Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ngini 'o tua-tuangi, ngini salingou niaki'asa yaowa 'ania gilaongo. Niongano-nganono to ngini mita 'ania tuangi wimoi daku 'o sorogaaka.

² Salingou ngini nioodumu kaitaurika niolahidoa de nimasitiari, ma de nio'amalaha ma Jouka.

³ Tanu kaitaurika minisilahidoa ngomi, la ma Jo'oungu ma Dutu 'o 'orasi wokula ma ngale 'idadi miosihabari 'o habari ma Jo'oungu ma Dutuno. 'O habari ge'ena ma ngale ma Kristus gee ma sira ma Jo'oungu ma Dutu kowosisupuwasi. 'O habari ge'enau tositotara so ne'ena ngoi tobuika.

⁴ So tanu niolahidoa la ngoi 'idadi 'o habari tosiwaiti sigado yasahe 'itiai, sababu ge'enau salingou ngoi tadiai.

⁵ 'Ania gokoie de nia gogeruku 'o nyawa-nyawaka gee koyongaku-ngakuwa ma Kristusika, ge'ena salingou de nia di-dibangi 'isure-sure, de salingou 'o 'orasi 'isinoi-noimi niosidumutu 'ato ngini ge'ena niongaku-ngaku.

⁶ Nako niobicara 'o nyawaka, ge'ena 'ania demo-demo salingou 'o nyawa yoduaka de yosanangi, ma de nianako kokia niosango yadae-daene 'o nyawa manga sa-sano.

⁷ 'O Tikhikus nanga 'esa moi gee kapowisiboso-bosono, 'asa wositotara nginika 'okia sonaa moi-moi gee 'idadi-dadi ngoioka. 'Una ge'ena 'o ro-riwo wongaku-ngaku gee woma-manarama de de ngomi ma ngale wileleani ma Jou.

⁸ Ngoi towisuloko 'o Tikhikus wotagi nginika la winidajarita 'okia naga 'idadiokau ngomioka, la nianako de nia singina 'ikuata.

⁹ 'O Tikhikus dua wotagi de nanga 'esa moi 'o Onesimus. 'O Onesimus 'una ge'ena nginino, 'una 'idadi powingaku de kamisiboso-bosono. 'Ona yamididi dua yaika nisitotara 'iodumu gee 'idadi-dadiokau nongoka dau.

¹⁰ 'O Aristarkhus gee de de ngoi misidubuika, wosidingoto 'awi tabea nginika. 'O Markus, 'o Barnabas yadaene 'awi 'esa moi, mita wosidingoto 'awi tabea nginika. ['Unau ge'ena ngoi tobesesongokau nginika la nako woboa nginika de winidawongo.]

¹¹ 'O Yesus gee wisironga-ronga mita 'o Yustus, 'una mita 'awi tabea wosidingoto nginika. 'Iso de 'o Yahudiokau gee yongaku-ngakuokau 'o Yesusika, ka 'ona yaruange duga ne'ena naga mimasidamanarama ma ngale miosidagi ma Jo'oungu ma Dutu 'awi pareta. 'Onau ge'ena 'ai singina posironga yosikuatoka.

¹² 'O Epafras mita wosidingoto 'awi tabea nginika. 'Una ge'ena nginino mita. 'Una wile-leleani ma Kristus Yesus, gee de wi singina ma gou-goungu winisilahidoa. 'Una woga'asoko ma Jo'oungu ma Dutuka la 'ania ngo-ngaku 'o Yesusika 'ifoloi 'ikuata de ma gou-goungu koingali-ngaliwau, la ngini niakokimoteke ma Jo'oungu ma Dutu 'awi mau.

¹³ Sababu ngoi ma sirete towimake 'una womariwo ma sala womanarama ma ngale woriwo nginika, de mita 'o Laodikiaka de 'o Hierapolisoka.

¹⁴ Ma dotere 'o Lukas gee powisiboso-bosono, de 'o Demas yosidingoto manga tabea.

¹⁵ Tanu niositotara 'amia tabea 'o nyawa yongaku-ngakuka 'o Laodikiaka, de mita nanga biranga mimoika gee mironga ngo Nimfa de 'o nyawa-nyawaka gee yosuba-suba ma Jouka 'ami woaka.

¹⁶ Nako ma surati ne'ena niabacakau so niokoki'isenokau, ge'ena tanu 'o Laodikiaka ma jamatioka mita yabaca. De ma surati gee tosidingo-dingoto 'o Laodikiaka, ge'ena ngini mita salingou niabaca.

¹⁷ De niosidemoka 'o Arkhipusika la 'awi manarama gee 'isitatapuokau ma ngale wileleani ma Jou, salingou wosiduanga de wi singina ma gou-goungu.

¹⁸ Ngoi ma sirete totulisi 'ai tabea ne'ena. 'Uwa niamongoro ma 'orasi ne'ena ngoi ka 'o buiokasi! Tanu ma Jou winisibarakati de winikula 'awi singina ma sure. Ngoi 'o Paulus, tinitabea!

Kolose

Video Kolose 4

Ikuti Kami:

KONTAK | PARTISIPASI | DONASI