Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 O kinanak-kinanakku, kudeng seburur kikem bang anun-anun luk mesala', do' muyuh luk kiuten Roh ineh ngedo' lemulun luk kudeng ineh dengan niat luk mebeneh, dengan ngerawé burur muyuh sebuleng pad muyuh sebuleng na mekaneh tutun.
2 Do' muyuh mabeh babeh muyuh seburur dengan seburur, idi kudeng ineh teh muyuh ngeriput ukum Keristus.
3 Ngaceku kudeng idé lemulun luk ngerawé bururneh do', setuneh na ieh do'. Ieh naluk bururneh sebuleng.
4 Iamo' do' anid-anid burur ngiti kekamenneh sebuleng. Kudeng kekamenneh do', idi teh ieh miak mawang niat ku luk inau'neh ineh dengan na pian uen maad dengan lun baken.
5 Ngaceku anid-anid burur miak mabeh babehneh sebuleng.
6 Do' lemulun luk badén ku bada' Kristen maré babpat binawehneh kuan lemulun luk mada' neneh.
7 Aleg muyuh uen naluk; Allah na miak inan situnga. Anun-anun luk tibuen lemulun, ineh teh luk miak ruenneh ngeranih.
8 Kudeng ieh nibu maya' pinian bururneh, ratnan pinian bururneh ineh ieh miak ngeranih até; iamo' kudeng ieh nibu maya' kuyut Roh ineh, ratnan Roh ineh ieh miak ngeranih ulun luk meruked.
9 Aleg tau musam nganau' luk do', ngaceku inan karebneh tau ngeranih, kudeng tau tuman.
10 Ngaceku ineh, do' tau megéi' nganau' luk do' kuan amung-amung lemulun, meluun teh kuan kinanak-kinanak luk pad-pad manu.
11 Siruh, kudeng apeh rayeh urup luk inayud kuan muyuh dengan ticu'ku sebuleng.
12 Lemulun luk ngedita' bururdeh maya' ayu lemulun, ideh luk ngesaad nemuyuh ruen nunat, pad ideh na uen ngedereh ratnan salib Keristus ineh.
13 Lemulun luk sinunat ineh na ngimet Ukum, iamo' piandeh muyuh ruen nunat pad ideh miak ngedita' bururdeh ngaceku muyuh maya' adat ineh.
14 Iamo' na ui pian medita' niat ku luk baken ratnan salib Tuhan tau Yésus Keristus. Ngaceku ratnan salibNeh ineh, tana' ini sinalib kuanku, idi ui pana' sinalib kuan tana' ini.
15 Ngaceku sunat idi na sinunat ineh pana' nateh ulekneh, iamo' luk inan ulek, ieh ineh aceh pudut luk mebaruh.
16 Do' awang idi éi' temuruh luun amung-amung lemulun luk maya' ukum ini, idi luun pupu Allah ineh.
17 Rat kareb ini aleg seburur pana' ngesusa' negku; ngaceku pilat Yésus ineh luk luun bururku ngegala' ratnan ui ini demulun Yésus.
18 Do' katu Tuhan tau Yésus Keristus ngedengan roh muyuh, O kinanak-kinanakku. Amin.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA