Alkitab Karaoke

Loading audio...

Catatan: Perhitungan audio timestamp (ketepatan waktu antara audio dan teks) berdasarkan perhitungan mesin / algoritma.

¹ Mangkin ite merdẽke, sẽngaq Almasih sampun merdẽkeang ite! Keranaq nike pertahenang kemerdẽkean side dait ndaq mẽlẽ tejariang hambe malik.

² Pade inget, lamun side pade nyunat diriqde, nike artine Almasih ndẽq araq manpaatne lẽq side. Saq ngucapang niki tiang mẽsaq, Paulus.

³ Karing sekali tiang peringet dengan saq nyunat diriqne, bahwe ie wajib ngelaksaneang selapuq Hukum Taurat!

⁴ Side pade, saq melẽt tejariang kenaq lẽq arepan Allah sehingge hubungande kance Allah jari solah malik langan Hukum Taurat, sampun tekelin lẽman Almasih dait sampun araq lẽq luah rahmat Allah.

⁵ Sẽngaq langan Roh Allah dait siq iman, ite ngantih napi saq kenaq, nike pade maraq napi saq ite harepang.

⁶ Sẽngaq lẽq dalem Deside Isa Almasih, besunat atao ndẽq besunat ndẽq araq manpaatne; laguq saq datengang manpaat, iman saq bekarye langan kasih.

⁷ Laẽq side pade bejuang secare bagus. Sai saq sampun halangin side pade sehingge side pade ndẽq taat malik lẽq kebenaran?

⁸ Pasti saq ngelaksaneang nike nẽnten Allah saq sampun ngemanikang side pade!

⁹ Basen dengan, "Ragi ruti saq sekediq gen miaq mbal selapuq adonan."

¹⁰ Lẽq dalem Almasih, tiang yakin bahwe side ndẽq gen turut pikiran saq lain. Dait tiang yakin bahwe saq nyesatang pikirande, gen tehukum siq Allah.

¹¹ Mengenai tiang, semeton senamian, kembẽq tiang tetep doang temusuhin lamun tiang masih beriteang bahwe aturan sunat nike perlu? Lamun tiang mule beriteang maraq nike, make napi saq tiang beriteang mengenai salib Almasih ndẽq nimbulang masalah.

¹² Bagusan dengan-dengan saq nyesatang pikiran side nike langsung doang sugul lẽman jemaah!

¹³ Side sampun temanikang jari dengan saq merdẽke. Laguq ndaq kadu kemerdẽkeande nike jari tetep ngelaksaneang kehidupan lẽq dalem dose, sebalikne side pade harus saling kasihin dait saling tulung.

¹⁴ Selapuq Hukum Taurat tesimpulang lẽq dalem prẽntah saq sopoq niki, "Side harus ngasihin sepadende manusie, maraq side ngasihin diriqde mẽsaq."

¹⁵ Laguq lamun side pade saling kakoq dait saling kaken, awas, ndaq jangke side pade saling binaseang.

¹⁶ Maksut tiang maraq niki: Menengang Roh Allah mimpin side pade, dait ndaq idup menurut kemẽlẽq tabiat manusie.

¹⁷ Sẽngaq kemẽlẽq tabiat manusie belawanan kance pekayunan Roh Allah, dait pekayunan Roh Allah belawanan kance kemẽlẽq tabiat manusie. Kedue-duene saling belawanan, sehingge side pade ndẽq bau ngelaksaneang napi saq side pade melẽtang.

¹⁸ Laguq lamun Roh Allah mimpin side pade, make side pade ndẽq tekuasein siq Hukum Taurat.

¹⁹ Kemẽlẽq tabiat manusie nyate dalem perbuatan-perbuatan saq cabul, kotor dait ndẽq patut;

²⁰ dalem penyembahan berhale dait ilmu sẽhẽr; saling bemusuhan, besiaq, talon atẽ, becat sili, dait mentingang diriq mẽsaq, perpecahan dait saling ilon,

²¹ serte dengki, bowos-bowosan, pẽste-pẽste jangke liwat bates dait saq lain-lainne. Lẽq selapuqne nike mangkin tiang peringet side pade maraq tiang sampun peringet ẽndah side pade laẽq, bahwe dengan-dengan saq ngelaksaneang hal-hal maraq nike ndẽq gen mauq bagian lẽq dalem Kerajaan Allah.

²² Laguq buaq Roh nike: Kasih, sukecite, damẽ sejahtere, sabar, murah atẽ, gawẽq hal saq solah, kesetiean,

²³ lemah lembut, nguasein diriq. Ndẽq araq hukum saq nentang hal-hal nike.

²⁴ Dengan-dengan saq sampun jari dowẽn Deside Isa Almasih, dengan-dengan nike sampun nyematẽq kemẽlẽq tabiat manusiene kance selapuq napsu dait kemẽlẽqne.

²⁵ Lamun ite idup menurut Roh, alurang idupte ẽndah tepimpin siq Roh.

²⁶ Ndaq ite jari sombong, saling nyakitang angen, dait saling talon atẽ sopoq kance saq lainne.

Galatia

Video Galatia 5

Ikuti Kami:

KONTAK | PARTISIPASI | DONASI