Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Ma 'orasi ne'ena ngone kopoyongosuawau ma ngale ko 'o 'agama ma besesonguawau 'inaparetano, sababu ma Kristus wonasimadakau! Sababu ge'ena niomariwo la 'uwa niomau nisiyongosioli.

² Ngoiou ma sirete tinidongose nginika naneda: Niosi-singina, nako niomaga'asoko nisuna sababu niamoteke 'o 'agama ma besesongo, ge'ena ma ngale ma Kristus 'awi faedaa koi'iwa nginika.

³ Ma moiosi tosidemo 'o nyawa 'iodumika gee yomasidabi yakisuna, 'ona ge'ena salingou yamoteke 'o 'agama ma besesongo 'iodumu!

⁴ Nako niomau niasanangi ma Jo'oungu ma Dutu 'awi singina ma ngekomo niamoteke 'o 'agama ma besesongo, ge'ena ma ngale ngini ma gou-goungu nimasikurutokau ma Kristusoka. So ngini nio'ahu ko ma Jo'oungu ma Dutuwau 'awi dora ma sigoronaka.

⁵ Ma nako ngomi, 'o Ngomasa 'Itebi-tebini miriwo so miongano-nganonou 'ato sababu miongaku ma Kristusika so miomarimoioli de ma Jo'oungu ma Dutu.

⁶ Sababu nako ngone pomarimoiokau de ma Kristus Yesus, pamoteke bolo ko'uwa 'o suna ma 'atorangi ge'ena ma soali koi'iwau. 'Iparaluu ma sala ge'ena duga kapongaku ma Kristusika, de ge'ena posiwaiti ma ngekomo pakidora 'o nyawaka.

⁷ Ma sira ngini niomariwo ma sala niamoteke 'o Habari ma Owa ma ngale ma Kristus! De ne'ena nago'onau nibaja so nia 'ahu ma sigoronaka koniosingounuawau ma Jo'oungu ma Dutu 'awi mau?

⁸ Koge'ena 'idadi ge'ena ma sababu ko ma Jo'oungu ma Dutuokawa de yaino gee wini'asokokau ngini.

⁹ 'O nyawa yongose 'ato, "'O ragi ka ma etaka ma gee 'isikaruahekau de 'o tarigu, ge'ena dua ma tarigu 'iodumu 'ikokidoaka."

¹⁰ Ngaro koge'ena ma sababu ngone gee pomarimoiokau de ma Jou, ngoi tamaoku 'ania ngo-ngaku dua kaimatero de to ngoi. De ngoi tanako nago'ona bato yakaruahe 'ania di-dibangi, ma Jo'oungu ma Dutu 'asa wakihukumu.

¹¹ 'Esa moi riaka dodoto! Nako sigado ne'ena naga ngoi katosidotokosi 'ato ngone 'o nyawa salingou pomasuna la nanga 'ahu 'itiai ma Jo'oungu ma Dutu 'awi bionoka, ge'ena ma raiokau 'o nyawa koihalebiruwau. De nako ngoi tosidotoko 'ato 'o suna ge'ena 'iparaluu, ge'ena ma raiokau ma soali koi'iwau ngaro yo'isene 'ai do-dotoko ma ngale 'o Yesus wosongene 'o salipoka ma.

¹² 'Ifoloi yaowa 'o nyawa gee yakaruahe 'ania di-dibangi go'ona, 'ona ge'ena yamakabirikau!

¹³ 'Esa moi riaka dodoto, ngini ma Jo'oungu ma Dutu wini'asokokau niodadi 'o nyawa koyongo-yongosuawau ma ngale 'o 'agama ma besesongo koniparetanowau. Ma 'uwa sababu ngini ko 'o yongosuwau so konimaogoruwa niodiai 'ito-torou moteke to ngini nia mau, ma 'ena salingou ngini nimakadora de nimakaleleani moi de moi.

¹⁴ 'O 'agama ma besesongo 'iodumu 'isitipokono 'o besesongo moioka ne'ena ge'ena la, "Salingou nakidora 'o nyawa-nyawaka 'isoka nginioli ma sirete nomadora."

¹⁵ Ma nako ngini moi de moi nimakasaturuu matero ka 'o haewani 'iti-tingkai 'imakagoli, niosi-singina, dua ngini nioodumu niotorouoka.

¹⁶ Tomau tinisidemo tositi-tiaika ge'ena la: Salingou nio'ahu moteke 'o Ngomasa 'Itebi-tebini ma mau, la ngini 'asa koniodomotekuwa 'ania mau 'ito-torou.

¹⁷ Sababu 'o nyawa ma du-duaka 'imakatilikutu de 'o Ngomasa 'Itebi-tebini ma du-duaka. Ge'ena modidi 'imakatilikutino so ngini koidadiwa niadiai 'okia naga gee niodua-duaka.

¹⁸ Ma nako ngini 'o Ngomasa 'Itebi-tebini niparetano, ge'ena 'o 'agama ma besesongo konikuasanowau.

¹⁹ 'O nyawa ma du-duaka 'ito-torou ge'ena 'inyata naga 'o manarama 'ito-torouoka, ge'ena la yomakapake kaitimaronga, yodi-diai 'okia sonaa 'imedi-mediri, yomakapake manga mahe koi'iwakau matero ka 'o kaso,

²⁰ de 'o barahala yasuba, yotawa-tawara, yomakasaturuu, yomakangamo, 'o nyawa manga kia sonaa ma yomau yomasito'ona, yotabangamo, yomadengo-dengoka, koyomarimoiwau de yomakatilikutinou 'o bula yamo-moi.

²¹ De mita yomakataleana, yaki'eto-'eto, yorame-rame 'o rame ma dorou, de 'iregu-reguosi. Ge'ena 'iodumu tinisingano-nganono nginika ne'ena, 'isoka kokia naga gee tinisingano-nganonokau ma sirasi mita, 'ato 'o nyawa gee yodi-diai koge'ena-'ena ge'ena dua koyodadiwa ma Jo'oungu ma Dutu 'awi 'umati.

²² Ma nako 'o nyawa gee 'o Ngomasa 'Itebi-tebini yakiparetano ge'ena ma duanguku koneda: 'Ona yomasikabosono, kayomore-morene, manga singina 'isa-sanangi, manga sabari 'iamoko de yoduaka yoriwo, manga singina 'isure 'o nyawaka, de manga singina 'iboooto,

²³ manga singina 'ima'ai, de ya'akunu yapareta manga nyafisuu. Ne'ena 'iodumu 'o 'agama ma besesongo koi'iwa koisidabiwa.

²⁴ 'O nyawa gee yomotekokau de ma Kristus Yesus, 'ona ge'ena yamadakau manga du-duaka 'ito-torou de 'o nyafisuu ma dorou.

²⁵ 'O Ngomasa 'Itebi-tebini 'inakulakau 'o 'ahu ma sungi; sababu ge'enau so, 'ifoloi yaowa 'enau yaparetano to ngone nanga 'ahu.

²⁶ Ngone koidadiwa pomaie, koidadiwa 'o nyawa manga singina pasiri, de koidadiwa pomakataleana moi de moi.

Galatia

Video Galatia 5

Ikuti Kami:

KONTAK | PARTISIPASI | DONASI