Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Wali a’i-a’i, ane kita re’e mangangkita samba’a yununta to ra’akal see naka ia mangika palaong to sala, to tao-tao kita to nakentar i Nosa Mapasing yau mampakakonoka tau etu. Pei tempo kita mampakakonoka ia etu, ne’e kita makasar resi ia. Masipato kita masisawang ewa naika ntau to mangansawang yununya mangkoyo anu to mabeu. Apa ane kita masisawang, batuanginya kita mangalulu porenta i ngKerisitu. Pei anu kita mangajagai kojo naka ne’e kita daragoda damangika seja palaong to naika ntau etu.
2 (6:1)
3 Apa ane re’e tau to mangei mampobuuka pei manganto’o, “Aku semo to tao-tao pei yunungku,” tau etu ojo mangantipu koronya. Apa kamonsonya si’a ia to tao-tao pei yununya etu.
4 Wali ne’e kita mangei mampobuuka lengko ngkita to tao-tao pei lengko nu yununta. Pei anu kita mamparesa lengko ngkita samba’a pei samba’a. Wali ane matao lengko ngkita etu, masipato kita masanang rayanta, pei si’a masanang apa saba lengko ngkita to tao-tao pei lengko to si sa’e.
5 Apa matao ane kita samparia mangika palaong ngkita samba’a pei samba’a.
6 Wali tau to rapotundeka tuntu i mPue Allah, tau etu masipato mangantilaka tau to mampotundeka sira samparia anu to matao to re’e resi sira.
7 Wali ne’e komi ratipu sampe mampobuuka palaong ngkomi maya rawuni yako resi i Pue Allah. I Pue Allah taa maya ratipu. Ia mangansani samparia to naika ngkita. Wali kesaa to napomuya ngkita, etu semo datapota.
8 Wali batuanginya, ane kita ojo mangaluluka yau pampobuuka ngkita to masae, kita damangarata kapate. Apa etu semo wua mpampobuuka to masae. Pei ane kita mangalulu pamporani i Nosa Mapasing, kita damangarata katuwu to singkasaenya. Apa etu semo to nawai i Nosa Mapasing.
9 Wali ne’e kita mosa mangika palaong to matao. Apa ane kita taa mandoo yau mangika palaong to matao, kita damangarata wua mpalaong etu ane ratamo temponya.
10 Wali anu kita sangkani pakayoaka mangika matao resi samparia tau, taa manto’o resi pua’i ngkita to samba’a pangaya.
11 Wali kasimbalinya yako etu aku rani komi mangkita ewa wimba kabosenya hurup to ratulis ri gombongku to kapuranya si’i. Ane ewa wetu, batuanginya aku semo to mangantulisika komi.
12 Wali tau to rani mampakasaaka komi see komi darasui mangalulu ada nto Yahudi, tau etu ojo rani nabarong nsa’e saba kadota nsira mangalulu ada nu agama. Pei naka pei sira mangika ewa wetu see taa danasesai nsa’e. Apa sira mangansani ane sira manganto’o, “To kami mansarumaka, ojo kapate i ngKerisitu ri kaju pasape,” ane ewa see nato’o nsira, sa’e damangansesai pu’u sira.
13 Pei kamonsonya, sakowa to Yahudi to roomo rasui mangalulu ada nsira, sira taa seja mangalulu porenta i Musa. Pei sira rani komi rasui see sira maya tabaro manganto’o komi rasui apa saba kadota nsira.
14 Pei ane aku, tare yusa to aku mangabarong. Ojo kapate i Yesu Kerisitu, Pue ngkita, ri kaju pasape, etu semo to kubarong. Apa yako kapate i Yesu Kerisitu ri kaju pasape, see naka anu to na’angga nto lino tamore batuanginya resi aku, pasi aku tamo seja re’e anggangku ri pangkita nto lino.
15 Wali tau nempo rasui mangalulu ada nto Yahudi, pasi nempo taa rasui, taa mawei. Apa rasui tare batuanginya. To bae batuanginya i Pue Allah roomo mangawali kita mawali tau to bou.
16 Wali aku mampokaikaika samparia tau to mangaluluka porenta to kupotundeka ri raya nsura si’i. Pasi aku mampokaikaika seja to Yahudi to i Pue Allah Puenya. Aku mamporapika resi i Pue Allah see Ia mangawaika samparia tau etu karodo ndaya pasi mampaponsanika sira pamporayangiNya.
17 Wali yako tempo si’i, ne’emo tau mampakasusa aku manganto’o aku tare kuasa mawali pomakau i mPue Yesu. Apa korongku si’i maroyomo naika ntau mangantidas saba aku mangika palaong i mPue Yesu.
18 Wali a’i-a’i, aku makai-kai resi i Yesu Kerisitu, Pue ngkita see Ia mampaponsanika tonii ngkomi kanotoNya. Amin. Ungkanyamo ruyu gombongku si’i.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA