tumpaḷabií moḷabuí kom bubuí!
40 Murií diaíbií mo'iliu kong gurunya. ta'e aka murií tatua bo nopaḷutdon nobalajar, yo sia im motongkaidon ing gurunya.
41 Nongonu sim mo'ikow im mo'indoibií kom puling ko'i utatmu, ta'e balak kom bonu im matamu in diaíbií kinota'auanmu?
42 Naí ondabií mo'ikow mota'au moguman ko'i utatmu, 'Ule, onda baí inggama'anku im puling kom matamu nion', sedang balak kom matamu in diaíbií indoianmu muna? Hoi intau mongomunapik, poḷuaipa muna im balak kom bonu im matamu, baí matamu motarangdon totok bain tua bo ikow mota'au mopoḷuai im puling kom mata i utatmu."
43 "Diaíbií im pangkoi inta mopia mopomungai im bungai inta diaí mopia. Natua doman diaíbií im pangkoi inta diaí mopia mopomungai im bungai mopia.
44 Sin nongkon bungainya kota'auanbií im pangkoinya. Sim bonganga diaíbií mopomungai in ḷantat andeka diaít diaíbií mopomungai in anggur.
45 Intau inta mopia mogaid doman kon inta mopia sing ginanya pinulingan in inta mopia. Ta'e intau inta mora'at mogaid doman kon inta mora'at sing ginanya im pinulingan domandon inta mongora'at. Sin onu inta siningog im bibig yo tua in iḷumuaibií nongkon ginanya."
46 "Nongonu sim mo'ikow im moku'ukbií ko'i-Nakoí, 'Tuhan, Tuhan,' padahaḷ bo doiíbií mogaid kon onu inta pinokiaíid-Ku?
47 Pomuḷoi intau inta namangoi ko'i-Nakoí bo mo'ibog mokidongog kon singog-Ku poḷat doman dumudui kon onu inta pinokiaíid-Ku. Onu degaí im mota'au-Ku popotongakaian ko'inia tua?
48 Sia náonda bo intau inta noposindog im baḷoi. Intau tatua nongali muna kino'onag bodongka nogaid kom pondasi nongkon batu. Naonda in ḷunud moḷoben, bo baḷoi tatua inuntag in ḷunud tatua, baḷoi tatua diaí noliaimai sin aim pinosindog kom pondasi inta noroton.
49 Ta'e ki ine inta nokodongog kon singog-Ku, tongaí doií mogaid kon onu im pinokiaíid-Ku, intau tatua in náonda bo intau inta noposindog im baḷoi kon tudu im butaí inta diaí im pondasinya. Naíonda in inuntag in ḷunud, baḷoi tatua baḷuí no'umpag bo nogoguya'at totok!"
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA