Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Na'abií im pangkoi totok onu in ino'uman naton: Oyuíondon Imang Moḷoben naton naí tatua inta ilimituí nomarentah noyotakin i Allah inta totok Momulia kon soroga.
2 Sia nopobayak in oaíidan-Nya saḷaku Imang Moḷoben kon Tampat inta paling Mosuci kom bonu ing Kemah i Tuhan. Kemah inta pinosindog i Tuhan tontanií, de'emanbií intau in noposindog.
3 Pomuḷoi imang moḷoben sinantuí bidon kom musti moposumbah ing kurban andeka mobogoi in sosumbah ko'i Allah. Natua doman in Imang Moḷoben naton, musti oyuíon doman in ogoi-Nya posumbah.
4 Aka Sia nogutun kon dunia na'a, daí diaíbií nobalií Imang in Sia, sin oyuíon bidon in imang kon dunia na'a inta moposumbah ing kurban inta pino'igum in hukum agama Yahudi.
5 Oaíidan inta inaidan monia tua saḷaku imang sabanarnya in tongaíbií gambaran bo olinow in onu inta kon soroga. Tua aim bidon pinota'au i Allah ko'i Musa kolipod, kowakutu in sia noposindog ing Kemah i Tuhan. Nana'a ing guman i Allah ko'i Musa, "Pokotorop! Tua komintan mustibií pomia'anmu podudui ing gambar inta pino'ontong-Ku ko'inimu kon tudu im buḷud."
6 Ta'e tana'a ki Yesus noko'ulií kon tugas imang inta momuli-mulia nongkon inta inaidan in imang mita tatua. Sin dodandian inta pinomia-Nya kon sigad i Allah bo in intau tua dodandianbií inta lebe mopia sim pinodoyon doman kon dandi inta totok im mopia.
7 Aka kuma bo diaí ing ga'atnya kon dodandian inta muna, yo tantu diaí bidon paraḷu mogaid bui kon dodandian inta induanya.
8 Lantaran kino'uliíandon i Allah kon taḷaí in umat-Nya, sahingga noguman in Sia nana'a: "Pokotorop, pokotorop, mo'iangoibií in wakutunya, Aku'oi mogaid kon dodandian mobagu takin bangusa Israel, bo takin bangusa Yohuda.
9 De'emanbií naí dodandian inta inaidan-Ku takin mogoguyang monia wakutu im mosia dinia-Ku iḷumuai nongkon butaí im Mesir. Mosia diaí tantu dinumudui kon dodandian inta inaidan-Ku takin i monia; tuamai diaídon pandungon-Ku im mosia.
10 Ta'e tana'a, na'adon in dodandian inta pomia'an-Ku takin umat-Ku Israel, Kon singgai mita mo'iduduimai, Pirman i Tuhan: Popotonop-Ku in hukum-Ku kom bonu im pikiran monia, bo popopais-Ku domandon kong gina monia. Aku'oi im mobalií ki Allah monia, bo mosia im mobalií umat-Ku.
11 Diaí bidon paraḷu im mosia motunduí kon tumpaḷa umat kon sigad monia tua, andeka mopota'au ko'i utatnya, 'Popirisayadon ko'i Tuhan.' Sim mosia komintan, adií itoi, monota'aubií ko'i-Nakoí.
12 Ampungan-Kudon in taḷaí mita monia, bo diaí bidon umuran-Ku toropon makow in dosa mita monia."
13 Naonda im pinomiadon dodandian nobagu tua, daí binaliídon i Allah nokoyongan bo no'itontumi in dodandian inta muna; bo onu inta no'onggot tua in ḷagidon moyoyang.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA