Loading audio...
Error: Maaf, audio tidak dapat diputar.
(It seems your browser does not support HTMLMediaElement.playbackRate, so you will not be able to change the speech rate.)
Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.
1 Nekini tau mepuit, ngaceku Keristus pangeh nemuit netau. Ngaceku ineh do' tau tuped meraben, idi aleg muyuh mangun ku demulun sekua' teh.
2 Ninger muyuh! Ui ini Paulus pebala nemuyuh. Kudeng muyuh ruen nunat, ilungneh Keristus na ulek kuan muyuh.
3 Sekua' teh ui mada' nemuyuh: idé-idé luk ruen nunat, idi na miak na ieh maya' amung-amung Ukum ineh.
4 Muyuh luk sikal ruen matu ratnan maya' Ukum ineh pangeh nepatad ratnan Keristus. Muyuh pangeh neremuat rat bang katu Allah.
5 Kai ini merapet ku Allah nganau' nekai matu. Idi kai nganét ineh dengan lalud RohNeh luk ngakem maya' anu kai.
6 Ngaceku bang Keristus Yésus, sunat idi na sinunat pana' nateh ulekneh, iamo' luk do', ieh ineh anu luk uen ngegala' bang awa.
7 Atun muyuh mekél! Idéké luk nemebpeng nemuyuh pad muyuh na maya' luk matu ineh?
8 Ngaceku ubuk ineh baken ratnan Tuhan luk pangeh nenawar nemuyuh.
9 Idi lamud luk sesuut ngelamud banak luk setebalu' ineh.
10 Ui merapet nemuyuh bang Tuhan, pad muyuh na ngerawé ratnan anun-anun luk baken. Iamo' lemulun, sagan pana' idé, luk ngagau niat muyuh miak kumin Allah.
11 Iamo', O kinanak-kinanakku, kudeng ui mada' ratnan sunat ineh teh, ngudehké ui pidereh teh? Kudeng pieh kudeng ineh, bada'ku ratnan salib ineh na mangun ku batu luk inan metebaceng.
12 Nima' amung-amung lemulun luk ngagau niat muyuh ineh ngurat bururdeh sebuleng.
13 Iamo' muyuh ini, O kinanak-kinanakku, pangeh tinawar pad muyuh mepuit; iamo' aleg makai puit ineh maya' pinian burur, iamo' ratnan awa ngebeneh burur muyuh seburur dengan seburur.
14 Ngaceku amung-amung Ukum ineh pangeh pimung dengan sebuleng bala, ieh ineh, "Do' iko mawa kuan lun denganmu mepad kudeng bururmu sebuleng."
15 Iamo' kudeng muyuh ngatep idi ngedereh nelun dengan muyuh, kali' rungen muyuh mepad kudeng pung. Ngerawé do'-do' pad muyuh na pepaté.
16 Ini ilung balaku: nima' Roh Meligan ngimet ulun muyuh, pad muyuh na maya' pinian burur.
17 Ngaceku pinian burur sikal metueh ratnan Roh, idi pinian Roh ineh sikal metueh ratnan pinian burur, ngaceku dueh-duehneh ini pebunu' pad muyuh na miak nganau' luk pian muyuh.
18 Iamo' kudeng muyuh kiuten Roh idi na muyuh pa liang Ukum ineh.
19 Kekamen luk maya' pinian burur pangeh megala', ieh ineh pasét, luk melutak, idi mesawa',
20 sembayang inan akang, mangun, pebunu', kedaluh, temaruh, megateh niat, ngeluun bururmu sebuleng, patad, babpat-babpat,
21 melili, mabuk, rot luk dat, idi luk kudeng ineh teh. Ui mada' nemuyuh nekini, mepad kudeng ui pangeh nemada' nemuyuh atun: lemulun luk nganau' kekamen ini na miak ngalap babpat bang Imet Allah.
22 Iamo' bua'-bua' Roh ineh,ieh ineh awa, mawang niat, pedo', mulai niat, éi' do' niat, lutep maya' jani',
23 mebeneh niat, idi tuman ratnan pinian burur. Idi na luk idi ukum luk mebpeng luk kudeng ini.
24 Iamo' lemulun luk manun ku pupu Keristus Yésus pangeh nenalib pinian burur dengan amung-amung lili idi piandeh.
25 Roh Meligan pangeh nemaré ulun kuan tau. Ngaceku ineh do' tau nima' Neneh ngimet ulun tau.
26 Aleg tau ngedita' burur tau sebuleng, pad tau maré ét niat seburur dengan seburur, idi temaruh seburur dengan seburur.
sabda_ylsa
Yayasan Lembaga SABDA
sabda_ylsa
Selengkapnya
SABDA Alkitab
Podcast SABDA
Slideshare SABDA