Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Anid-anid Imam Rayeh ineh pinili' rat arang lemulun, idi litep ngakem kuan Allah ngaceku lemulun, pad ideh maré luk barén idi luk kereten luun bubpun kuan Tuhan, ngaceku sala' lemulun.
2 Ngaceku ieh sebuleng melaya' ieh miak mulai niat kuan lemulun luk mebacé idi neraruh.
3 Idi ratnan ineh na miak na ideh maré luk kereten ngaceku sala', baken ngaceku pupu ineh mo', iamo' ngaceku bururneh sebuleng teh.
4 Na luk idi seburur pana' luk miak ngalap dita' ineh kuan bururneh sebuleng, iamo' kudeng ieh tinawar Allah, mepad kudeng Arun, ieh miak mangun ku Imam Rayeh.
5 Kudeng ineh teh Keristus pana', na Ieh nengerayeh bururNeh pad Ieh mangun ku Imanm Rayeh, iamo' Allah luk nepebala Neneh, "Iko ini AnakKu; Aco Sini Ui mangun ku TamanMu."
6 Idi teh Ieh nepebala bang ayat baken teh, "Iko ini Imam luk ruked-ruked maya' dalan Melkisedek."
7 Kareb Yésus mulun bang tana' ini, Ieh pana' nesembayang idi nemutuh dengan rayeh arod idi tangi' pa kiung Allah luk melalud ngulun Neneh ratnan até. Idi sembayang Yésus pangeh pindenger Allah ngaceku Ieh nengebeneh bururNeh pa kiung Allah.
8 Sagan pana' Ieh Anak Allah, Ieh nesibada' maya' bala ngaceku amung-amung derehNeh.
9 Kareb Ieh pangeh linigan, Ieh mangun ku lawa ulun luk meruked kuan amung lemulun luk maya' balaNeh,
10 idi Ieh titen Allah, Imam Rayeh maya' adat Melkisedek.
11 Inan mula' luk miak belén tau ratnan ini, iamo' na tau miak ngegala' ineh, ngaceku muyuh na miak kali' ilungneh.
12 Setuneh petulu muyuh miak mangun ku guru ngaceku muyuh mio maya', iamo' na miak na muyuh badén teh ratnan bada' Allah luk pun-pun. Muyuh ineh lemulun luk na miak kuman akan luk metueh, iamo' muyuh lakat niti'.
13 Ngaceku lemulun luk niti' na pekalai ku bada' luk ratnan luk matu ngaceku ieh anak.
14 Iamo' akan luk metueh ineh kuan lemulun luk rayeh ulun, ieh ineh kuan lemulun luk pangeh pekalai ratnan ilehneh, pad miak mili' luk do' idi luk dat.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA