Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Dandi i Allah tatua umuranpabií pakeíon, bo kita ogoianbií im pogogaian inta pinodandi-Nya tatua. Manangka intua kita musti umuran kiḷuka-ḷukadmai simbaí diaí in tobatuímai kon sigad monimu in diaí moko'ulií kom pogogaian inta pinodandi-Nya tatua.
2 Sin habar tatua pinota'audon doman ko'i naton notongkai naí ko'i monia. Ta'e habar tatua diaí im baragunanya ko'i monia, sin wakutu in dinongog monia diaí pinirisaya monia intua.
3 Ta'e kita inta mopirisaya umuranbií moko'ulií kon tampat pogogaian inta pinodandi i Allah tatua. Soaáḷ tatua noyoka'an in onu inta siningog i Allah nana'a: "Aku'oi sinumoruí bo nongibot, 'kom mosia in diaíbií mo'ituot bo mogogai moyotakin-Ku." Ki Allah noguman natua umpakah oaíidan-Nya nopaḷutdon kowakutupa in nomia kon dunia na'a in Sia.
4 Sin soaáḷ singgai im pitunya na'a aim pinais kom Buk Mosuci nana'a: "Kon singgai impitunya ki Allah nogogai nogaid kom bayongan oaíidan-Nya."
5 Bo oyuíon doman im pinais nana'a: "Mosia in diaíbií tumuot kom butaí tatua bo moko'ulií kom pogogaian moyotakin-Ku."
6 Daí mosia inta muna-munamai nokodongog kon Habar Mopia tatua, diaí noko'ulií kom pogogaian tatua sin diaí im mosia nopirisaya. Aka natua daí nosilang bidon kon oyuíonbií in intau ibanea im mota'au motarima kom pogogaian tatua.
7 Sing ki Allah nonantuí domandon kon singgai ibanea inta sinangoian "Singgai Na'a." Bo naonda in tongonumaidon notaong no'iduduimai kon tua, ki Allah bui nosingog kon soaáḷ tatua pinongin i Daud, kom bonu in ayat inta pinais ko'ina, nana'a: "Aka singgai na'a mokodongog im mo'ikow kon singog i Allah, yo dona'ai togaton ing ginamu."
8 Aka kuma bo inogoidon i Yosua in tampat pinogogaian inta pinodandi i Allah tua, yo tantuí diaí bidon ing ki Allah noguman bui kon soaáḷ singgai ibanea nion.
9 Manangka intua, kon umat i Allah oyuíonpabií in dandi pogogogaian naí ki Allah inta nogogai doman kon singgai impitunya.
10 Intau inta ain sinumu'ot kon tampat pogogogaian i Allah, yo sia im mogogai bidon kom bayongan oaíidannya, naí doman ki Allah inta nogogaidon kom bayongan oaíidan-Nya.
11 Tuamai, koligai ing kita moramiji totu-totu'u tumu'ot kon tampat pogogogaian tatua, simbaí diaí tobatuímai intau kon sigad naton in diaí mo'ituot kon tampat tatua naí mosia kolipod sin lantaran diaí mopirisaya ko'i Allah.
12 Sim pirman i Allah tua in singogbií inta nobiag bo moropot bo Siabií im moḷani-ḷanit nongkon pitow inta doyowa im matanya. Singog tatua tumurak nodapot in nopoyotondi in jiwa bo roho; bolikatog bo tuḷan bobubuton, sahingga ing kota'auannyadon totok in raian bo niat in intau.
13 Diaíbií tobatuímai mahaḷuk in diaí ontongon i Allah. Bayongan yagi-yagi komintanbií ontongon-Nya makow motarang kon tayowon-Nya. Bo mustibií tanggung jawabon naton kon tayowon-Nya.
14 Manangka intua, musti umuran ing kita kumadai kon onu inta ain inaíku bo pinirisaya naton sin oyuíondon in Imang naton momulia bo inta moḷoben. Sia ain sinumuot dapot kon tayowon i Allah, Sia tuata ing ki Yesus ki Adií i Allah.
15 Imang Moḷoben naton tua in de'emanbií imang inta diaí umuran kotaki-takin mokorasa kon yoyiga mita naton. Sia ain sinoba kom bayongan yagi-yagi naí doman kita na'a ta'e diaí in Sia nogaid kon dosa!
16 Tuamai, koligai ing kita dika mo'ondo-ondok im mayak kon tayowon i Allah inta nomarentah takin pia ing gina. Motabibií ing ki Allah ko'i naton bo ogoian-Nyabií im barakat, sahingga motarimabií ing kita kon totuḷung-Nya aka kowakutunyadon.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA