Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Wali samparia tau to rato’oka to pampue to bae angganya, tau etu to lino semo to rapilis, panewa rapakatantuka mangika palaong i mPue. Wali ia mampotango i Pue Allah mangamponsaruka yununya anu to lino etu. Ia mampampueka resi i Pue Allah sora pasi pampue to nakeni ntau etu see dosa nsira tamo darakitanaka.
2 Tau etu mangika dosa etu apa saba sira tawa manasanya pasi apa saba sira ratipu. Wali to pampue etu nakurang mangansabaraka sira apa ia to lino seja, wali ia mayu’u seja sewaju pei sira.
3 See naka ia si’a ojo mampampueka pampue to nakeni nsa’e see i Pue Allah tamo mangkitanaka dosa nsira. Ia taa maya taa mangkeni seja pampue pei mampampueka see i Pue Allah tamo damangkitanaka seja dosa to si ia.
4 Wali tare tau to mangokotaka koronya damawali to pampue to bae angganya. Ojo yako pampokio i mPue Allah naka pei tau mangarata palaong to bae angganya etu, ewa to mawali resi i Harun tempo owi.
5 Pasi ewa see seja i Kerisitu. Ia taa seja mangokotaka koroNya mawali to pampue to bae angganya. Pei i Pue Allah semo to mangokotaka Ia, to’oNya, “Korom AnangKu, Seo si’i Aku mawalimo Pa’aMu.”
6 Pasi re’e wo’u gombo to yusa to nato’o i mPue Allah, Ia manganto’o, “Korom mawalimo to pampue rataka ri singkasaenya, sewaju ewa i Melkisedek tempo owi.” Etu semo gombo i mPue Allah resi i Kerisitu.
7 Wali ri rayanya i Yesu tuwu ri lino, Ia kaboo-boo pei tumangi makai-kai pasi mamporapi sawang resi i Pue Allah. Ia nansani i Pue Allah re’e kuasa mampalaes Ia yako ri kapate, pei Ia mampalaika i Pue Allah saba manga’angga Ia, wali Ia mangalulu pamporaniNya. Wali see naka i Pue Allah mangandonge pokaikaiNya etu.
8 I Yesu Ia semo Ana i mPue Allah, pei nempo ewa see Ia tiroo mangarata kasesa. Pasi yako ri kasesa etu Ia mangepe ewa wimba kasulinya mampolaika i Pue Allah ri raya ngkasesa.
9 Wali apa saba i Yesu mangarata kasesa ewa wetu, see naka Ia masipato kojomo mawali to pampue to bae anggaNya. Apa Ia roomo mangepe to naepe nto lino. Wali Ia nato’oka i mPue Allah to pampue to bae angganya sewaju ewa i Melkisedek tempo owi. Pasi Ia semo to mangika jaya see samparia tau to mampolaika Ia maya rapalaes rataka ri singkasaenya.
10 (5:9)
11 Wali tiroowa boros to kami rani manganto’o mangkonong palaong etu, pei masuli mampakanasaka komi apa komi taa madota mangampodongeka.
12 Wali kamonsonya to tao-tao komi semo to mangampotundeka sa’e si’i-si’i. Pei komi taa nukoto mangampotundeka sa’e. Komi tiroo parluu rapotundeka wo’u mangkonong anu to uyunya kojo rapotundeka komi seore yako tuntu i mPue Allah. Anu to etu raporapaka ewa ue nsusu pasi komi ewa ana kodi to tawa nakoto mangkoni pangkoni to mako’o.
13 Wali tau to mansusu, tau etu tiroowa ana kodi. Wali tau to raporapaka ewa ana kodi etu, ia tawa nakoto mangansani anu to rapotundeka mangkonong anu to singkonong pei i Pue Allah.
14 Pei pangkoni to mako’o danakoni ntau to bosemo. Wali tau to raporapaka ewa tau bose, etu semo tau to mampobiasaka mampobuuka see mangansani mampasisala anu to matao pasi anu to maja’a.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA