Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Telu rani radu jak Festus sampai di daerah ano, ia mik jak Kaisarea mik Yerusalem.

² Di dudi imam-imam kepala rik jelma-jelma sai mimpin Yahudi ngajuko jama ia pengaduan tian tehadap Paulus. Tian terus gaoh ngebujuk Festus

³ in atas kebetikan hatini jama tian, ia haga ngayun ulun ngusung Paulus mik Yerusalem; mani tian radu sepakat untuk ngebunuh ia di tengah renglaya.

⁴ Kidang Festus ngejawab, "Paulus sedang ditahan di Kaisarea; rik nyak tenggalan pun mak mesaka lagi haga muloh mik disan.

⁵ Jadi, tagando ulun-ulun terkemuka di hantara keti mik jejama nyak mik Kaisarea rik memperkarako ia di disan, kik sangun ia radu ngelakuko sai hal kesalahan."

⁶ Radu jak tinggal di Yerusalem kira-kira walu atau puluh rani lagi, Festus muloh mik Kaisarea. Jemohni ia ngadako sidang pengadilan rik merintahko in Paulus diusung ngehadap.

⁷ Waktu Paulus sampai, ulun-ulun Yahudi sai radu ratong jak Yerusalem cecok ngelilingi ia, rik mulai ngajuko tuduhan-tuduhan sai biak tehadap ia. Kidang tian mak dapok ngebuktiko tuduhan-tuduhan udi.

⁸ Delom pembelaanni, Paulus cawa, "Nyak mak ngelakuko sai pun sai salah tehadap hukum Musa atau tehadap Lamban Ibadah ataupun tehadap Kaisar Roma."

⁹ Kidang Festus haga ngakuk hati ulun Yahudi. Maka ia betanya jama Paulus, "Haga mak niku mik di Yerusalem untuk diadili di dudi, di hadapku mengenai tuduhan-tuduhan ano?"

¹⁰ Paulus ngejawab, "Nyak sedang cecok di hadapan Mahkamah Kaisar Roma; rik di rang udido nyak harus diadili. Tuan tenggalan pandai bahwa nyak mak besalah tehadap ulun Yahudi.

¹¹ Kik nyak radu ngelanggar hukum rik ngelakuko sai hal sai patut dihukum jama hukuman mati, nyak rila mati. Kidang kik tuduhan-tuduhan tian mak benor, mak sai jelma pun ngasi nyerahko nyak jama tian. Nyak ngilu diadili di pengadilan Kaisar!"

¹² Radu jak berunding jama penasihat-penasihatni, Festus cawa, "Niku ngilu diadili di pengadilan Kaisar, jadi niku harus mik ngehadap Kaisar."

¹³ Mak pira saka radu jak seno, Raja Agripa rik Bernike ratong mik Kaisarea untuk ngucakko selamat jama Festus.

¹⁴ Radu jak tian wat pira-pira rani di dudi, Festus nerangko perkara Paulus jama Raja Agripa. Festus cawa, "Wat di dija sai jelma tahanan sai ditinggalko ulih Feliks.

¹⁵ Waktu nyak wat di Yerusalem, imam-imam kepala rik jelma-jelma sai mimpin Yahudi ngajuko pengaduan tian tehadap ulun udi rik ngilu in nyak ngejatuhko hukuman jama ia.

¹⁶ Kidang nyak ngejawab bahwa jelma Roma mak dapok nyerahko injuk reno gaoh sai jelma tetuduh untuk dihukum, kik tetuduh ano makkung behadapan jama pendakwa-pendakwani rik dikeni kesempatan ngebela diri.

¹⁷ Jadi, waktu tian ratong mik dija, nyak mak nunggu saka-saka. Jemohni nyak langsung ngadako sidang pengadilan rik memerintahko in ulun udi diusung ngehadap.

¹⁸ Waktu para pendakwani cecok ngajuko pengaduan tian, tian mak ngajuko sai hal kejahatan pun injuk sai kukira tian haga ajuko.

¹⁹ Tian angkah bebida pendapat jama ia mengenai agama tian tenggalan rik mengenai sai jelma sai gelarni Isa. Jelma udi radu mati, kidang Paulus bekeras bahwa jelma udi hurik.

²⁰ Mani nyak bingung mengenai injuk repa nyak dapok mansa keterangan-keterangan mengenai perkara udi, nyak betanya jama Paulus api ia haga mik di Yerusalem rik diadili di disan atas perkara udi.

²¹ Kidang Paulus ngilu cakak banding; ia ngilu in ia tetap tinggal ditahan sampai perkarani diputusko ulih Kaisar. Ulihni seno nyak memerintahko in ia ditahan terus, sampai nyak mansa kesempatan untuk ngirim ia jama Kaisar."

²² Raduni Agripa cawa jama Festus, "Nyak tenggalan pun mirak ngedengi jelma udi." "Jemoh Tuan dapok ngedengini," jawab Festus.

²³ Jemohni Agripa rik Bernike ratong jama upacara kebesaran. Tian kuruk ruang sidang jejama jama tukoh-tukoh angkatan perang rik jelma-jelma terkemuka di kota ano. Atas perintah Festus, Paulus diusung kuruk.

²⁴ Raduni Festus cawa, "Baginda Agripa rik para hadirin! Jelma inji radu diaduko jama nyak ulih seluruh bangsa Yahudi, baik sai di Yerusalem maupun sai di dija. Tian nuntut jama mekik-mekik bahwa ia mak patut ditaganko hurik.

²⁵ Kidang nyak mak ngehalu sai hal pun sai radu dilakukoni sai dapok dihukum jama hukuman mati. Rik ulih sebab ia tenggalan radu ngilu perkarani diadili di pengadilan Kaisar, nyak radu mutusko untuk ngirim ia jama Kaisar.

²⁶ Kidang nyak makkung ngedok sai hal keterangan sai tegas mengenai dirini untuk ditulis delom suratku mik jama Kaisar. Udi sebabni nyak ngehadapko ia jama Tuan-tuan sunyinni, terutama nihan mik jama Sai Mulia Baginda Agripa! Maksudku yakdo in radu jak pemeriksaan inji, wat bahan bagiku untuk nulis.

²⁷ Mani menurut perasaanku, mak pada tempatni ngirim sai tahanan, jama mak nyatako kesalahan-kesalahan sai dituduhko jama ia."

Kisah Para Rasul

Video Kisah Para Rasul 25

Ikuti Kami:

KONTAK | PARTISIPASI | DONASI